Fylkesmannen er staten sin representant i fylket og har ansvar for å følgje opp vedtak, mål og retningsliner frå Stortinget og regjeringa. Fylkesmannen er dessutan eit viktig bindeledd mellom kommunal og sentral mynde, med høve til å spele inn viktige saker frå kommunesektoren til sentrale styresmakter.

Ved Helse- og sosialavdelinga er det for snarleg tilsetjing ledig to vikariat for rådgjevar (jurist).

Helse- og sosialavdelinga har ulike rådgjevings- og forvaltningsoppgåver, og fører tilsyn med barnevern, helse-, omsorg- og sosialtenesta i fylket. Fylkeslegen leier avdelinga som har tilsette med helse-, barnevern-, sosial-, juridisk-, pedagogisk-, samfunnsfagleg og administrativ kompetanse.

Avdelinga har mange utfordrande og spennande oppgåver som inneber brei kontakt med kommunane, helseføretak og andre verksemder i spesialisthelsetenesta og nasjonale styresmakter.

Den eine stillinga er knytt til fagområda helse og omsorg og den andre til sosial- og barnevern. Saksområda er breie og har mange juridiske problemstillingar.

Arbeidsoppgåvene er i hovudsak behandling av saker innan dei aktuelle fagområda, samt rettleiing og informasjon til tenester og brukarar. Andre oppgåver innan arbeidsområdet til avdelinga kan bli tildelt etter avtale med seksjonsleiar.

Kvalifikasjonar

• juridisk embetseksamen/master i rettsvitskap
• erfaring frå og interesse  for offentleg sektor og forvaltning
• kunnskap om aktuelle lovverk

Personelege eigenskaparPersonane vi søkjer må ha gode samarbeidsevner og kunne kommunisere kompliserte problemstillingar på ein god måte.

God munnleg og skriftleg formidlingsevne, både på nynorsk og bokmål, er ein grunnleggjande føresetnad. Vi ber om å få lagt fram arbeid som viser dette i praksis. Aktuelle kandidatar til stillingane kan bli bedne om å avleggje skriveprøve.

Vi søkjer etter medarbeidarar som har interesse og engasjement for helse- og omsorgstenester og sosial- og barneverntenester.

Dei som blir tilsett må kunne arbeide sjølvstendig innanfor fristar som er sett og vere innstilte på å samarbeide tett med kollegaer. Dette gjeld både tildelte saker og oppgåver og i avdelinga sitt samla arbeid. Personlege kvalifikasjonar, fleksibilitet og omstillingsevne blir vektlagt.

Vi tilbyr

• interessante arbeidsoppgåver
• ein arbeidsplass i utvikling
• godt, tverrfagleg arbeidsmiljø
• medlemskap i statens pensjonskasse med høve til bustadlån
• bedriftsidrettslag
• fleksibel arbeidstid
• kontor sentralt i Bergen

TilsetjingsvilkårStillingane er plassert i stillingskode 1434 rådgjevar, og lønna i tråd med gjeldande tariffavtalar og lokal lønnspolitikk. For særs godt kvalifiserte søkjarar kan vi vurdere stillingskode 1364 seniorrådgjevar. Frå løna vert det trekt 2 % innskot til Statens pensjonskasse. 

Stillingane er mellombelse, inntil eitt år. Det er prøvetid på seks månader.

Fylkesmannen følgjer avtala om fleksibel arbeidstid i staten. Tenestemålet er nynorsk. Fylkesmannen ønskjer mangfald. Vi er IA-bedrift og oppmodar difor alle kvalifiserte til å søkje, uansett alder, kjønn, funksjonsevne, nasjonalitet eller etnisk bakgrunn.

Spørsmål om stillingane kan rettast til fylkeslege Helga Arianson, tlf. 55 57 23 38 og Øystein Breirem Jacobsen, tlf. 55 57 22 13.

Du søkjer stillinga gjennom

Minstelønn: 0

Maksimal lønn: 0

Arbeidsgiver Navn: Fylkesmannen i Hordaland

Arbeidsgiver adresse: Kaigaten 9 5020 BERGEN

Job kort beskrivelse: Lawyers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år