id: MTIwOTE5MDEwMDA1NzUgMjYx

reference: 12091901000575

documentId: 12091901000575

connectionPointId: 261

Stillingstittel: Studiekonsulent (førstekonsulent)

Stillingsbeskrivelse:
Jobbnorge ID: 163499

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Førstekonsulent

Ved Institutt for arkeologi, historie, kultur- og religionsvitskap (AHKR) er det frå 22. mars 2019 ledig ei fast 100% stilling som førstekonsulent. 80% av stillinga er knytt til eksamens- og undervisningsadministrasjon, medan 20% av stillinga er knytt til førstelinetenesta for SapienCE, instituttet sitt senter for framifrå forsking (SFF).

Instituttet har om lag 100 vitskapleg tilsette og om lag 1700 studentar. Fleire forskarar frå ulike fagfelt ved andre UiB-fakultet, NORCE og internasjonale samarbeidspartnarar er knytt til SapienCE.

SapienCE driv forsking på åtferdsutviklinga til homo sapiens i Sør-Afrika for mellom 50.000 og 100.000 år sidan, og ein heilskapleg tilnærming vil gje banebrytande innsikt i dei ulike aspekta av kva det vil seie å vere menneske. Senteret har fem Principal Investigators (PIs), som utgjer leiargruppa saman med senterleiar.

I den administrative staben ved AHKR inngår 12 faste stillingar. Studieleiar er koordinator for studiegruppa ved instituttet, og førstekonsulenten rapporterer til henne for hovuddelen av stillinga. Administrativ leiar for SapienCE koordinerer dei administrative tenestene ytt til senteret frå instituttet og fakultetet, og for denne delen av stillinga rapporter stillingsinnehavaren til han. Administrasjonssjefen er leiar for instituttadministrasjonen samla.

Arbeidsoppgåver:

Aktuelle arbeidsoppgåver knytt til eksamens- og undervisningsadministrasjon

• Planlegge undervisning og arbeide med timeplan
• Planlegge den praktiske gjennomføringa av eksamen, og utarbeide ein plan for den samla eksamensavviklinga og munnleg eksamen
• Halde kontakt med interne og eksterne sensorar
• Ha ansvar for førebuing av og etterarbeid knytt til eksamen i FS og Inspera
• Vere sakshandsamar i klagesaker
• Følgje med på den digitale utviklinga innan studieadministrasjon, og ta aktivt del i utprøving og implementering av nye digitale løysingar på feltet
• Ta del i rutineutvikling
• Ta hand om korrespondanse og drive variert sakshandsaming
• Ta aktivt del i eksamensnettverket
• Vere stedfortredar i instituttekspedisjonen

Det studieadministrative arbeidet krev god dialog og tett samarbeid med vitskapleg personale, og det er ein føresetnad at eksamens- og undervisningskonsulenten medverkar til god kommunikasjon mellom studiegruppa og fagmiljø.

Aktuelle arbeidsoppgåver særleg knytt til førstelinetenesta for SapienCE

• Ta hand om bestillingar, fakturamottak og varemottak
• Ta hand om drift og vedlikehald av maskiner og areal
• Stå for den praktiske tilrettelegginga av ulike typar arrangement
• Ta del i førefallande praktiske oppgåver
• Legge til rette for mottak av nytilsette og gjestar

Arbeidet knytt til SapienCE krev tett samarbeid med administrativ leiar og dei andre som yt administrative tenester til senteret, og det krev god dialog med leiargruppa og dei ulike forskarane som er knytt til senteret. Mykje av kommunikasjonen både skriftleg og munnleg går føre seg på engelsk.

Alle i administrasjonen vil, i tillegg til dei spesifikke funksjonar lagt til si stilling, også måtte ta del i andre administrative oppgåver. Det kan verte aktuelt med enkelte justeringar av arbeidsoppgåver og arbeidsfordeling.

Kvalifikasjonar og eigenskapar:

Kvalifikasjonar

• Høgare utdanning på bachelornivå, eller anna utdanning/erfaring tilpassa dei oppgåvene stillinga skal dekkje. Tilsvarande kvalifikasjonar kan oppnåast gjennom lang og allsidig praksis i sakshandsaming saman med relevant etter- og vidareutdanning.
• Relevant praksis er ein føresetnad
• Kjennskap til undervisningsplanlegging og eksamensadministrasjon er saman med kjennskap til innkjøpsrutinar og førstelinetenester ein klar føremon
• God kjennskap til det studieadministrative arbeidsfeltet og erfaring frå universitets- eller høgskolesystemet og offentleg forvaltning blir vektlagt
• God skriftleg og munnleg framstillingsevne på begge målformer
• Gode engelskkunnskapar
• God IT-kompetanse og røynsle med program som FS, TP, Inspera, Basware og ePhorte er ein føremon

 

Personlege eigenskapar

• Gode samarbeids- og kommunikasjonsevner, og god sørvisinnstilling
• Initiativ, engasjement og fleksibilitet
• Evne til å arbeide sjølvstendig, strukturert og målretta
• Evne til prioritering og orden i fasar med stort arbeidspress

I vurderinga av søkjarane vert det lagt stor vekt på dei personlege kvalifikasjonane som trengst i stillinga.

Vi tilbyr:

• Spennande og utviklande arbeidsoppgåver i et sterkt fagmiljø
• Løn som førstekonsulent etter lønssteg 45 - 55 (kode 1408/LR 21) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr 408.700 - 480.200 kr. For særskiltkvalifiserte søkjarar kan det bli aktuelt å vurdere høgare lønn. 
• Medlemsskap i Statens pensjonskasse 
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til administrasjonssjef Britt Kristin Holsen, tlf. 55582315, e-post britt.holsen (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Den som vert tilsett må rette seg etter dei retningslinene som til kvar tid gjeld for stillinga.

 

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søknad, CV og vedlegg sendes elektronisk via lenke på denne sida.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2351

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV