Ved Institutt for informatikk (www.uib.no/ii) er det ledig ei stilling som stipendiat i bioinformatikk og systembiologi. Stillinga er for ein åremålsperiode på 4 år og knytt til den nasjonale forskarskulen i bioinformatikk (www.norbis.no).

Om prosjektet/arbeidsoppgåver

Institutt for informatikk er av Forskingsrådet rangert fyrst i Noreg i medhald av forskingskvalitet. Stipendiaten vil arbeide med bioinformatikk og systembiologi i forskingsgruppa ved Computational Biology Unit (http://www.uib.no/en/cbu), leia av professor Inge Jonassen

Stillinga er knytt til programmet "Digitalt liv" støtta av Forskingsrådet. Programmet har som mål å bygge og støtte transdisiplinær forsking innan livsvitskap gjennom prosjekt som inkluderer molekylærbiologi, bioinformatikk og matematisk modellering. Den som blir tilsett, vil arbeide med utvikling og bruk av bioinformatikk og systembiologimetodar knytt til prosjekt som inneber samarbeid med biologiske og medisinske forskingsgrupper, inkludert Sea Lice Research Centre (www.slrc.no). I samarbeid med matematiske grupper vil vi utforske nye metodar for data-analyse og modellering.

Vi søkjer ein person med sterk bakgrunn innan informatikk. Den som blir tilsett, vil bruke og utvikle metodar som integrerer data frå ulike kjelder for å modellere utvalde biologiske system på molekylært nivå, og foreta prediksjonar som kan bli testa eksperimentelt av samarbeidande grupper. Når mogleg, vil programvare bli integrert med NeLS (Norwegian e-infrastructure for Life Science) knytt til den norske noden av Elixir, som koordinerast frå CBU.

Kvalifikasjonar og eigenskapar:

• Søkjarane må ha oppnådd mastergrad eller tilsvarande i informatikk, bioinformatikk eller eit relevant nærliggjande fagfelt. Masterstudentar kan søkje dersom dei skal fullføre sin avsluttande mastereksamen innan 1. august 2016. Mastergraden må vere oppnådd før ein kan tiltre stillinga.

• Søkjarane må ha særs gode ferdigheitar innan programmering i eit eller fleire relevante språk.

• Erfaring frå bioinformatikk er ein føremon.

• Kunnskap innan molekylærbiologi er ein føremon.

• Søkjarane må kunne arbeide sjølvstendig og strukturert og ha gode samarbeidsevner.

• Søkjarane må kunne nytte engelsk skriftleg og munnleg. 

Om stipendiatstillinga

Samla stipendperiode er 4 år, der 25 % av tida er pliktarbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

Om forskarutdanninga

Som stipendiat skal du delta i eit godkjent utdanningsprogram for ein ph.d.-grad innanfor ei tidsramme på 4 år (tilsvarande ein 3 års heiltidsstilling). Det er ein føresetnad at du fyller krava for opptak til ph.d.-studiet ved Universitetet i Bergen.

Endeleg plan for gjennomføringa av forskarutdanninga skal vere godkjent av fakultetet innan tre månader etter at du har teke til i stillinga.

Vi kan tilby

• eit godt og fagleg utfordrande arbeidsmiljø

• moglegheiter for forskingsopphald i gruppene til samarbeidspartnarar


Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år


GJELDER