Stillingstittel:
Stipendiat i reknebasert katalyse og molekyldesign

Stillingsbeskrivelse:

Jobbnorge ID: 123114

Ved Kjemisk institutt (www.uib.no/kj), Universitetet i Bergen, er det ledig ei stilling som stipendiat (Ph.D.-student) i reknebasert katalyse og molekyldesign. Stillinga er for ein åremålsperiode på fire år (inkludert undervisningsplikt, sjå nedanfor) knytt til eit tverrfagleg prosjekt, støtta av Noregs forskingsråd, på utvikling av homogene katalysatorar for omsetjing av ligninbasert bio-olje til biodrivstoff.

 

Om prosjektet/arbeidsoppgåver

Vi vil utvikle resirkulerbare katalysatorar som på ein miljøvenleg og økonomisk berekraftig måte kan fjerne oksygenholdige funksjonelle grupper i ligninbasert bio-olje, og slik gje biodrivstoff. Katalysatorane vil bli utvikla ved hjelp av mekanistisk innsikt og prediksjon frå molekylære berekningar, og desse berekningane vil vere stipendiaten sitt arbeid. Andre prosjektmedarbeidarar vil syntetisere og teste dei mest lovande predikerte katalysatorane, og prosjektet vil innebere nært samarbeid mellom reknebaserte og eksperimentelle kjemikarar.

 

Kvalifikasjonar og eigenskapar

• Søkjarar må oppnådd mastergrad eller tilsvarande utdanning i kjemi, fysikk eller eit tilgrensande fag, eller må ha levert mastergradsavhandlinga si til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Søkjarar bør ha sterk bakgrunn i kvantekjemi og anvendt kvantekjemi. Bakgrunn frå andre delar av berekningskjemien, som til dømes molekylmekanikk og dynamikk, er også relevant.
• Kunnskap om uorganisk/metallorganisk kjemi er ein føremon.
• Kunnskap om metodar innan kjemometri og kjeminformatikk er ein føremon.
• Programmeringserfaring er ein føremon.
• Gode evner til kritisk tenking og skriving er naudsynt.
• Evne til å arbeide strukturert og sjølvstendig, og til å samarbeide med andre.
• Gode kunnskapar i engelsk er naudsynt, både skriftleg og munnleg.
• Undervisningsspråket er til vanleg norsk. Den som vert tilsett, må kunne undervise på norsk eller eit anna skandinavisk språk tidleg i stipendperioden. Utanlandske kandidatar vil få tilbod om opplæring i norsk.

Om stipendiatstillinga

Samla stipendperiode er 4 år, der 25 % av tida er pliktarbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

 

Om forskarutdanninga

Som stipendiat skal du delta i eit godkjent utdanningsprogram for ein Ph.D.- grad innanfor ei tidsramme på 3 år. Det er ein føresetnad at du fyller krava for opptak til Ph.D.- studiet ved Universitetet i Bergen.

 

Vi kan tilby

• eit profesjonelt, utfordrande og internasjonalt arbeidsmiljø
• velutrusta, moderne laboratorium, inkludert det aller beste innan maskinvare og programvare for reknebasert kjemiforsking
• medlemskap i eit godt finansiert og tverrfagleg prosjekt
• løn etter lønssteg 50 (kode 1017 /LR20, alternativ 8) ved tilsetjing. Dette utgjer ei årsløn på kr 429 700,- brutto. Vidare opprykk skjer etter tenesteansiennitet i stillinga.
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år