Ved Det psykologiske fakultet er det ledig ei stipendiatstilling som vil kunna gje dobbelkompetanseutdanning i psykologi. Stillinga har ein samla åremålsperiode på inntil sju år og er finansiert av Universitetet i Bergen i samarbeid med Helse Stavanger HF.

Det psykologiske fakultet er eit breiddefakultet med ca. 1600 studentar fordelt på mange ulike studieprogram. Fakultetet har profesjonsutdanning i psykologi, bachelor- og masterutdanning innanfor arbeids- og organisasjonspsykologi, generell psykologi, helsefremjande arbeid, logopedi, pedagogikk, barnevern og kjønns- og utviklingsstudiar. I tillegg har fakultetet ansvar for pedagogikk i den integrerte lærarutdanninga ved UiB, praktisk pedagogisk utdanning og universitetspedagogikk for tilsette ved UiB. Fakultetet har også etablert fleire forskarskular, og fakultetet sine tilsette driv omfattande forsking av høg internasjonal kvalitet.

Om stillinga som dobbelkompetansestipendiat

Med dobbelkompetanse vert det meint dokumentert forskingskompetanse (avlagt doktorgrad) og spesialistkompetanse (godkjent spesialist innan kliniske område, Norsk Psykologforening). Finansieringa av den kliniske delen av rekrutteringsstillingane er forankra i regionale samarbeidsavtalar mellom Det psykologiske fakultet og helseføretaka.

Rekrutteringsstillingane består av to sjølvstendige delar: ein stipendiatperiode på 3 år og ein spesialistkandidatperiode på inntil 4 år. Tilsetjing i stipendiatstillingane skjer med Det psykologiske fakultet som arbeidsgjevar, medan tilsetjing i spesialistkandidatstillinga ved denne utlysinga skjer med Helse Stavanger HF som arbeidsgjevar.

I Helse Stavanger HF har ein fleire pågåande doktorgrader, post.doc-prosjekt og anna forskingsverksemd organisert i forskingsgrupper. Søkjarar kan også knyta forskingsprosjekta sine til miljøa i Helse Stavanger HF, og det vil vera ein styrke for søknaden om ein planlegg eit integrert løp der også forskingstida gjennomførast i klinikken.

Kvalifikasjonar og eigenskapar.

• Den som vert tilsett må på søknadstidspunktet vera cand. psychol. eller ha ei tilsvarande utdanning som gjev autorisasjon som psykolog i Noreg

• Søkjaren må normalt ha bestått profesjonsstudiet med særs godt resultat eller kunne dokumentera tilsvarande nivå gjennom seinare forskingsarbeid og i prosjektskildringa

• Kandidaten må kunna arbeida sjølvstendig og strukturert og ha gode samarbeidsevner

• Kandidaten må ha gode norskkunnskapar

• Det vil verta lagt vekt på personlege eigenskapar

Det vil telja positivt om søkjarar har byrja på spesialistopplæringa, og i slike høve vil samla åremålsperiode verta redusert tilsvarande.

Om stipendiatstillinga og forskarutdanninga:

Samla stipendperiode er 3 år i eit godkjent utdanningsprogram for ph.d.- grad. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden. Prosjektskissa skal ha ei klar forankring i klinisk psykologi og vera knytt til forskingsmiljø ved Det psykologiske fakultet. Ved vurdering av dine kvalifikasjonar til stillinga vil du også verte vurdert iht krava for opptak til den organiserte forskarutdanninga ved Det psykologiske fakultet.

Nærare om forskarutdanning ved Det psykologiske fakultet