Aurland ligg fint til ved Sognefjorden, sentralt ved E16 mellom Oslo og Bergen. Vi er omlag 1760 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge og gode oppvekstkår, mangfald i næringsliv og kultur, tomte- og bustadutvikling og god tenesteyting.

Tenesteleiar/rektor Aurland barne- og ungdomsskule

vi skal tilsette tenesteleiar/rektor ved Aurland barne- og ungdomsskule frå hausten 2016. Tenesteleiar/rektor for Aurland barne og ungdomsskule (ABU) har og ansvar for vaksenopplæringa i kommunen. Stillinga er 100% fast og ledig frå 01.08.2016.

ABU er ein av to grunnskular i kommunen. ABU har ca 150 elevar fordelt på 1-10. klassetrinn. Det er 29 årsverk. ABU er nyleg renovert og har særs gode fasilitetar både for born og vaksne. ABU er lokalisert nær symjehall, fleirbrukshall og anlegg for fotball og friidrett.

Grunnskulane i Aurland er med i Sogn regionråd sitt program for barnehage- og skuleutvikling "System for styrka læring". Hovudmålsettinga i utviklingsprogrammet er "Auka læringsutbytte for alle, gjennom styrka opplæring og redusert bruk av spesialundervisning". Strategiar i programmet er skulebaset kompetanseutvikling og regionale fagnettverk. Skulane i Aurland har hatt desse satsingsområda dei siste åra:

- Relasjonsleiing - Vurdering for læring- Lesing i alle fag- Klasseleiing- Psykisk helse- Tilpassa opplæring

Framover vert "Ungdomssteg i utvikling" eit satsingsområde i samarbeid med rettleiar i regionen.

" Pedagogisk og fagleg drift, utvikling og samarbeid" Personaladministrasjon/personalansvar" Økonomi" Kvalitet og internkontroll" Deltaking i ulike samarbeidsforum

Aurland kommune er per tida organisert med to fullmaktsnivå. Desse er Rådmannen og tenesteleiar.

Tenesteleiar/rektor rapporterer til rådmannen og har fagleg, pedagogisk og administrativt ansvar ved skulen.

Pedagogisk kompetanse og leiareigenskapar er eit krav for å vere kvalifisert for stillinga (jfr. opplæringslova § 9-1).

Desse kriteria blir du som søkjar vurdert på:" utdanning - minimum 3 årig utdanning som lærar eller tilsvarande" leiareigenskapar - relevant leiarerfaring og/eller gjennomført leiaropplæring" ambisjonar for utvikling av skulen " personlege eigenskapar - du må kunne gje ein presentasjon av deg sjølv, og gjere eit godt inntrykk i intervju og samtaler" referansar -desse bør m.a. dokumentere samarbeidsevne, pedagogisk utviklings- og relasjonskompetanse

Gyldig politiattest er eit krav for tilsetting som tenesteleiar og rektor ved ABU.Det er ynskjeleg at du har førarkort klasse B og kan disponere privat bil i samband med ulike møte.

Aurland kommune nyttar nynorsk som skriftspråk. Vi føreset at du snakkar godt norsk og kan nytte nynorsk i skriftleg form.

Tilsetting, løn og arbeidsvilkår er i samsvar med gjeldande lovverk, reglement og tariffavtale. Offentleg tenestepensjon.

Vi forventar at våre leiarar skal etterleve kommunen sine verdiar: L - likeverd, Æ - ærlegdom og R- respekt i sitt daglege arbeid.

Dersom du treng hjelp med utfylling av elektronisk søknad kan du ta kontakt med Liv Helene Aalen på telefon 57 63 18 58.

Aurland kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje d

Minstelønn: 0

Maksimal lønn: 0

Arbeidsgiver Navn: Aurland barne- og ungdomsskule

Arbeidsgiver adresse: 5745 AURLAND

Job kort beskrivelse: Education managers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år