id: MDIxNDE5MDIwMDAwNzUgMjYx

reference: 02141902000075

documentId: 02141902000075

connectionPointId: 261

Stillingstittel:
Rådgjevar/seniorrådgjevar - beiteundersøkingar i utmark

Stillingsbeskrivelse:
Jobbnorge ID: 164941

Nøkkelinformasjon

NIBIO har eit nasjonalt ansvar for kartlegging av beiteressursar i utmark både på lokalt, regionalt og nasjonalt nivå. Dette skjer ved vegetasjonskartlegging tinga av lokale interesser eller ved utvalskartlegging i nett av prøveflater. Kartlegginga er mest basert på feltarbeid. Arbeidet skal få fram kunnskap for næringsutøvarar og forvaltning, samt for utforming av politikk kring beitenæring og matproduksjon.

Instituttet har ansvar for å omsette innsamla data til god informasjon og drive aktiv formidling og dialog med brukargrupper. For å fylle desse oppgåvene har instituttet no ledig stilling som rådgjevar/seniorrådgjevar med beiteressursar i utmark som viktigaste arbeidsområde. Arbeidsstad er Ås i Akershus.

Hovudoppgåvene til stillinga

• Utgreiingar, analysar og prosjektrapportering knytt til beitebruk og beiteressursar i utmark
• Utstrakt brukarkontakt for formidling av kunnskap og informasjon kring utmarksbeite
• Arbeidet foregår i prosjekt, prosjektleiing vil difor bli ei viktig arbeidsoppgåve
• Feltarbeid. Det må reknast med utstrakt feltarbeid i månadane juni - september. Vegetasjonskartlegging etter instituttet sin eigen instruks vil vera ei hovedoppgåve i felt, men andre typar feltarbeid kan også vera aktuelt.
• Bearbeiding av innsamla feltdata frå flybilete til kart, samt lagring, arkivering og dokumentasjon av data

Kvalifikasjonskrav

• Mastergrad innan naturforvaltning eller anna relevant fagområde (husdyrernæring, geografi, biologi)
• God kunnskap om planteliv i utmark, beitebrukande husdyrslag, beitenæring og forvaltning
• Erfaring med prosjektleiing
• God skriftleg og munnleg framstillingsevne på norsk (arbeidsspråk ved formidlingsarbeid er norsk)
• Kompetanse om - og praktisk erfaring med bruk av - geografiske informasjonssystem

Personlege eigenskapar

• God kommunikasjonsevne - noko som trengs i dialogen med instituttet sine brukarar og samarbeidspartnarar
• Interesse og evne til å etablere og pleie faglige nettverk - noko som er viktig i høve til næring og forvaltning
• God evne til samarbeid, men og sjølvstendig arbeid
• Fleksibilitet, herunder i høve til å kunne arbeide lengre periodar i felt og yte ekstra når det trengst

Vi tilbyr

Stillinga er plassert i det statlege lønsregulativ som rådgjevar kode 1434 eller seniorrådgjevar kode 1364, lønssteg 55 - 72 (kr 480.600 - 658.300 pr. år). Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Treng du meir informasjon?

Kontakt seniorrådgjevar Yngve Rekdal, tlf 959 33 520, eller avdelingsleiar Hanne Gro Wallin, tlf 902 41 612.

Korleis søkja på stillinga

Søknad med CV sendar du elektronisk via lenkje på denne sida, "søk stillinga".
Vitnemål og attestar skal takast med ved eit eventuelt intervju, eller leggjast ved elektronisk.

Generelle opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.

NIBIO er ei IA-verksemd (inkluderande arbeidsliv).

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2132

abstractJV_contact_0: See jobabstractJV_description

Arbeidsgiver Navn: Norsk institutt for bioøkonomi (NIBIO)

source: NAV