id: MDMxOTE4MTEwMDAxMDIgMjYx

reference: 03191811000102

documentId: 03191811000102

connectionPointId: 261

Stillingstittel:
Sokneprest i Nordhordland prosti med Austrheim og Fedje sokn som tenestestad

Stillingsbeskrivelse:

Vi søkjer etter ein samlande sokneprest med evne til å engasjere andre menneske, og bidra positivt til lokalsamfunn prega av stor aktivitet i kyrkje og i kulturlivet.

Austrheim kyrkje er ei tradisjonell trekyrkje, som er vel 150 år gamal. Fedje kyrkje er ei murkyrkje frå 1941. Begge bygningane er godt vedlikehaldne, og er tenlege samlingspunkt for gudstenester og kyrkjelege handlingar. Begge kyrkjene har investert i godt tenleg utstyr for digital formidling. Austrheim sokn arbeider med visjonsbygging.

Folket på Fedje og i Austrheim er glade i kyrkja si. Om lag 80% er medlem og tilhøyrande, og oppslutninga om kyrkjelege handlingar er høg. I området er det god samhandling mellom bedehuset og kyrkja. Årsstatistikken for 2017 viser 37 søndag- og helgedagsgudstenester i Austrheim, og 20 på Fedje. Samanlagt i begge kommunane var det 21 døypte, 41 konfirmantar, 5 vigsler og 31 gravferder.

Like ved Austrheim kyrkje ligg kyrkjelydshuset, der presten og andre kyrkjeleg tilsette har kontor. Her er det òg lokalitetar som vert nytta til konfirmantundervisning, og til møte og arrangement av ulike slag. På Fedje er det kontorlokale som presten òg kan disponere. Her vert bedehuset for det meste nytta til dei tilskipingane som ikkje er i kyrkja.

I Austrheim er det tilsett kyrkjeverje og kyrkjegardsarbeidar i heile stillingar, og det er deltidsstillingar for sekretær, organist, kyrkjelydspedagog, kyrkjetenar og reinhaldarar. På Fedje er det kyrkjeverje/kyrkjelydssekretær i 55 % stilling og organist i 40 %. Gjennom tenesteyting driftar Fedje kommune gravplassen, og tilset kyrkjetenar og reinhaldar.

Prestane i kommunane Austrheim, Fedje og Radøy samarbeider om ansvar for tenestevekene.

Stillinga er plassert i stillingskode 1555 sokneprest, med pensjonsinnskot i Statens pensjonskasse. Godtgjering etter til ein kvar tid gjeldande reglement.

Målforma er nynorsk. Søkjarar må opplyse om dei nyttar begge målformene

Vi gjer merksam på at opplysingar om søkjarane kan verte offentleg sjølv om søkjarane bed om å bli unnatekne offentleg søkjarliste. Opplysingar om samlivsform vil kunne bli innhenta og vektlagt ved tilsetjing. Den som blir tilsett, må vise tilfredsstillande politiattest (barneomsorgsattest jf. politiregisterloven § 39). Søkjar må ha førarkort klasse B og bør disponere bil.

Vi bed om at søknad med CV, vitnemål og referansar vert sendt elektronisk via WebCruiter.
Arbeidsoppgåver

• Leie og utvikle gudstenestelivet i kyrkjelydane, herunder G2 - gudstenester.
• Bidra til godt samarbeid med stab og friviljuge i kyrkjelyden.
• Samarbeide med offentlege og andre samarbeidspartar i lokalsamfunnet
• Delaktig i konfirmantundervisinga i Austrheim og på Fedje.
• Besøk på eldreinstitusjonar.
• Trusopplæring i samarbeid med andre tilsette og frivillige.
• Beredskap etter gjeldande ordning.

Personlege Eigenskapar

• Evne til å engasjere og samarbeide med andre.
• Gjerne erfaring med å bruke lokale krefter i gudstenestelivet.
• God formidlingsevne i møte med born og unge.
• Initiativrik.
• Gjennomføringsevne.

Vi tilbyr

• Aktiv og variert teneste i eit område der folk sluttar opp om kyrkja si.
• Arbeidsvegleiing (ABV).
• Godt kollegafellesskap i prostiet.
• Vakker natur.

KontaktinformasjonCathrine Waaler Halstensen, Personalsjef, (+47) 996 25 480
Helge Taranrød, Prost, (+47) 41528318
Nøkkelinformasjon: Annonsør:Den norske kirke, Bjørgvin bispedøme

Ref. nr.:3987731254
Stillingsbrøk: 100%
Fast
Tal på stillingar: 1
Søknadsfrist: 06.01.2019


https://www.webcruiter.no/wcmain/advertviewpublic.aspx?oppdragsnr=3987731254&company_id=260868881&culture_id=NN-NO
For elektronisk søknadsskjema:[Klikk her]


numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

positionTypeCode: directhire

contractTypeCodes_0: fulltime

Arbeidsgiver Navn: Den norske kirke, Bjørgvin bispedøme

source: NAV