Stillingstittel:
Stipendiat (mellombels) ved Klinisk institutt 2, Det medisinsk-odontologiske fakultet

Stillingsbeskrivelse:

 

Jobbnorge ID: 121383

Ved Universitetet i Bergen, Det medisinsk-odontologiske fakultet, Klinisk institutt 2, Influensasenteret, er det ledig ei mellombels stilling som stipendiat (100%) for ein periode på fire (4) år. Stillinga er knytt til prosjektet "Flucop", finansiert av EU Innovative Medicines Initiative.

 

Prosjekt

Målet med prosjektet er å auke forståinga av kva som skal til for å standardisere testane for influensavaksiner. Influensasenteret har som mål å utføre leiande forsking innan utvikling av nye metodar for influensavaksiner.

 

Det overordna målet til Influensasenteret er å styrke norsk vaksine- og influensaforsking, særskilt i samband med pandemiberedskap. Influensasenteret er deltakar i to NFR-prosjekt, to EU prosjekt og eit Jebsen-senter (K.G. Jebsen senter for influensa forsking) som tek sikte på å auke den medisinske forståinga av immunsvar mot vaksinasjon og infeksjon. Forskinga ved Influensasenteret fokuserer på prekliniske og humankliniske utprøvingar av influensavaksiner med mål om å auke forståinga av immunresponsen etter vaksinasjon

 

Hovudoppgåver

 

Stillinga som stipendiat vil involvere utvikling av nye metodar for måling av immunrespons, inkludert utvikling og standardisering av immunmetodar og/eller multiparametrisk flowcytometri. Prosjektet tek sikte på klinisk testing av ei influensavaksine og kan innebere pasientkontakt i ei klinisk utprøving.

Stillinga har pliktarbeid på 25% knytt til Influensasenteret som blant anna vil omfatte administrative plikter, bestilling av reagensar for Influensasenteret, opplæring av studentar og tilsette i metodar og dataanalyse.

 

Nærare opplysingar om stillinga kan ein få ved å kontakte professor Rebecca Cox på e-post: Rebecca.Cox (at) uib.no eller tlf.: +47 55 97 46 68/ +47 452 42 974.

 

 

Kvalifikasjonar og personlege eigenskapar

• den som vert tilsett må ha fullført ein mastergrad innan områda molekylær biologi, immunologi eller virologi eller ha anna relevant utdanning

• i tilsetjinga vil det verte lagt avgjerande vekt på fagleg styrke, eventuell forskingskompetanse og erfaring frå liknande prosjekt, gode samarbeidsevner og vidare evne og motivasjon til å gjennomføre eit doktorgradsprosjekt

• det vil verte lagt stor vekt på erfaring innan flow cytometri, immunologi, serologiske testar, influensa virologi og frå protein arbeid

• den som vert tilsett må ha gode kommunikasjonseigenskapar, vere strukturert og entusiastisk for forsking, initiativrik og ansvarsmedviten. Du må kunne arbeide sjølvstendig eller som del av ei gruppe, og i tillegg ha stor arbeidskapasitet, sjølvdisiplin og vere strukturert

• god skriftleg og munnleg engelsk er eit krav

 

Forskarutdanning:

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjend opplegg for ein doktorgrad innafor ei tidsramme på 4 år, med 25 % pålagte arbeidsoppgåver ved influensasenteret. Endeleg plan for gjennomføring av forskarutdanninga skal vere godkjent av fakultetet innan tre månader etter at ein har teke til i stillinga. Opptak i fakultetet sitt ph.d.- program er ein føresetnad for tilsetjing i stillinga.

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år