id: MTUxNzE5MDMwMDAwMDMgMjYx

reference: 15171903000003

documentId: 15171903000003

connectionPointId: 261

Stillingstittel: Ulstein vgs - Konsulent i 100% fast stilling

Stillingsbeskrivelse:

Vi søkjer etter ein dyktig medarbeidar som skal inngå i eit team av fire konsulentar i administrasjonen. Stillinga er nyoppretta som følgje av omorganisering, med oppstart 1.august. Du vil blant anna få ansvar for vikarhandtering. Vi kan tilby ein arbeidsplass der vi ser og oppmuntrar kvarandre, med ein spennande og variert arbeidskvardag. Du er serviceinnstilt, løysningsorientert og taklar ein til tider hektisk kvardag.

Oppgåver og ansvar

· Vikarhandtering ved lærarfråvær
· Superbrukar i skulen sine datasystem
· Arkivering og forefallande kontorarbeid, deriblant sentralbord og ekspedisjonsarbeid
· Andre arbeidsoppgåver kan bli lagt til stillinga, sidan skulen er inne i ein omorganiseringsprosess.

Krav til kompetanse

· Du har bachelor innan økonomiske- og administrative fag. Relevant arbeidserfaring kan erstatte utdanning.
· Du har gode IKT-kunnskapar
· Du er glad i å tilegne deg ny kunnskap
· Du er strukturert, har evna til å lytte og finne gode løysingar
· Du er påliteleg, sjølvstendig og jobbar godt i team

Om skulen

Ulstein vidaregåande skule ligg høgt og fritt i Høddvollområdet, nokre km frå sentrum av Ulsteinvik. Skulen har ca 550 elevar og har tilbod innan studiespesialisering og studiespesialisering med teknologi og innovasjon, idrettsfag, elektrofag, service og samferdsel, TAF mekaniske fag og påbygging til generell studiekompetanse.

Skulen er ein del av ein allsidig og spennande region, der blant anna den maritime industrien står sterkt. Skulen har godt samarbeid både med lokalsamfunnet, det maritime miljøet og næringslivet elles. Flott natur, hav og fjell er innanfor korte reiseavstandar. Området har elles eit rikt kulturliv.

Vi tilbyr

· Ein arbeidsgjevarpolitikk med satsing på leiarar og medarbeidarar for vekst og utvikling av best mogeleg tenester.
· Introduksjonsprogram
· Utfordrande oppgåver i eit aktivt, utviklande arbeidsmiljø
· Utvikling for kvar medarbeidar
· Offentleg pensjonsordning og gode forsikringsvilkår (medlemskap i KLP)
· Løn etter avtale

Tilsettinga er elles på fylkeskommunale vilkår og i tråd med gjeldande lover, avtaler og reglement.

Vi nyttar nynorsk i skriftleg kommunikasjon. Opplæring blir gitt.

Mangfald

Møre og Romsdal fylkeskommune har som mål å spegle mangfaldet i befolkninga. Alle med ønska kompetanse er velkomen til å søkje ledig stilling hos oss.

Politiattest

Den som blir tilsett må levere politiattest jf. opplæringslova §10-9.

Søkjarliste

Vi gjer merksam på at søkjarlista kan bli offentleg sjølv om søkjar ber om anonymitet jf. Offentleglova § 25, 2.ledd. Om dette blir tilfelle, vil vi ta kontakt med søkjaren før offentleggjering.

Søknad

Møre og Romsdal fylkeskommune nyttar elektronisk søknadsbehandling. Vi ber derfor om at du sender elektronisk søknad.
Kallar vi deg inn til intervju, må du ta med deg originale vitnemål og attestar.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C1345

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Ulstein vidaregåande skule

source: NAV