Stillingstittel: Sokneprest (Ref. nr.: 3037135519)

Stillingsbeskrivelse:
Valdres har storslått natur og rik muligheit til aktivt friluftsliv sommar som vinter. Folk i Valdres har stor interesse for tradisjon og historie og folkemusikken er levande. Den musikalske breidda kjem til syne blant anna ved arrangement som Jørn Hilme-stemnet, Valdres sommersymfoni, Vinjerock på Eidsbugarden og Trollrock på Beitostølen. Fagernes er Valdres sin vesle by med fokus på handel og turistnæring. Her blir Rakfiskfestivalen arrangert kvart år i november.

Valdres prosti har 6 fellesrådsområde (identisk med kommunane); Sør-Aurdal, Nord-Aurdal, Etnedal, Øystre Slidre, Vestre Slidre og Vang med eit samla folketal på om lag 18.000.

Eit særpreg ved kyrkjebiletet i Valdres er at kyrkjene ligg tett, med mange små sokn og gode lokale relasjonar mellom folk og kyrkje. Dalen har til saman 34 gudshus, der åtte er mellomalderkyrkjer og seks av desse er stavkyrkjer. Sommargudstenester på gamle kyrkjetufter og stølsmessetradisjonen lever. I 2004 blei Pilegrimsvegen gjennom Valdres opna; 163 km, ein åtte dagars vandring som startar i Hedalen og ender på Filefjell. Det blir organisert fellesvandring her kvar sommar, med god oppslutning.

Valdres prosti er godt i gang med å utvikle trosopplæringsarbeidet.Sokneprest i Vang - Valdres prosti

Vang er ein fjellkommune på sørsida av Jotunheimen der austland møter vestland. Kommunen ligg midt mellom Oslo og Bergen. E 16 går gjennom kommunen og blir for tida bygd ut både mot vest og aust. Kjende turiststader som Filefjell, Tyin og Eidsbugarden ligg i kommunen. Vang kommune har storslått natur og spennande kultur og historie der kyrkja har ein sentral plass. Kommunen har ca. 1600 innbyggjarar og god økonomi. Soknepresten har ansvar for fire sokn; Vang med kyrkje frå 1840, Høre med stavkyrkje bygd i 1179, Heensåsen med kyrkje frå 1902 og Øye med kyrkje frå 1747. I Øye sokn er det og ei lita stavkyrkje som vart funnen att og gjenreist i 1965, samt St. Tomaskyrkja på Filefjell med gudstenester om sommaren og i påska. Sistnemnde vart vigsla økumenisk i 1971 og der deltek prestar frå Lærdal og Årdal i eit samarbeid. Vang stavkyrkje vart seld og flytt til Schlesien, noverande Polen i 1844. Det er god kontakt med kyrkjelyden der. Gudstenester er fordelt nokolunde jamt mellom kyrkjene, med førstedags gudstenester stort sett i Vang. Målform i liturgien er nynorsk i alle kyrkjer. Om sommaren har tre av sokna kvar si stølsmesse. Det er godt samarbeid mellom sokna om felles trusopplæring og konfirmantundervisning. Presentasjon og samtalegudsteneste går på omgang mellom kyrkjene. Sentralt i kommunen ligg den vesle tettstaden Vang med nybygd barnehage, butikk, sjukeheim, kommunehus, legekontor og helsestasjon, bank og asylmottak. Her er ein skule for 1-10. klasse som for tida fornyast og byggjast ut med stor idrettshall, svømmebasseng og svært gode skulelokale. Kommunen har gode tilbod om fritidsaktivitetar for born og unge med kulturskule, korps, ungdomsklubb, alpint, fotball og andre idrettsgreiner. Vidaregåande skule ligg på Leira rett sør for Fagernes. Frivilligsentralen samarbeider med eit godt bibliotek og har mykje aktivitet for alle aldersgrupper. Kommunen har eit prosjekt kalla «Innovangsjon» med mykje ungdommeleg engasjement for å skape liv, arbeidsplassar og vekst i folketalet i Vang. Eit spennande kontorfellesskap er etablert for nye bedrifter i sentrum av Vang. Vang er ein hyttekommune, og mange hyttefolk har interesse for det kyrkjelege liv. Prestekontor er i Drengestøga – den gamle forpaktarbustaden til prestegarden. Her er lyst og romsleg kontor og ei lita kyrkjestøge med plass for konfirmantunderv

Minstelønn: 0

Maksimal lønn: 0

Arbeidsgiver Navn: Hamar bispedømme

Arbeidsgiver adresse: 2975 VANG I VALDRES

Job kort beskrivelse: Religious professionals

Land: Norge

Region: Oppland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år