id: MTIwOTE5MDUwMDA0MjAgMjYx

reference: 12091905000420

documentId: 12091905000420

connectionPointId: 261

Stillingstittel: Seniorkonsulent (ph.d.- koordinator)

Stillingsbeskrivelse:

Jobbnorge ID: 170413

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Seniorkonsulent (ph.d.- koordinator)

Ved Det medisinske fakultet, Klinisk institutt 1, er det ledig ei fast stilling som seniorkonsulent (ph.d. - koordinator, 100 %) med tilsetjing frå august 2019. Stillinga inngår i ein instituttadministrasjon på 14 personar. Arbeidsstaden er på Haukelandsområdet, med kontorplass i Laboratoriebygget.

Klinisk institutt 1 har om lag 240 tilsette og driv forsking, undervisning og formidling innan fagområda ortopedi, anestesiologi, patologi, radiologi, nevrologi, nevrokirurgi, øyre-nase-hals, psykiatri, oftamologi (auge), dermatologi (hud), gastroenterologi, ernæring og nefrologi. Vi underviser og rettleier studentar og doktorgradskandidatar innan medisinstudiet og ernæringsstudiar. Du finn meir informasjon om Klinisk institutt 1 her: https://www.uib.no/k1

Arbeidsoppgåver:

• følgje opp instituttet sine om lag 150 doktorgradskandidatar frå søknad om opptak til disputas (sakshandsaming av søknader, rettleiing i høve studieløpet, midtvegsevaluering, rapporteringar, og formell og praktisk oppfølging ved disputas)
• tett samarbeid med forskingsgrupper, forskarskular og fakultetets forskingsseksjon
• vere instituttets ressursperson i forskingsadministrative spørsmål
• oppdatering av publikasjonar CRIStin (Current Research Information System In Norway)
• rutineutvikling, kvalitetssikring, høyringar
• oppfølging av Helseforskingslova
• informasjonsoppgåver (til dømes nyhendebrev og nettsider)
• administrasjon av emne i forskarutdanninga

Det kan verte aktuelt å leggje andre oppgåver til stillinga.

Kvalifikasjonar og eigenskapar:

• søkjar må ha mastergrad. Lang relevant praksis kombinert med relevant etter- og vidareutdanning i særskilte høve kompensere for manglande formell utdanning
• erfaring frå forskarutdanningsadministrasjon
• god generell IT-kompetanse
• ønskjeleg med erfaring og kjennskap til fellessystema som Universitetet i Bergen nyttar til forskingsadministrativt arbeid (til dømes FS, Mitt UiB, ePhorte, CHRistin med fleire)
• god skriftleg og munnleg engelsk og norsk

Vi søkjer ein person som

• har gode kommunikasjons- og samarbeidseigenskapar og som likar folk
• digital kompetanse og evne til å tileigne seg nye ferdigheiter
• sjølvstendig, effektiv, strukturert og målretta
• nøyaktig og pliktoppfyllande
• initiativrik, serviceinnstilt og med god gjennomføringsevne

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby:

• spanande og utviklande arbeidsoppgåver i eit sterkt fagmiljø
• faglege utfordringar med gode høve for personleg utvikling og kompetanseutvikling
• stilling som seniorkonsulent (kode 1363) i lønssteg 55-61 i det statlege lønsregulativet. Dette utgjer for tida brutto årslønn kr. 480 600-534 100. For særleg kvalifiserte søkjarar kan høgare løn vurderast.
• medlemsskap i Statens pensjonskasse
• gode velferdsordningar

Generell informasjon:

Utfyllande opplysningar om stillinga kan ein få ved å vende seg til administrasjonssjef Jorunn Skei, e-post: Jorunn.Skei (at) uib.no, mobil: 48 24 52 48, kontortelefon: 55 58 54 24.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2422

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet i Bergen

source: NAV