id: MTQxMTE4MTIwMDAwMDEgMjYx

reference: 14111812000001

documentId: 14111812000001

connectionPointId: 261

Stillingstittel:
Sokneprest i Nordhordland prosti med sokna i Gulen som tenestestad

Stillingsbeskrivelse:

Vil du bli sokneprest i Gulen? Vi søkjer deg som er glad i folkekyrkja, har interesse for utvikling av gudstenesta og gjerne samarbeider med frivillige, særleg om barne- og ungdomsarbeid.





Folket i Gulen har ei grunnleggjande positiv haldning til kyrkja. Om lag 80 % av innbyggjarane er medlem eller tilhøyrande. Oppslutninga om kyrkjelege handlingar er høg. Det er i snitt 20 dåp, 30 konfirmantar, 10 vigsler og 30 gravferder pr. år.





Gulen kommune har tre sokn og tre kyrkjer: Gulen, Brekke og Mjømna. For tida handsamar sokna sak om ny organisering. Dei tre kyrkjene er vanlege langkyrkjer frå kring 1860. For Brekke kyrkje blir det arbeidd med planar om endringar som vil gjere kyrkja meir høveleg for moderne kyrkjelydsarbeid. I Mjømna sokn nyttar ein bedehuskapellet på Byrknesøy til ein del samlingar. I tillegg er det aktivitet i bedehus i Brekke og Mjømna.





Prestetenesta vert leia av prosten. Sokneprestane i Masfjorden, Solund og Gulen har etablert eit godt samarbeid, og utvekslar tenester og ansvar etter nærmare avtale. Bispedømerådet har avtale med dei tre kommunane om finansiell støtte til prestetenesta.





Gulen kyrkjelege fellesråd har tilsett kyrkjeverje (80 %), organist/ trusopplæringsmedarbeidar (60 40 %) og kontorfullmektig (20 %). I tillegg er det kyrkjetenarar i alle kyrkjene. Kyrkjekontoret er på kommunehuset i Eivindvik. For meir info om kyrkja i Gulen, sjå www.gulen.kyrkja.no.





Det er gledeleg at om lag 9 av 10 ungdomar vel å ha konfirmasjonstida si i kyrkja i Gulen. Konfirmantarbeidet er leia av soknepresten, men det vert stilt ressursar til rådvelde for at ein del av undervisinga kan utførast av andre tilsette. Ansvaret for trusopplæringa er knytt til organiststillinga.





Den som vert tilsett får tilbod om å disponere bustad med gangavstand til skule, butikk og kontor. Prestebustaden vart bygt i 1989, den ligg sentralt plassert i Eivindvik og har eit bustadareal på 229 m². Ein kan pendle med rutebåt til den vidaregåande skulen i Austrheim.





Stillinga er plassert i stillingskode 1555 sokneprest, med pensjonsinnskot i Statens pensjonskasse. Godtgjering vert gjeve etter til ein kvar tid gjeldande reglement.





Målforma er nynorsk. Søkjarar må opplyse om dei nyttar begge målformene.





Vi gjer merksam på at opplysingar om søkjarane kan verte offentleg sjølv om søkjarane bed om å bli unnatekne offentleg søkjarliste. Opplysingar om samlivsform vil kunne bli innhenta og vektlagt ved tilsetjing. Den som blir tilsett, må vise tilfredsstillande politiattest (barneomsorgsattest jf. politiregisterloven § 39). Søkjar må ha førarkort klasse B og bør disponere bil.





Vi ber om at søknad med CV, vitnemål og referansar vert sendt elektronisk via WebCruiter.
Arbeidsoppgåver

• Leie og utvikle gudstenestelivet i kyrkjelydane.
• Bidra til godt samarbeid med stab og frivillige i kyrkjelyden.
• Samarbeide med offentlege og andre samarbeidspartar i lokalsamfunnet.
• Ansvarleg for konfirmanttida.
• Besøk på institusjonar for eldre.
• Trusopplæring i samarbeid med andre tilsette og frivillige.
• Beredskap etter gjeldande ordning.

Utdanningsnivå

• Cand. theol. med praktikum eller tilsvarende
• Mastergrad i teologi og praktikum

Personlege Eigenskapar

• Evne til å engasjere og samarbeide med frivillige og organisasjonar både i og utanfor kyrkja.
• Vilje og evne til å bruke lokale krefter i gudstenestelivet.
• Erfaring frå arbeid med barn og unge.

Vi tilbyr

• Ei teneste saman med folk som sluttar opp om kyrkja si, med frivillige medarbeidarar og eit rikt organisasjonsliv.
  


• Godt kollegafellesskap i prostiet.
  


• Vakker natur som innbyr til aktivitetar som padling, dykking, turgåing, jakt m.m.
  


• Arbeidsvegleiing (ABV).
  


• Moglegheit til å disponere bustad.

KontaktinformasjonCathrine Waaler Halstensen, Personalsjef, ( 47) 996 25 480
Helge Taranrød, Prost, ( 47) 41528318
Nøkkelinformasjon: Annonsør:Den norske kirke, Bjørgvin bispedøme

Ref. nr.:3987650442
Stillingsbrøk: 100%
Fast
Tal på stillingar: 1
Søknadsfrist: 06.01.2019


https://www.webcruiter.no/wcmain/advertviewpublic.aspx?oppdragsnr=3987650442&company_id=260868881&culture_id=NN-NO


For elektronisk søknadsskjema:[Klikk her]


numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

positionTypeCode: directhire

contractTypeCodes_0: fulltime

Arbeidsgiver Navn: Den norske kirke, Bjørgvin bispedøme

source: NAV