id: MTQyMTE5MDYwMDAwMTAgMjYx

reference: 14211906000010

documentId: 14211906000010

connectionPointId: 261

Stillingstittel: Sokneprest i Sogn prosti, sokna i Aurland

Stillingsbeskrivelse:

Org. nr: - Stillingsident: 4099971234 Presentasjon av stillingen:

Det er for tida ledig stilling som sokneprest i Sogn prosti med sokna i Aurland som tenestestad.

Sogn prosti omfattar kommunane Vik, Balestrand, Leikanger, Sogndal, Luster, Årdal, Lærdal og Aurland. Prestetenesta i prostiet vert leia av prosten og det er 12 prestestillingar i prostiet. Inst i Sognefjorden ligg Aurland, gunstig plassert ved stamvegen mellom Oslo og Bergen. Kommunen har 1 695 innbyggjarar, og til Bergen tar det ca. 2 - time med bil. Aurland, Lærdal og Årdal har eit naturleg og nært samarbeidsområde.

Aurland er verkeleg ei folkekyrkjebygd! Her vil du møta ei kyrkje midt i bygda sin kvardag, med mykje glede over ei trygg presteteneste. Gode samarbeidsevner og engasjement for kyrkjelydsbyggjande arbeid, der trusopplæring og gudstenestearbeid står sentralt vert difor vektlagd. Det er mykje som ligg til rette for å utvikla barne- og ungdomsarbeid, med nær relasjon og samvirke med skule, barnehagar og andre aktørar i samfunnet. Det er naturleg med engasjement for ei open og inkluderande kyrkje, for kyrkja i Aurland gjev gode høve til å koma i kontakt med det breie lag av folket.

Det var 12 dåp, 12 konfirmantar, 47 gudstenester, 5 vigsler og 32 gravferder i Aurland i 2018.

Kyrkja i Aurland har fire sokn: Vangen, Flåm, Undredal og Nærøy. Desse sokna har vidare fire kyrkjebygg knytt til seg: Vangen kyrkje er ei steinkyrkje frå 1202. I Undredal ligg den minste soknekyrkja i Norden, bygd som stavkyrkje og datert til 1147. Kyrkja i Flåm er frå 1670, medan Bakka kyrkje er frå 1859.

Dei fire sokna i Aurland samarbeider om eitt sokneråd/fellesråd (kyrkjestyre). Erfaringane med denne forsøksordninga er gode. I kyrkja i Aurland er det tilsett kyrkjeverje, kantor, sekretær/kyrkjetenar og trusopplæringsmedarbeidar. Saman med soknepresten har dei kontorfellesskap i trivelege og sentralt plasserte lokale i bankhuset, like ved Vangen kyrkje. På Vangen er det nyleg kjøpt eit hus like ved kyrkja som vert nytta som kyrkjelydshus.

Prestebustaden i Aurland vert stilt til disposisjon om den som vert tilsett ønskjer det. Huset er frå 1974, held god standard og har eit bustadareal på 245 m². Her i frå kan ein nyte flott utsikt over fjorden, og sentral plassering i høve til skule, barnehage, idrettsplass, kulturaktivitetar, kontor og butikkar. Det er full barnehagedekning i Aurland.

Målforma i Sogn prosti er nynorsk. Søkjarar må opplyse om dei nyttar begge målformene.

Vi gjer merksam på at opplysingar om søkjarane kan verte offentleg sjølv om søkjarane ber om å bli unnatekne offentleg søkjarliste. Opplysingar om samlivsform vil kunne bli innhenta og vektlagt ved tilsetjing. Søkjar må ha førarkort klasse B og bør disponere bil. Den som blir tilsett, må vise tilfredsstillande politiattest (barneomsorgsattest) jf. politiregisterloven § 39.

Vi ber om at søknad med CV, vitnemål og referansar vert sendt elektronisk via WebCruiter.

Arbeidsoppgåver

• Gudstenester og kyrkjelege handlingar (tenesteveker) etter oppsett plan
• Soknepresten har sete i Aurland kyrkjestyre
• Arbeida for å utvikla gudstenesta og involvera fleire i at gudstenestelivet skal blomstre
• Setja eit godt preg på arbeidet i soknerådet, og samordne presteteneste med det arbeidet som soknerådet har ansvar for
• Bidra i trusopplæringsarbeidet
• Delta i konfirmantarbeidet og skule-kyrkjesamarbeidet
• Beredskap etter gjeldande ordning for Den norske kyrkja

Kvalifikasjonar

• Cand.theol. med praktikum eller tilsvarande / Master i teologi og praktikum

Personlege eigenskapar

• Gode evne til formidling og forkynning av evangeliet til alle aldersgrupper
• Gode samarbeidsevner, både i stab/råd og i lokalsamfunnet
• Dele visjonen om at born og unge skal kjenna, oppleva, praktisera og verta engasjerte av den kristne trua.
• Erfaring med å inspirera og motivera Interesse til fagleg engasjement i prostiet

Vi tilbyr

• Stillingskode 1555 sokneprest etter KA sitt tariffområde
• Pensonsinnskot i Statens pensjonskasse
• Reiseutgifter godtgjort etter gjeldande regulativ
• Til løna kjem særskilde regulativmessige godtgjersler
• Arbeidsvegleiing (ABV)
• Disposisjon av bustad

Kontaktinformasjon

Cathrine Waaler Halstensen, Personalsjef, +47 996 25 480
Kjetil Netland, Fungerande prost i Sogn, +47 911 03 134

Arbeidssted

Helabrotet
5745 Aurland

Søk på stillingen:Klikk her

Nøkkelinformasjon:

Arbeidsgiver:Den norske kirke

Referansenr.:4099971234
Stillingsprosent: 100%
Søknadsfrist: 11.08.2019

PAM

numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: AURLAND KYRKJELEGE FELLESRÅD

source: NAV