Stillingstittel: Stipendiat i fiskefysiologi

Stillingsbeskrivelse:

Jobbnorge ID: 127851

Ved Institutt for biologi (http://www.uib.no/bio) er det ledig ei stilling som stipendiat i fiskefysiologi. Stillinga er for ein åremålsperiode på fire år, knytt til Senter for forskingsdrevet innovasjon CtrlAQUA (Senter for oppdrett av laks i lukka anlegg).

 

Om prosjektet/arbeidsoppgåver: CtrlAQUA - Senter for forskingsdrevet innovasjon innan lukka akvakultur er grunnlagt som Senter for forskingsdrevet innovasjon (SFI) for perioden 2015-2023 (http://ctrlaqua.no/). Senteret skal leggje grunnlag for utviklinga av framtidas lukka oppdrettskonsept. Med større kontroll over produksjonsprosessen vil ein kunne redusere problema knytt til dødelegheit og lakselus, og samstundes redusere produksjonstida for oppdrettslaksen.

 

Hovudfokus i senteret vil vere innovasjonar i lukka anlegg for ei av dei mest sårbare periodane i laksen sin produksjonssyklus, den tidlege sjøvassfasen, kjent som postsmoltfasen. Den viktigaste innovasjonen i senteret blir pålitelig og effektiv produksjon av postsmolt i lukka system på land eller i sjø.

 

CtrlAQUA skal bidra til betre produksjonskontroll, fiskevelferd og bærekraft i lukka oppdrettsanlegg gjennom teknologisk og biologisk innovasjon. CtrlAQUA er organisert i fire avdelingar:

• Teknologi og miljø

• Førebyggjande fiskehelse

• Fiskeproduksjon og velferd

• Utdanning og rekruttering

Stipendiaten vil i første rekke drive sin forsking innafor avdeling for fiskeproduksjon og velferd, knytt til eit eller fleire av dei prosjekta som vert prioriterte innafor avdelinga. Aktuelle tema kan verte fisken sin fysiologiske tilpassing til lukka oppdrettssystem i sjø, fisken sin velferd i slike system, og overgangen mellom lukka og opne system. Andre tema kan også bli aktuelle i løpet av perioden.

 

Kvalifikasjonar og eigenskapar

• Søkjarar må hå oppnådd mastergrad eller tilsvarande i biologi/molekylærbiologi med relevans for fisken sin fysiologi, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje
• Erfaring frå arbeid med fisk er ei føremon, dette gjeld både arbeid med fiskeforsøk i felt eller lab. Likeeins vil vi leggje vekt på erfaring frå arbeid med fysiologiske og/eller molekylærbiologiske metodar i fiskebiologisk forsking, spesielt retta mot tilpassing til miljøet, vekst og velferd
• Søkjarar må kunne arbeide sjølvstendig og strukturert og ha gode samarbeidsevner
• Søkjarar må kunne nytte engelsk skriftleg og munnleg. Gode norskkunnskapar er ei føremon

 

Om stipendiatstillinga:

Samla stipendperiode er 4 år, der 25 % av tida er pliktarbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

 

Om forskarutdanninga:

Som stipendiat skal du delta i eit godkjent utdanningsprogram for ein PhD - grad innanfor ei tidsramme på 3 år. Endeleg plan for gjennomføringa av forskarutdanninga skal vere godkjent av fakultetet innan tre månader etter at du har teke til i stillinga. Det er ein føresetnad at du fyller krava for opptak til ph.d. - studiet ved Universitetet i Bergen.

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Thormøhlens gate 53 a-b 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år