Stillingstittel: Universitetslektor - farmasi

Stillingsbeskrivelse:

 

Jobbnorge ID: 126756

Ved Senter for Farmasi, Klinisk institutt 2, Det medisinsk-odontologiske fakultet, er det ledig ei mellombels 50 % stilling som universitetslektor i farmasi frå snarast mogleg til og med den 31. desember 2019.

 

Ein stillingsomtale med nærare presisering av fagkrins og ansvarsområde, særlege plikter og andre tilhøve det vert lagt vekt på ved tilsetjinga, finn du lenger ned på sida.

 

Utfyllande opplysningar om stillinga kan ein få ved å kontakta senterleiar professor Svein Haavik, tlf. 55 97 46 15, e-post: Svein.Haavik (at) uib.no eller emneansvarleg professor for farmakologi Lars Herfindal, tlf. 55 97 46 28, e-post: Lars.Herfindal (at) uib.no

 

Vi kan tilby

Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt. Faglege utfordringar med gode høve for personleg utvikling og kompetanseutvikling.

 

Løn

Universitetslektorar vert lønt etter lønssteg 49-61 (kode 1009/lønsramme 25.3) etter tenesteansiennitet. For særleg kvalifiserte søkjarar kan det verte aktuelt å vurdere høgare løn. Det vert trekt 2 % pensjonsinnskot til Statens pensjonskasse.

 

Kvalifikasjonar

Den som vert tilsett må ha norsk mastergrad i farmasi, eller dokumentera tilsvarande kompetanse frå utanlandsk institusjon. Undervisninga vil vera innan emna farmakoterapi og klinisk farmasi, og det er ein føremon med tidlegare erfaring med undervisning for farmasøytar innanfor desse tema. Kjennskap til norske apotektenester vil bli vektlagt.

 

Det vil verta lagt vekt på vilje og evne til samarbeid, samt ønskje om å bidra til å utvikla farmasiutdanninga ved Universitetet i Bergen.

 

Undervisingsspråket er til vanleg norsk.

 

Undervisningserfaring ogpedagogisk basisutdanning er ønskjeleg for den som vert tilsett. Det vert høve for opplæring dersom kravet ikkje er oppfylt før tilsetjing.

 

Retningsliner

Den som vert tilsett pliktar å ta del i undervisning og eksamen etter dei studieordningane som gjeld til kvar tid, og til utan ekstra godtgjersle å rette seg etter dei endringane som gjennom lov måtte bli vedtekne om fagkrins, pensjonsordning og aldersgrense.

 

Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgde.

 

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetnad og rekruttera personar med innvandrarbakgrunn og personar med nedsett funksjonsevne. Personar med innvandrarbakgrunn og personar med nedsett funksjonsevne vert oppmoda om å søkje stillinga.

 

Universitetet i Bergen nyttar utvida offentleg dokumentinnsyn ved tilsetjing i vitskaplege stillingar.

 

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år