Stillingstittel:
Stipendiat ved Institutt for biologisk og medisinsk psykologi

Stillingsbeskrivelse:

Jobbnorge ID: 126225

Ved Det psykologiske fakultet, Institutt for biologisk og medisinsk psykologi, er det ledig ei stilling som stipendiat (100%). Stillinga er for ein åremålsperiode på 4 år, med 25 % pliktarbeid. Stillinga er ein del av grunnbevillinga til Det psykologiske fakultet og finansiert av Universitetet i Bergen.

 

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

 

Den faglege verksemda ved Institutt for biologisk og medisinsk psykologi (IBMP) er omfattande og held internasjonalt nivå, knytt til forsking og undervising innan biologisk psykologi, kognitiv nevrovitskap, nevropsykologi og logopedi. Det er ca. 50 tilsette inkludert stipendiatar/postdoktorar og teknisk/administrativt personale. IBMP har fem forskingsgrupper (B.LOG, BCLG, C-CNS, fMRI, RECSS), ein forskarskule (IGSIN), og ein nevropsykologisk poliklinikk. Forskinga omfattar både basal og klinisk retta forsking. Ein vesentleg del av forskinga skjer i samarbeid med andre forskingsinstitusjonar og laboratorium i Noreg og i andre land. Instituttet rår over moderne laboratorium for elektrofysiologi, samt dyreforsking og har god tilgang til fMRI-fasilitetar.

 

Om stillinga:

Den som vert tilsett må ha profesjonsutdanning eller mastergrad i psykologi, helsefag eller anna relevant mastergrad (norsk eller utanlandsk). Søkjarar må ha oppnådd graden, eller ha levert masteroppgåva til vurdering, innan søknadsfristen er ute. Det er ein føresetnad at mastergraden er oppnådd før tilsetjing kan skje.

 

Den som vert tilsett vil ha sin hovudrettleiar og arbeidsplass ved Institutt for biologisk og medisinsk psykologi, Jonas Lies vei 91, og vere tilknytta ei av instituttet sine forskingsgrupper.

 

Tilsetting som stipendiat skjer på grunnlag av tidlegare utdanning og vitskapelege arbeid, samt prosjektplanen for forskingsprosjektet sin kvalitet og relevans for den aktuelle forskingsgruppa. Forskingsprosjektet som kandidaten skal gjennomføre må utviklast og gjennomførast i samråd med den aktuelle forskingsgruppa og rettleiarar.Interesserte kandidatar må derfor kontakte den aktuelle forskingsgruppa og/eller instituttleiar, slik at ein kan drøfte prosjektmoglegheiter og etablere kontakt med det aktuelle fagmiljøet og

potensielle rettleiarar.

 

Undervisingsspråket er til vanleg norsk og engelsk. Utanlandske søkjarar vil få tilbod om opplæring i norsk.

 

 

Kvalifikasjonar og eigenskapar

• Søkjarar må hå oppnådd mastergrad eller tilsvarande i psykologi, helsefag eller anna relevant mastergrad (norsk eller utanlandsk).
• Det er normalt eit krav om karakter B eller høgare på masteroppgåva ved opptak til forskarutdanninga
• Søkjarar må kunne arbeide sjølvstendig og strukturert og ha gode samarbeidsevner
• Det er ei føremon med gode ferdigheiter i engelsk skriftleg og munnleg
• Det er ei føremon med gode norskkunnskapar, utanlandske søkjarar vil få tilbod om opplæring i norsk.

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgate 13 5015 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år