Ved Høgskulen i Sogn og Fjordane (HiSF), avdeling for lærarutdanning og idrett, er det ledig ei stipendiatstilling knytt til institutt for idrett frå 01.08.2016.

Stipendiatstillinga er knytt til forskingsgruppe for fysisk aktivitet og folkehelse og Førde aktiv transport studie (FACT-studien). Stipendiaten vil vere del av ei tverrfagleg prosjektgruppe med erfarne forskarar ved institutt for idrett, andre avdelingar ved HiSF og frå eksterne forskingsmiljø både nasjonalt og internasjonalt.

HiSF med sine om lag 3800 studentar og 330 tilsette kan tilby eit spennande fagmiljø innanfor utdanning og forsking. Høgskulen har studietilbod i Sogndal og Førde, og tilbyr utdanningar innan helse- og sosialfag, idrett, økonomisk-administrative fag, ingeniør- og naturfag, lærarutdanning og samfunnsfag.

Avdeling for lærarutdanning og idrett har om lag 900 studentar, 90 fagstillingar og åtte administrative stillingar. Avdelinga består av institutt for grunnskulelærarutdanning, institutt for barnehagelærarutdanning og institutt for idrett. Institutt for idrett tilbyr årseining idrett, årseining personleg trenar, tre ulike bachelorstudium i idrett og master i idrettsvitskap.

Om stillinga

FACT-studien skal evaluere om Førdepakken, der ein skal bruke 1 milliard kr til infrastruktur for gang og sykkelvegar, vil auke sykkelaktivitet og betre helse hos befolkninga i Førde. Aktiv transport har fått auka fokus, mykje grunna kunnskapen vi har om dei negative konsekvensane inaktivitet har på helsa. Prospektive studiar finn at sykling som aktiv transport har ei rekke positive verknader på helsa. Likevel er tilrettelegginga for aktiv transport varierande, og sjølv om ein har sett at sykling aukar ved betre tilrettelegging, er det få studiar som har evaluert ein storstilt satsing på gang- og sykkelveg som Førdepakken. Dette ynskjer FACT-studien å gjere, og stipendiaten vil vere knytt til arbeidspakken som skal undersøke fysisk aktivitet, helse og determinantar for åtferd. Det er utarbeidd ei tentativ prosjektskisse som potensielle søkarar kan be om å få tilsendt.

Stipendiaten vil ha dagleg arbeidsfellesskap med andre forskarar og stipendiatar i Sogndal. Det er lagt til rette for regionalt, nasjonalt og internasjonalt samarbeid, og det vert lagt til rette for internasjonal utveksling etter ønskje/behov.

Kvalifikasjonar

Du som søkjar må ha mastergrad/hovudfag eller tilsvarande utdanning knytt til fysisk aktivitet og/eller helse, eller fullføre mastergrad i løpet av juni 2016. Det vert lagt vekt på søkaren sitt potensial for forsking slik dette går fram av vedlagt masteroppgåve og eventuelle andre vedlagte vitskaplege arbeid, i tillegg til søkaren sine faglege og personlege føresetnadar for å gjennomføre eit slikt forskingsprosjekt. Du skal i søknaden gjere greie for din motivasjon for å gå inn i stipendiatstillinga og relevansen av eigen faglege bakgrunn inn mot temaet. Omfanget på utgreiinga skal vere omlag ei side.

Erfaring med måling av fysisk aktivitet, fysiske miljøfaktorar og/eller determinantar for fysisk aktivitet er ein fordel. Vi ser etter motiverte kandidatar med forskingspotensiale som evnar å arbeide sjølvstendig, er målretta og har fagleg engasjement.

Stillinga krev gode samarbeidsevner og god munnleg og skriftleg kommunikasjon på norsk og engelsk. Det er ein fordel med undervisnings- og/eller formidlingserfaring.

S&os

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år