Stillingstittel: Rektor (Ref.nr: 773)

Stillingsbeskrivelse:

Bryne er byen på Jæren og er kommune- og skulesenter i Time kommune. Regionssenteret Bryne er drivkraft for næring, læring og kultur. Time kommune har om lag 17 900 innbyggjarar. I Brynebyen bur det ca. 10 000 innbyggjarar og det er lett å koma hit. Med toget tek det 30 minutt frå Stavanger, 15 minutt frå Sandnes stasjon og 35 minutt frå Egersund.

Me søkjer etter ein rektor til ledig 100 % fast stilling ved Undheim skule.Stillinga som rektor ved Undheim skule er ledig frå august 2016.

Om arbeidsplassen

Skulen ligg sentralt til i den grøna bygda ca 12 km frå Bryne. Det er ca 150 elevar frå 1.-10. klassetrinn med 24 tilsette. Undheim er ei bygd i vekst, og det vil føra til auke i elevtalet framover. Skulen er plassert mellom idrettsanlegg, idrettshall og barnehage. Den har eigen K8 hoppbakke som er flittig i bruk på uteområdet. Undheim er heimbygda til Arne Garborg, og har eit rikt og variert organisasjons- og kulturtilbod.

Skulane i Time er del av Jærskulen, eit interkommunalt samarbeid om skuleutvikling saman med Hå, Klepp og Gjesdal. Hausten 2016 skal Undheim skule med i den statlege satsinga Ungdomstrinn i utvikling, og har valt klasseleiing som skulen sitt utviklingsområde. Skulen er i år med i ei utvida kommunal satsing med bruk av iPad til alle elevane på 8. trinnet. Det blir gitt omfattande kompetanseheving knytt til dette i kollegiet. Saman med rektor er det assisterande rektor som utgjer leiinga ved skulen.

Om arbeidsoppgåvene

Rektor skal vera ein fagperson som har jobba mykje med og i skule. Rektor skal vera engasjert og ha kompetanse om læring, samarbeid og utvikling. Me ser etter ein leiar som har analysekompetanse og strategiar for å kunne leie prosessar til det beste for elevane. Fokus skal vera på overordna nivå, og di leiing av leiarteamet/plangruppa medfører leiing av lærarane si læring og utvikling. Rektor er einingsleiar, og har med det også personal og økonomiansvaret.

Kvalifikasjonar

Me ser etter ein leiar som er utviklingsorientert, har god relasjonskompetanse, gode samarbeidsevner og som har innsikt og forståing for administrative oppgåver som mellom anna økonomi og personaloppfølging. Du har mot til å meina og du kan leia eit motivert kollegium vidare

Me tilbyr

Ein utfordrande jobb med gode utviklingsmuligheiter i eit godt arbeidsmiljø. Du vil bli del av eit dyktig leiarkollegium i Time, og del av spanande leiarnettverk i Jærskulen. Det er tett kontakt med fagstab skule og nettverkssamarbeid som støtte og utvikling for deg som leiar. Det blir kravd politiattest for tilsetting i stillinga.

Elektronisk søknadsprosess

Time kommune nyttar elektronisk søknadsprosess. Det er ikkje høve til å leggja ved attestar og vitnemål. Desse må du ta med til eit eventuelt intervju.

Viss du har spørsmål til søknadsprosessen, kan du kontakte personalavdelinga via servicetorget på tlf. 51 77 60 00.

Stillingtype: Fast tilsettKontakter:Trygve Apeland, Kommunalsjef oppvekst, , Mobil: 90870079, Arbeid: For fullstendig utlysningstekst og elektronisk søknadsskjema: [Klikk her]

Minstelønn: 0

Maksimal lønn: 0

Arbeidsgiver Navn: Undheim skule

Arbeidsgiver adresse: 4342 UNDHEIM

Job kort beskrivelse: Education managers

Land: Norge

Region: Rogaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år