Stillingstittel: Studiekonsulent

Stillingsbeskrivelse:
Universitetet i Oslo er den største forskings- og utdanningsinstitusjonen i Noreg, med 28000 studentar og 7000 tilsette. Fagleg breidd og internasjonalt anerkjente forskingsmiljø gjer UiO til ein viktig samfunnsaktør. TIK Senter for teknologi, innovasjon og kultur (TIK) er eit tverrfagleg senter som driv forsking, undervising og formidling innan fagfelta innovasjon og vitskaps- og teknologistudier (STS). Senteret er underlagt Det samfunnsvitskaplege fakultet ved Universitetet i Oslo. Ein stor del av senteret sin aktivitet er knytt til forskingsprosjekt finansiert av Noregs forskingsråd, EU og andre eksterne finansiørar. Utdanningstilbodet utgjer forskarutdanning (PhD-program) og to masterprogram der det eine er tilknytta det europeiske nettverket for studier av vitskap, teknologi og samfunn (ESST). Senteret har 25 tilsette, der 4 er i administrative stillingar.

Ved TIK Senter for teknologi, innovasjon og kultur er det ledig eit vikariat som studiekonsulent (Seniorkonsulent 1363) for perioden 18.05.2016 – 31.01.2017. Studiekonsulenten har administrasjon av dei to masterprogramma ved senteret som eit særskild arbeids- og ansvarsområde. I tillegg vil om lag 20 % av stillinga vera knytt til webarbeid på senteret sine nettsider. Andre oppgåver kan leggjast til stillinga.

Arbeidsoppgåver

• Utarbeide og oppdatere informasjon om programma, halde informasjonsmøte og rettleia studentar, sakshandsaming, kvalitetssikringsarbeid og tilrettelegging for internasjonalisering.
• Administrativt ansvar for opptak til masterprogramma, planlegging av undervisning og avvikling av eksamen.
• Halde kontakt med den faglege programleiinga, vera sekretær for programrådet, delta i førebuing av saker og følgje opp programrådet sine vedtak.
• Oppfølging av timelønssystemet ved universitetet for TIK-senteret.
• Redaktøransvar og innhaldsproduksjon for TIK-senteret sine nettsider.
• Kommunikasjonsarbeid og oppfølging av sosiale medier.

Ein gjer merksam på at arbeidsoppgåvene kan bli endra.

Kvalifikasjonar

• Utdanning frå universitet eller høgskule med samfunnsfag eller humaniora i fagkretsen, minimum tilsvarande bachelor-nivå. Dokumentert relevant realkompetanse kan erstatte utdanningskravet.
• Relevant erfaring frå studieadministrasjon ved universitet eller høgskule
• Erfaring frå kommunikasjonsarbeid, nettredigering og innhaldsproduksjon for nett.
• Kjennskap til elektroniske verkty som vert nytta i stillinga er ønskeleg, bl. a. Felles studentsystem (FS), nettredigeringsverktøyet Vortex, sakshandsaminssystemet ePhorte, læringsplattforma Fronter, og tilsvarande system.
• God munnleg og skriftleg framstillingsevne på norsk og engelsk er ein føresetnad.

Personlige eigenskapar

• Omgjengeleg og serviceorientert person med evne til å følgje opp fleire ulike oppgåver samstundes.
• Kunne arbeide sjølvstendig, systematisk og effektivt, men også ha gode samarbeids- og koordineringsevner
• Idé- og initiativrik og open for nye innspel
• Kunne bidra til eit godt arbeidsmiljø for studentar, vitskapleg tilsette og administrasjonen på senteret.

Den som vert tilsett må kunne yte ein ekstra innsats i periodar med stor arbeidsmengde

Vi tilbyr

• Eit hyggeleg arbeidsmiljø
• Lønssteg 52-60 (444 700 – 510 100)
• God pensjonsordning i Statens Pensjonskasse
• Stilling i ei
  GJELDER