Stillingstittel: Stipendiat i miljøtoksikologi

Stillingsbeskrivelse:

Jobbnorge ID: 125718

Ved Institutt for biologi (BIO) (http://www.uib.no/bio) er det ledig ei stilling som stipendiat i miljøtoksikologi. Stillinga er for ein åremålsperiode på 4 år.

 

Om prosjektet/arbeidsoppgåver

• Forskingsoppgåvene til stillinga er knytt til Digitalt Liv-prosjektet "dCod 1.0: decoding the systems toxicology of Atlantic cod - environmental genomics for ecosystem quality monitoring and risk assessment".
• Målet med dCod-prosjektet er å knyte saman kompetanse i miljøtoksikologi, biologi, bioinformatikk og matematikk på tvers av instituttgrensene, for å skape ei djupare forståing av torsken si tilpassing til og reaksjon på stressfaktorar i miljøet.
• Prosjektet er finansiert av Noregs Forskingsråd og har 13 partnarar nasjonalt og internasjonalt.
• Oppgåver knytt til arbeidspakke 1 (In vitro and in vivo exposure studies) i dCod-prosjektet ligg til stillinga.
• Vi søkjer ein særs motivert kandidat som meistrar relevante teknologiar på eit teoretisk så vel som på eit praktisk nivå. Stillinga vil medføre noko reising både nasjonalt og internasjonalt.

Kvalifikasjonar og eigenskapar

• Søkjarar må hå oppnådd mastergrad eller tilsvarande i biologi eller anna relevant fagområde, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Erfaring frå miljøtoksikologiske studiar og arbeid med fisk er ein førmon.
• Arbeide sjølvstendig og strukturert og ha gode samarbeidsevner
• Nytte engelsk skriftleg og munnleg
• Gode norskkunnskapar 

Om stipendiatstillinga

Samla stipendperiode er 4 år, der 25 % av tida er pliktarbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

 

Om forskarutdanninga

Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Endeleg plan for gjennomføringa av forskarutdanninga skal vere godkjend av fakultetet innan tre månadar etter at du har teke til i stillinga. Det er ein føresetnad at du fyller krava for opptak til ph.d.- studiet ved Universitetet i Bergen.

 

Vi kan tilby

• eit godt og fagleg utfordrande arbeidsmiljø
• løn etter lønssteg 50 (kode 1017 / lr 20, alternativ 8) i det statlege lønnsregulativet. Dette utgjer ei årsløn på kr 430 500. Vidare opprykk skjer etter tenesteansiennitet i stillinga.
• medlemskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Søknaden skal innehaldeei kort utgreiing om søkjaren sine forskingsinteresser og motivasjonen for å søkje stillinga

• namn og kontaktopplysningar til to referansepersonar, ein av desse kan vere hovudrettleiaren frå masteroppgåva eller tilsvarande oppgåve.
• CV
• karakterutskrifter og vitnemål for bachelor- og mastergrad, alternativt ei stadfesting av at mastergradsoppgåva er levert
• relevante attestar
• eventuell liste over vitskaplege arbeid (publikasjonsliste)
• eventuelle publikasjonar

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Bergen 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år