id: MTIwOTE4MTIwMDAzNTggMjYx

reference: 12091812000358

documentId: 12091812000358

connectionPointId: 261

Stillingstittel:
Stipendiat i utviklingsbiologi - fiskefysiologi - akvakultur

Stillingsbeskrivelse:
Jobbnorge ID: 162268

Ved Institutt for biovitskap (BIO) er det ledig ei stilling som stipendiat i utviklingsbiologi - fiskefysiologi - akvakultur for ein åremålsperiode på tre år, med høve til eit fjerde år beståande av pliktarbeid (til dømes undervisning). Stillinga er knytt til prosjekta «The effect of narrow banded LED light on development and growth performance», «Greenbag» og «Leusense», finansiert av Forskingsrådet (NFR) og Regionalt Forskingsfond Vest (RFFV).

Dei siste åra er det brukt store ressursar på utvikling av lukka anlegg for oppdrett av laksefisk. Til tross for ein stor FoU innsats er det i dag lite tilgjengeleg informasjon om biologisk prestasjon (performance) og velferd i samband med storskala intensiv produksjon av postsmolt laks i lukka anlegg. Spesielt manglar kunnskap omkring biologiske/fysiologiske forhold knytte til lysmiljø, appetitt og stress. For å oppnå god lønnsemd i lukka anlegg, må fisketettleiken vere høg. Det er då viktig at fisken har eit optimalt lysmiljø, slik at fisken sitt fôropptak, vekst, velferd og helsetilstand ikkje vert skadelidande.

Stipendiaten skal arbeide inn mot forskingsprosjektet effekt av LED lys, der målet er å kartleggje effekten av lysmiljø på tidleg utvikling og vekst og dessutan Greenbag-prosjektet som har som målsetjing å få meir kunnskap omkring appetitt og stress i lukka oppdrettssystem med stor tettleik. I prosjektet skal vi kartleggje fotoreseptorsystem og spesielt sjå på lysreseptorar som kan påverke regulering av appetitt og fordøying. Dette omfatter òg samspelet mellom fotoreseptorar og nervenettverk og neuropeptider som styrer appetitt og energiomsetning i hjernen. I prosjektet vil vi òg kartleggje effekt av ulike lysmiljø på appetitt og vekst.

Om arbeidsoppgåver
Stipendiaten skal ha spesielt fokus på å kartleggje og forstå lysoppfatting og effekt av lyskvalitet på appetittregulering, fôrinntak, vekst og stressrespons i tidlege stadium hos laks. Mykje av laboratoriearbeidet vil omfatte analysar av utrykk av gen som er relatert til desse funksjonane. Dette inkluderer mRNA markørar som er relatert til stress, adaptiv kapasitet mot endringar i miljø, og appetittindikatorar (neuropeptidar). Hovudmålet er å forstå samanhengen mellom lys og appetittkontroll og dei fysiologiske/endokrine mekanismane som er involverte.

Kvalifikasjonar og eigenskapar:

• Søkjarar må ha oppnådd mastergrad eller tilsvarande i biologi, molekylærbiologi, fysiologi eller endokrinologi, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Erfaring frå eksperimentelt arbeid med fisk og anatomi er ynskjeleg.
• God kjennskap til grunnleggjande molekylærbiologiske metodar, helst inkludert qPCR og in situ hybridisering, er ein føremon.
• Arbeide sjølvstendig og strukturert og med gode samarbeidsevner.
• Kunne jobbe sjølvstendig i felt, bl.a. med prøvetaking.
• Ynskjeleg med kandidat som har kjennskap til havbruksnæringa.
• Nytte engelsk skriftleg og munnleg
• Gode norskkunnskapar er ynskjeleg.

Særeigne krav for stillinga
Kandidaten må leggje ved eit motivasjonsbrev (maks 1,5 sider) som også inneheld ei kort utgreiing av korleis hans/hennar kompetanse og interesser passar til hovudmåla og metodane i prosjektet.

Om stipendiatstillinga
Samla stipendperiode er tre år, med høve til eit fjerde år beståande av pliktarbeid (til dømes undervisning), fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vil bli avgjort av instituttleiar ved tilsetjing.

Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

Om forskarutdanninga
Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Endeleg plan for gjennomføringa av forskarutdanninga skal vere godkjent av fakultetet innan tre månader etter at du har teke til i stillinga. Det er ein føresetnad at du fyller krava for opptak til ph.d.- studiet ved Universitetet i Bergen.

Vi kan tilby

• eit godt og fagleg utfordrande arbeidsmiljø
• løn etter lønssteg 51 (kode 1017 /LR20, alternativ 9) i det statlege lønnsregulativet. Dette utgjer ei årsløn på kr. 449 400 brutto. Vidare opprykk skjer etter tenesteansiennitet.
• medlemskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Søknaden skal innehalde

• ei kort utgreiing om søkjaren sine forskingsinteresser og motivasjonen for å søkje stillinga. Motivasjonsbrev skal innehalde ei kort utgreiing av korleis hans/hennar kompetanse og interesser passar til hovudmåla og metodane i prosjektet.
• namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve
• CV
• karakterutskrifter og vitnemål for bachelor- og mastergrad, alternativt ei stadfesting av at mastergradsoppgåva er levert
• relevante attestar
• eventuell liste over vitskaplege arbeid (publikasjonsliste)
• eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Generell informasjon
Utfyllande opplysningar om stillinga kan ein få ved å vende seg til professor Jon Vidar Helvik, Institutt for biovitskap, telefon +47 55 58 43 71 eller professor Ivar Rønnestad, Institutt for biovitskap, telefon +47 55 58 35 86.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om det.

Nærare om tilsettingsprosessen her.

 

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV