id: MTIzMjE5MDIwMDAwMDQgMjYx

reference: 12321902000004

documentId: 12321902000004

connectionPointId: 261

Stillingstittel:
Sokneprest i Hardanger og Voss prosti med Eidfjord og Kinsarvik sokn som tenestestad

Stillingsbeskrivelse:

Det er for tida ledig stilling som sokneprest i Hardanger og Voss prosti med Eidfjord sokn og Kinsarvik sokn som tenestestad. Dette er ei spennande og variert stilling med engasjerte medarbeidarar og gode kontorforhold. Eit fint kommunalt bustadhus er tilgjengeleg for den som vert tilsett om det er ønskjeleg.

Eidfjord har ei moderne arbeidskyrkje med kontor, i tillegg til Eidfjord gamle kyrkje, ei «Jakobskyrkje» frå ca. 1309. Kinsarvik har ein av dei finaste mellomalderkyrkjene frå ca. 1160. Kontoret for kyrkjelege tilsette i Ullensvang er i heradshuset i Kinsarvik .

Sokna i Eidfjord og Ullensvang prioriterer barne- og ungdomsarbeid høgt. Det er innarbeidd eit variert tilbod til barn i alderen 0-16 år. Tiltaka har generelt sett svært god oppslutnad, enkelte over 90%. Sokneråda og stabane står saman om å prioritere barn og unge, og det er etablert gjevarteneste til dette formålet. Som sokneprest i Eidfjord og Kinsarvik får ein ulike roller i nokre av tiltaka for barn og unge, dels som ansvarleg og dels som ein av fleire medarbeidarar.

I bygdene er det to aldersinstitusjonar soknepresten vitjar jamleg saman med organist. I tillegg har organistane eigne songstundar i lag med friviljuge som held andakt.

Presten har fast sete i Kinsarvik sokneråd og Eidfjord sokneråd, for tida også i Ullensvang fellesråd. Ein deltek også i nokre andre råd og utval som t.d. trusopplæringsutval og kriseteam. Stillinga inngår i gjeldande ordning for beredskap.

Målet for kyrkjelydane er at kyrkja skal vere ein naturleg del av dagleglivet for alle i kyrkjelyden. Det vert jobba med å vidareføra og vidareutvikla det gode arbeidet som allereie er i gang. Du vil gå inn i arbeidet som ein viktig medspelar.

Soknepresten forrettar ca. 25-30 gravferder årleg, har konfirmantkull i kvart sokn og nokre vigslar årleg. Normalt har soknepresten gudsteneste kvar sundag, med unntak av ei frihelg i månaden og nokre sundagar med to gudstenester.

Prosten leier prestetenesta i prostiet og kallar jamleg prestane inn til konvent for fagleg fordjuping og åndeleg fornying.

Me tilbyr ei spennande stilling med svært varierte oppgåver og eit godt arbeidsmiljø. I tillegg får du nyte vakker natur og fantastiske fjell og fjordar til rekreasjon og trening. Me har også gode oppvekstvilkår for born.
Kan dette vera noko for deg?

Heimesider: eidfjordkyrkje.no // ullensvang.herad.no/krk/

Målforma er nynorsk. Søkjarar må opplyse om dei nyttar begge målformar.

Vi gjer merksam på at opplysingar om søkjarane kan verte offentleg sjølv om søkjarane bed om å bli unnatekne offentleg søkjarliste. Opplysingar om samlivsform vil kunne bli innhenta og vektlagt ved tilsetjing. Den som vert tilsett, må vise tilfredsstillande politiattest (barneomsorgsattest jf. politiregisterloven § 39). Søkjar må ha førarkort klasse B og bør disponere bil.

Vi ber om at søknad med CV, vitnemål og referansar vert sendt elektronisk via WebCruiter.
Utdanningsnivå

• Cand. theol. med praktikum eller tilsvarende
• Mastergrad i teologi og praktikum

Vi tilbyr

• Lønsgruppe 1555 sokneprest
• Pensjonsinnskot i Statens pensjonskasse
• Reiseutgifter godtgjort etter gjeldande regulativ
• Til løna kjem særskilte regulativmessige godtgjersler
• Arbeidsvegleiing
• Disposisjon av bustad

KontaktinformasjonCathrine Waaler Halstensen, Personalsjef, (+47) 996 25 480
Arild Hellesøy, prost, (+47) 906 99 533
Arbeidsstad
 Eidfjord
Nøkkelinformasjon: Annonsør:Den norske kirke, Bjørgvin bispedøme

Ref. nr.:4027678092
Stillingsbrøk: 100%
Fast, Fast
Søknadsfrist: 13.03.2019


https://www.webcruiter.no/wcmain/advertviewpublic.aspx?oppdragsnr=4027678092&company_id=260869015&culture_id=NN-NO
For elektronisk søknadsskjema:[Klikk her]


numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

positionTypeCode: directhire

contractTypeCodes_0: fulltime

Arbeidsgiver Navn: Den norske kirke, Bjørgvin bispedøme

source: NAV