id: MTIwOTE5MDQwMDA1MzIgMjYx

reference: 12091904000532

documentId: 12091904000532

connectionPointId: 261

Stillingstittel:
Seksjonsleiar Fag og utdanning ved Forskings- og utviklingsavdelinga - Haukeland universitetssjukehus

Stillingsbeskrivelse:

Haukeland universitetssjukehus er landets nest største helseføretak. Visjonen vår er å fremme helse og livskvalitet i vest. Dette skal vi gjere gjennom å vise respekt i møte med pasienten, sørge for kvalitet i prosess og resultat og skape tryggleik for tilgjengelegheit og omsorg.

Utdanning av helsepersonell og opplæring av pasientar og pårørande er to av dei fire hovudoppgåvene til Haukeland universitetssjukehus saman med pasientbehandling og forsking. Klinikknær utdanning og opplæring er nødvendig for at pasientbehandlinga kan bli stadig betre, at tenenestane utviklar seg i tråd med nye behov og metodar, og for at vi brukar ressursane på best mogleg måte.

Vi søkjer ny leiar for Seksjon for fag og utdanning.
Leiaren vil ha ei sentral rolle i å skape gode rammevilkår for utdanning og opplæring ved Haukeland universitetssjukehus og i Helse Vest, samt bidra til at sjukehuset til ein kvar tid har tilstrekkeleg og riktig kompetanse til å løyse samfunnsoppdraget.

Seksjon for fag og utdanning er del av Forskings- og utviklingsavdelinga (FoU) som understøtter føretaksleiinga og dei kliniske einingane. FoU avdelinga består av seks seksjonar med mykje samarbeid på tvers av seksjonane og vi ønsker ei tett og god integrering av aktivitetar spesielt innan utdanning, opplæring, forsking og innovasjon.

Om Seksjon for fag og utdanning
Seksjon for fag og utdanning har om lag 35 medarbeidarar med kompetanse innan medisin og helsefag, pedagogikk og kompetanseutvikling. Hovudarbeidsområde i seksjonen er planlegging, gjennomføring, rådgiving og evaluering av kompetanseutviklingstiltak. Seksjonen driftar Ferdigheitssenteret ved Haukeland universitetssjukehus og Lærings- og mestringssenteret i samarbeid med Haraldsplass Diakonale sjukehus. Seksjonen har fleire regionale oppgåver, blant anna Regionalt utdanningssenter for legar og regionalt e-læringsteam. I tillegg har seksjonen regionale og tverregionale oppgåver knytt til utvikling og drift av Kompetanseportalen. Seksjonen har eit godt og utstrakt samarbeid med universitet og høgskular, kommunar, fylke, direktorat og med dei andre sjukehusa i regionen.

Som seksjonsleiar vil du få eit stort leiaransvar og vere ein pådrivar i arbeidet med å skape gode rammevilkår innan utdanning- og opplæringsaktivitetar ved universitetssjukehuset. I møte med våre samarbeidspartar vil du vere ein synleg og konstruktiv representant for sjukehuset.

Vi søkjer deg som er god i dialog, oppmerksam på kva som er viktig i god formidling og som når måla som er sett. Du er ein utviklingsorientert og strategisk leiar med genuin interesse for å leggje til rette for utdanning, opplæring og kompetansebygging til beste for pasientbehandlinga ved Haukeland universitetssjukehus og sjukehusa i Helse Vest RHF. Vi kan tilby ei spennande og utfordrande leiarstilling i eit levande kompetansemiljø. Seksjonsleiaren inngår i leiargruppa ved Forsking- og utviklingsavdelinga, og rapporterer til fagdirektør.

Arbeidsoppgåver

• Totalansvar for Seksjon for fag og utdanning, her under personaloppfølging, faglige spørsmål og økonomi
• Bidra i strategisk arbeid for utdanning, opplæring og kompetansebygging
• Bidra til vidareutvikling av system og verktøy for å understøtte utdanning, opplæring og kompetansebygging
• Bidra til god samhandling med universitet og høgskular, kommunar, fylke, direktorat og andre sjukehus i Helse Vest
• Leie og/eller bidra i ulike formaliserte samarbeidsorgan mellom Haukeland universitetssjukehus og utdanningsinstitusjonar
• Være nettverksbyggar for å posisjonere utdanning, opplæring og kompetanseheving ved Haukeland universitetssjukehus og i Helse Vest
• Sjå våre nettsider for meir informasjon:
  Les meir om kompetanse og utdanning i Helse Bergen
  Les meir om Seksjon for fag og utdanning på heimesidene våre

Kvalifikasjonar

• Høgare medisinsk/helsefagleg eller anna relevant utdanning, doktorgrad er ønskeleg
• Leiarkompetanse og erfaring frå personalleiing er ønskeleg
• Kjennskap til arbeidsområda i seksjonen
• Erfaring frå strategi- og forbetringsarbeid og tverrfagleg prosjektarbeid
• God innsikt i utviklingstrekk innan helse
• Erfaring frå klinisk arbeid i sjukehus er ønskeleg
• Relevant og godt nettverk, lokalt, regionalt og nasjonalt
• God munnleg og skriftlig formuleringsevne på norsk

Utdanningsnivå

• Høyskole / Universitet, Hovedfag / Mastergrad
• Høyskole / Universitet, Doktorgrad

Personlege Eigenskapar

• Synleg, involverande og motiverande leiar som set tydeleg retning
• Viser klokskap og sjølvinnsikt i leiarrollen
• Strategisk og analytisk med god organisasjonsforståing
• Kommuniserer godt, bidreg til engasjement, samhandling og samarbeid
• Arbeider planmessig og målretta og har god gjennomføringskraft
• Er open for endringar, finn fleksible og innovative løysingar på tvers av fag, institusjonar og einingar

Vi tilbyr

• Gode forsikringsordningar
• Ei av landets beste pensjonsordningar
• Lønn etter avtale

Kontaktinformasjon

Marta Ebbing, Fagdirektør, (+47) 90153890
Anne Mette Koch, Seksjonsleiar, (+47) 55974791
Tove Huse Bjerkevoll, Rådgivar innan leiarrekruttering, (+47) 48073834

Arbeidsstad

Bergen

Nøkkelinformasjon:

Annonsør:Helse Bergen

Ref. nr.:4069266663
Stillingsbrøk: 100%
Fast heltid
Tal på stillingar: 1
Søknadsfrist: 19.05.2019

https://www.webcruiter.no/wcmain/advertviewpublic.aspx?oppdragsnr=4069266663&company_id=53005&culture_id=NN-NO

For elektronisk søknadsskjema:[Klikk her]

PAM

numberOfPosts: 1

jobCategoriesCodes_0: http://data.europa.eu/esco/isco/C1342

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HELSE BERGEN HF

source: NAV