id: MTExOTE5MDEwMDAwNDIgMjYx

reference: 11191901000042

documentId: 11191901000042

connectionPointId: 261

Stillingstittel:
Sokneprest med Varhaug sokn som tenestestad - Jæren prosti

Stillingsbeskrivelse:

Stavanger bispedømmeråd søkjer etter ny sokneprest i 100% stilling i Varhaug sokn, Jæren prosti.

Jæren prosti består av kommunane Klepp, Gjesdal, Time og Hå. Varhaug ligg i sistnemnde kommune. Hå kommune og Hå fellesrådsområde fell saman, og utgjer eit samarbeidsområde med 3 sokn: Varhaug, Ogna og Nærbø. Varhaug sokn har 2 bygder: Varhaug og Vigrestad. Dei har kvar sitt misjonhus.
Mange frivillige er knytt til gudstenestearbeidet i Varhaug kyrkje, diakoni og trusopplæring.
Kommunen er i vekst. Fleire unge familiar flytter til kommunen. Det nye utbyggingsområdet Stokkelandsmarka ligg i nabosoknet Ogna. Det er starta gudstenester/kyrkjelydsplanting her, med eigen kyrkjelydsprest i 80% stilling. Varhaug sokn er også med og støttar dette arbeidet, m.a. økonomisk.
Hå kommune har mykje vakker Jær-natur å by på, og har gode tilbod innan idrett, kulturskule, etc.
Varhaug kyrkjelyd sin visjon er: «I Kristus, nær livet - ei vedkjennande, misjonerande, tenande og open folkekyrkje». Arbeidet med trusopplæring og gudstenestene er prioritert.
Kyrkjelyden har forordna gudstenester kvar sundag. Det blir brukt nynorsk liturgi.
Soknet har tilsette i fleire stillingar: dagleg leiar 50%, organist 70%, diakon 90%, kateket 80%, kyrkjelydspedagog 60%, familiearbeidar 10%, ungdomsarbeidar (konfirmantarbeidar) 10%, og kyrkjetenar. Soknepresten har kontor på Varhaug saman med medarbeidarane i Varhaug og Ogna sokn.
Varhaug kyrkje ligg på Odland, og er ei langkyrkje i nygotisk stil, vigsla desember 1904. Det er ei kyrkjestove i tilknyting til kyrkja. Kyrkjestova vert mellom anna nytta til kyrkjekaffi, konfirmantarbeid, trusopplæring, sundagsskule og B-tweensgrupper.

Skildring av stillinga:
Varhaug sokn søkjer ein sokneprest som har evner til kyrkjelydsutviklande arbeid, trivst med å arbeide i ein kyrkjelyd der frivillige er aktivt med å førebu og med i gudstenestane, og der ein saman søkjer etter nye måtar og nye former å formidle evangeliet på (jfr. Arbeidsoppgåver og Personlege eigenskapar nedafor).
Soknepresten er saman med kateket og kyrkjelydspedagog, aktiv i trusopplærings- og konfirmantarbeidet.
Soknepresten er medlem av soknerådet.
Meir info: www.varhaugkyrkje.no og Facebook: www.Facebook.com/varhaugkyrkje
Arbeidsoppgåver

• Ansvar for prestetenesta i soknet i samsvar med tenesteordning for prestar i Den norske kyrkja.
• Ansvar for gudstenester og kyrkjelege handlingar.
• Saman med sokneråd og stab ha fokus på visjon og verdiar i kyrkjelyden.
• Soknepresten skal difor:
• gi opplæring og formidle Jesus-begeistring til barn, unge og vaksne.
• ha særleg fokus på familiar og trusopplæringa.
• vidareutvikle gudstenestane og andre møtestader, slik at dei vert inspirerande og utrustande møter med Gud, og der nådegåvene vert elska fram.
• vidareutvikle det frivillige engasjementet i soknet.
• Saman med sokneprestane i Ogna og Nærbø sokn ha tenesteveker etter fast turnus innanfor Hå kyrkjelege fellesrådsområde.
• Vere med å ha andaktar på institusjonar. Enkelttenester ved særskilte behov i heile Jæren prosti.
• Delta i gjeldande bakvaktsordnigar i prostiet, og beredskapsordningar i bispedømmet.

Utdanningsnivå

• Cand. theol. med praktikum eller tilsvarende

Personlege Eigenskapar

• Ha gode samarbeidsevner i forhold til stab, sokneråd og frivillige.
• Kunne ta initiativ, og arbeide målretta og sjølvstendig i eit godt samspel med andre, frivillige lag og organisasjonar. Ha vilje til og lika tverrfagleg samarbeid og teamarbeid med stab og frivillige.
• Ha evne og vilje til å formidle Jesus-begeistring for barn, unge og vaksne.
• Kunne engasjere, utfordre, utvikle og disippelgjere medarbeidarar.

Vi tilbyr

• Stillinga vert løna etter gjeldande reglar.
• Valnlege regulativmessige godtgjeringar Skyss- og telefongodtgjering etter gjeldande satsar. Pensjonsinnskot.
• Den som vert tilsett deltek i gjeldande beredskapsorning.
• Tilsettinga skjer på dei vilkåra som til ei kvar tid gjeld (jfr. Tilsettingsreglementet), og den som blir tilsett må rette seg etter endringar i lover, tariffavtalar, reglement m.m., samt avgjerder som kan influere på tenesta sine gjeremål, særskilte samarbeidsområde og tenestedistrikt.
• Ved tilsetting vil det bli lagt vekt på dei særlege krava som blir stilt i utlysingsteksten. Søkjarane blir derfor bedne om å utforme ein eigenpresentasjon i sin søknad, som svarar på dei utfordringar som kjem fram i utlysingsteksten. Sjå særleg under "Arbeidsoppgåver" og "Personlege eigenskapar".
• Målforma er nynorsk.
• Kvinner og yngre prestar vert oppfordra til å søkje.
• Alle søkjarar må søkje elektronisk.
• Opplysingar om samlivsform vil kunne bli innhenta og vektlagt ved tilsetting, jf. § 30 i likestillings- og diskrimineringslova.
• Det vil bli utarbeida offentleg søkjarliste. Opplysningar om søkjaren kan bli gjort offentleg, sjølv om ein ber om ikkje å bli ført på denne lista, jf. Offentleglova paragraf 25 andre ledd.
• Den som blir tilsett må leggje fram politiattest (barneomsorgsattest) utan merknader

KontaktinformasjonGunnar Rønnestad, assisterende stiftsdirektør, (+47) 51846278
Kjell Børge Tjemsland, prost, 51770373
Arbeidsstad
 Varhaug
Nøkkelinformasjon: Annonsør:Den norske kirke, Stavanger bispedømme

Ref. nr.:4012988674
Stillingsbrøk: 100%
Fast
Tal på stillingar: 1
Søknadsfrist: 10.02.2019


https://www.webcruiter.no/wcmain/advertviewpublic.aspx?oppdragsnr=4012988674&company_id=342183742&culture_id=NN-NO

For elektronisk søknadsskjema:[Klikk her]
* Den norske kirke

numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

positionTypeCode: directhire

contractTypeCodes_0: fulltime

Arbeidsgiver Navn: Den norske kirke, Stavanger bispedømme

source: NAV