id: MDMxNjE5MDIwMDAwMjMgMjYx

reference: 03161902000023

documentId: 03161902000023

connectionPointId: 261

Stillingstittel: Seniorrådgivar til Tolletaten si hundeteneste

Stillingsbeskrivelse:
Vil du vere med og vidareutvikle hundetenesta i Tolletaten?  Tolletaten skal beskytte samfunnet mot ulovlege varer og varer med restriksjonar. Operative ressursar og bruk av ulike verktøy, inkludert bruk av hundar i kontrollar, bidreg til målretta og treffsikker objektutveljing. Tolletaten si hundeteneste består av hundeekvipasjar og regionale hundeinstruktørar. Den enkelte tollregionen tek seg av den daglege drifta av hundetenesta, men det er direktoratet si rolle å sørgje for at rammevilkåra for tenesta er til stades, slik at hundetenesta held eit høgt fagleg nivå. Du vil ha fagansvar for hundetenesta til tolletaten, og du skal bidra til å skape betre resultat ved å utvikle og effektivisere arbeidsprosessane og rammeverket for tenesta. Arbeidet inneber mellom anna forvalting og utvikling av regelverk, instruksar og sentrale rammeavtalar.  Stillinga er plassert i kontroll- og regelverksseksjonen i kontrollavdelinga i Tolldirektoratet. Vi har eit godt tverrfagleg miljø med 17 dedikerte medarbeidarar som har ulik formalkompetanse og bakgrunn.   Arbeidsoppgåver: 

• gi støtte og råd i forvaltinga og utviklinga av hundetenesta 
• kjøpe og fordele tenestehundar 
• forvalte og utvikle opplærings- og sertifiseringsordninga for hundetenesta 
• forvalte fôrvertsordninga i samarbeid med regionale hundeinstruktørar 
• følgje opp og utvikle regionale hundeinstruktørar 
• organisere kurs og foredrag og ha kontakt med ulike samarbeidspartnarar i inn- og utland 

 Det blir òg noko saksbehandling og prosjekt- og utviklingsarbeid innanfor dei andre ansvarsområda til avdelinga. Du må rekne med at det blir ein del reising.  Kvalifikasjonar: 

• fullført bachelorgrad (I spesielle tilfelle kan bestått fordjupingsnivå på kompetansesenteret til tolletaten og svært god realkompetanse erstatte kravet om bachelorgrad.) 
• minst 5 års arbeidserfaring med hundeteneste frå tolletaten, politiet, Forsvaret, kriminalomsorga eller liknande 
• svært god kunnskap om hundehald og dyrevelferd 
• erfaring med instruksjon, rettleiing eller pedagogikk 
• god skriftleg og munnleg framstillingsevne 

 Vi legg vekt på kunnskap om og erfaring frå prosjektarbeid og/eller utgreiingsarbeid.  Personlege eigenskapar: 

• du er positiv, initiativrik og kreativ 
• du er sjølvstendig og fleksibel og har evne til å handtere fleire oppgåver samtidig 
• du har gode samarbeids- og kommunikasjonsevner og høg integritet 
• du trivst med å jobbe tverrfagleg 

 Vi tilbyr: 

• høve til å vere med og løyse viktige samfunnsoppgåver 
• varierte og spennande utviklingsoppgåver i ein organisasjon i endring 
• pensjons-, forsikrings- og låneordningar i Statens pensjonskasse 
• lønn som seniorrådgivar, kr 550 000-650 000 (For spesielt godt kvalifiserte søkjarar kan noko høgare lønn vurderast.) 
• fleksibel arbeidstidsordning 
• arbeidsstad midt i Oslo sentrum (Direktoratet flyttar inn i nye lokale i Tollbugata 1 ved sida av Oslo S i 2019.) 

  Den som blir tilsett, må kunne tryggleiksklarerast for graden hemmeleg. Vi nyttar SEMAC bakgrunnssjekk på aktuelle kandidatar.  Eit godt arbeidsmiljø er prega av mangfald og svært dedikerte medarbeidarar. Vi oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn. Arbeidsplassen vil bli lagd til rette ved behov.  Kontrollavdelinga har det faglege ansvaret for tolletaten sine oppgåver i samband med kontroll av vareførselen inn og ut av Noreg. Den operative kontrollen blir utført i samband med grensepassering, ved varedeklarering og som etterkontrollar. Kontrollane skal avdekkje og stanse ulovlege, regulerte og høgt skattlagde varer og avdekkje udeklarerte eller feildeklarerte varer. Avdelinga har òg ansvar for tolletaten sitt laboratorium.   Tolletaten er i omstilling. Den nye organiseringa skal mellom anna bidra til meir effektiv ressursutnytting, likebehandling og auka fagleg og teknologisk utviklingskraft. Omstillinga kan føre til organisatoriske endringar.   Ta gjerne kontakt med underdirektør Dag Jørstad på tlf. 905 58 270 dersom du ønskjer meir informasjon om stillinga.   Søknadsfrist: 17.02.2019  Stillingsnummer: 12/2019 Søk på stillingen

numberOfPosts: 1

jobCategoriesCodes_0: http://data.europa.eu/esco/isco/C2149

abstractJV_contact_0: See jobabstractJV_description

Arbeidsgiver Navn: Kontrollavdelingen

source: NAV