Stillingstittel: To stipendiatstillingar i pedagogikk

Stillingsbeskrivelse:

Jobbnorge ID: 126405

Ved Det psykologiske fakultet, Institutt for pedagogikk, er det ledig to mellombelse stillingar (100 %) som stipendiat i pedagogikk. Stillingane er for ein åremålsperiode på 4 år med 25 % pliktarbeid. Stillinga er ein del av grunnbevillinga til Det psykologiske fakultet, og er finansiert av UiB.

 

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, lærarutdanning, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

 

Den faglege verksemda ved Institutt for pedagogikk (IPED) er omfattande og held internasjonalt nivå. Ved IPED skjer forsking og undervising innan pedagogikk, spesialpedagogikk, lærarutdanning, utdanningsvitskap og universitetspedagogikk. IPED har tre forskingsgrupper og forskinga ved instituttet omfattar både pedagogisk grunnforsking, samt teoretisk - og praktisk kunnskaps- og læringsforsking. Instituttet er tilknytt nasjonale forskarskular og inngår i nasjonale og internasjonale forskingsnettverk og -samarbeid.

 

Om prosjektet:

I tida framover ønskjer ein å vidareutvikle instituttet sin forskingskompetanse innan pedagogikk, og det er ei føremon om doktorgradsprosjektet inngår i ein langsiktig plan om å styrke dette området. Tilsetting som stipendiat skjer på grunnlag av tidlegare utdanning og vitskapelege arbeid, samt prosjektplanen for forskingsprosjektet sin kvalitet og relevans for den aktuelle forskingsgruppa. Forskingsprosjektet som kandidaten skal gjennomføre må utviklast og gjennomførast i samråd med den aktuelle forskingsgruppa og rettleiarar.

Prosjektet må kvalifisere stipendiaten for opptak til fakultetet si organiserte forskarutdanning.

 

Kvalifikasjonar og eigenskapar

• Søkjarar må ha oppnådd mastergrad i pedagogikk eller tilsvarande
• Det er normalt eit krav om karakter B eller høgare på masteroppgåva ved opptak til forskarutdanninga
• Søkjarar må kunne arbeide sjølvstendig og strukturert og ha gode samarbeidsevner
• Det er eit føremon med gode ferdigheiter i engelsk skriftleg og munnleg
• Gode norskkunnskapar er naudsynt. Søkjarar som ikkje har skandinavisk som morsmål, må dokumentera gode norskkunnskapar.

 

Om stipendiatstillingane:

Samla stipendperiode er 4 år, der 25 % av tida er pliktarbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

 

Den som vert tilsett, vil ha sin arbeidsplass og residensplikt ved IPED, og arbeidsoppgåver vil primært verte knytt til forsking og undervising tilknytt studieprogramma ved IPED. Undervisningsoppgåvene kan vere i form av førelesingar, seminarleiing og rettleiing for studentgrupper. Sensurabeid kan òg inngå. Undervisinga vil i hovudsak liggje ved instituttet sine studieprogram, men andre oppgåver kan inngå innanfor den tilsette sin kompetanse. Den som vert tilsett, vil ha si primærtilknyting i ei av instituttet sine tre forskingsgrupper.

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgate 13 5015 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år