id: MTIyNDE5MDYwMDAwMTEgMjYx

reference: 12241906000011

documentId: 12241906000011

connectionPointId: 261

Stillingstittel:
Sokneprest i Sunnhordland prosti, Husnes og Holmedal, med sokna i Kvinnherad som tenestestad

Stillingsbeskrivelse:

Org. nr: - Stillingsident: 4093956256 Presentasjon av stillingen:

Husnes og Holmedal sokn ligg i Kvinnherad kommune med eit folketal på om lag 5500. I kommunen er det vel 13 000 innbyggjarar. Kvinnherad kommune har ein flott natur som gjev gode høve til rekreasjon og naturopplevingar både sommar og vinter.

Det er eit variert næringsliv med m.a. Hydro Husnes og Valen sjukehus. På Husnes er det eit stort butikksenter. Her ligg og Kvinnherad vidaregåande skule, Husnes ungdomsskule og sjukeheimen Husnestunet. På Husnestunet har prestane andaktar. I kommunen er det bedrifter som arbeidar med livbåtproduksjon. Hurtigbåten til Stord brukar om lag 20 minuttar med hyppige avgangar morgon og ettermiddag. Her er ein attraktiv arbeidsmarknad og for dei som er busett i Kvinnherad.

Vi søkjer etter ein person med engasjement for prestetenesta, gode samarbeidsevner og evne til å kommunisere med ulike aldersgrupper.

Husnes og Holmedal sokn har tre kyrkjer: Husnes kyrkje (1874) med gudsteneste annankvar sundag. Valen kyrkje (1978) er ei arbeidskyrkje. Holmedal kyrkje (1882) ligg på Utåker. I Valen og Holmedal kyrkjer er det gudsteneste kvar fjerde sundag. I Valen har ein og nokre kveldsgudstenester på kvardagar. Det er i alt 9 sokn og 12 kyrkjer i Kvinnherad. Alle prestane har også einskilde gudstenester i dei andre sokna.

Soknepresten har sete i Husnes og Holmedal sokneråd og har hovudansvar for gudstenester og kyrkjelege handlingar i soknet. Soknepresten samarbeider med soknepresten i Uskedal om konfirmantarbeid og kontakt mellom kyrkje, skule og barnehage. Sokneprestane deler tenestevekene, tenestene gjeld primært gravferd. Arbeidsfordelinga mellom prestane vil bli drøfta i samband med tilsetjinga.

I 2016 vart det felles kyrkjekontor på Valen for alle sokna i Kvinnherad kommune. Her er kontor for kyrkjeverje, dei fire sokneprestane i kommunen, kantor/organistar, trusopplærarar og kontormedarbeidarar. Felles kyrkjekontor er viktig for å utvikle vidare samarbeidet mellom dei kyrkjeleg tilsette i fellesrådsområdet. Dei tilsette samlast til regelmessige møter og sokneprestane samarbeider om prestetenesta. Ei ordning der ein av sokneprestane fungerer som koordinerande sokneprest blir prøvd ut og vil bli evaluert. I 2018 var det for fyrste gong felles bispevisitas for alle sokna i Kvinnherad.

Det er eit godt samarbeid mellom tilsette i kyrkja og friviljuge medarbeidarar i kyrkje og bedehus. I sokna er det fleire former for barne- og ungdomsarbeid tilslutta ulike organisasjonar. I Husnes og Holmedal er det fleire bedehus, Husnes bedehus har størst aktivitet. Tilsette i kyrkja er engasjerte i ungdomsarbeidet der. Eit godt samarbeid er viktig både med tanke på ungdomsarbeid og gudstenestearbeidet.

Fleire opplysingar er å finna på http://www.kvinnherad.kyrkja.no/. Der finn ein også utdrag frå årsstatistikk.

Prosten leiar prestetenesta i prostiet og ivaretek arbeidsgjevaren sin styringsrett overfor prestane. Prestane vert kalla inn til jamlege samlingar for fagleg utvikling, åndeleg fellesskap og teambygging. Alle prestane har prostiet som tenestedistrikt. Sunnhordland prosti er eit beredskapsområde.

Arbeidsgjevar kan vera behjelpeleg med å skaffa tenleg bustad. Kommunen eig eit hus på Valen som sidan 2001 har vore prestebustad, om lag - km til kyrkjekontoret og 6 km til Husnes kyrkje, 14 km til Holmedal kyrkje.

Målforma er nynorsk. Søkjar må opplysa om ein nyttar begge målformer. Vi gjer merksam på at opplysningar om søkjarane kan verte offentleggjort sjølv om søkjarane ber om å bli unnateke offentleg søkjarliste. Opplysningar om samlivsform vil kunna bli innhenta og vektlagde ved tilsetjing. Den som vert tilsett må vise tilfredsstillande politiattest (barneomsorgsattest). Søkjar må ha førarkort klasse B og bør disponere bil.

Vi ber om at søknad med CV, vitnemål og referansar vert sendt elektronisk via Webcruiter.

Vi tilbyr

Stillinga er plassert i stillingskode 1555 sokneprest, Pensjonsinnskot i Statens pensjonskasse. Reiseutgifter vert godtgjort etter gjeldande regulativ. Til løna kjem særlege regulativmessige godtgjeringar. Det vert gjeve tilbod om arbeidsrettleiing.

Kontaktinformasjon

Cathrine Waaler Halstensen, Personalsjef, 996 25 480
Svein Arne Theodorsen, prost, 957 50 927

Arbeidssted

Klubbavikjo 9, 5451 Valen
5451 Valen

Søk på stillingen:Klikk her

Nøkkelinformasjon:

Arbeidsgiver:Den norske kirke

Referansenr.:4093956256
Stillingsprosent: 100%%
Søknadsfrist: 11.08.2019

PAM

numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HUSNES OG HOLMEDAL SOKN

source: NAV