id: NTcwMTE5MDQwMDAzOTggMjYx

reference: 57011904000398

documentId: 57011904000398

connectionPointId: 261

Stillingstittel: Rådgivar

Stillingsbeskrivelse:

Jobbnorge ID: 168862

Om stillinga

Vi leverer rekneskapstenester til staten og treng ein dyktig fagperson med økonomibakgrunn. Vi søkjer deg som er oppteken av å hente ut god styringsinformasjon frå rekneskapen, og som er interessert i korleis økonomisk styringsinformasjon kan gjerast tilgjengeleg for og bli forstått av avgjerdsstakarar. I rolla som leverandør av økonomitenester jobbar DFØ med å utvikle standardiserte og fleksible løysingar som kundane våre kan nytte slik at dei sjølve kan hente ut styringsinformasjonen.

Som rådgivar hos oss vil du jobbe prosjektorganisert, men arbeidet vil variere avhengig av kva slags prosjekt du jobbar med. Du kan jobbe i utviklingsprosjekt for å utvikle nye løysingar for kundane våre. I slike prosjekt vil du jobbe saman med dyktige kollegaer og i dialog med kundar for å sikre at løysingane dekkjer behova til kundane. Du kan òg jobbe i innføringsteam for å hjelpe kundar med å ta i bruk løysingane eller systema våre. Då er kundedialog og opplæring ein del av arbeidsoppgåvene i tillegg til teknisk tilrettelegging i systema våre.

Når du ikkje jobbar i prosjekt, vil du følgje opp spørsmål frå kundar og eventuelt drive feilretting og hjelpe kundar med problemløysing og støtte. Det gir viktig innsikt som kan bidra til nye utviklingsprosjekt.

I dag nyttar vi UBW som rekneskapssystem og Contempus Invoice og Basware som faktura- og innkjøpssystem. Vi er i ferd med å skaffe nytt innkjøps- og fakturasystem.

Om rekneskapsavdelinga

Rekneskapsavdelinga til Direktoratet for økonomistyring (DFØ) ligg i Trondheim. Rekneskapsavdelinga har om lag 135 tilsette. DFØ er ein organisasjon i utvikling. Vi oppnår svært gode resultat både i kundetilfredsheits- og medarbeidartilfredsheitsundersøkingar. Vi er i vekst som følgje av auka oppdragsmengd. DFØ jobbar med løpande utvikling av rekneskap i staten ved hjelp av automatisering, digitalisering og robotteknologi. DFØ jobbar òg med løysingar slik at verksemdene kan bruke økonomisk informasjon i verksemdsstyringa.

Kvalifikasjonar

Du må ha

• mastergrad i økonomi
• arbeidserfaring frå økonomiområdet, gjerne innanfor økonomistyring eller frå innføring/utvikling av løysingar
• god økonomiforståing
• interesse for bruk av teknologi
• erfaring med prosjekt som arbeidsform
• god skriftleg og munnleg formuleringsevne i norsk

Personlege eigenskapar

Vi søkjer etter deg som er utviklingsorientert, og som evnar å setje deg inn i behova til brukaren. Du er nysgjerrig på ny teknologi og har lett for å lære deg nye system. Du jobbar sjølvstendig, men er òg ein god teamarbeidar som deler kunnskap med andre. Du ønskjer utvikling for både deg sjølv og kollegaene dine. Du er god til å kommunisere, og du er analytisk og løysingsorientert.

Vi legg vekt på gode personlege eigenskapar.

Vi tilbyr

• eit arbeidsmiljø med ein uformell tone og stor vilje til å skape noko saman
• gode ordningar for vidareutvikling
• fleksitidsordning (med sommar-/vintertid)
• flotte lokale i Brattørkaia 15
• medlemskap i Statens pensjonskasse, ei av dei beste pensjonsordningane i Noreg
• kontakt med relevante fagmiljø i og utanfor DFØ

Stillinga vil bli plassert som rådgivar, med lønnsplassering mellom 505 800 og 650 200 kroner per år. Frå lønna blir det trekt to prosent til Statens pensjonskasse.

Ved tilsetjing er det seks månaders prøvetid. Den som får tilbod om stillinga, må leggje fram ein utvida politiattest.

DFØ legg vekt på mangfald, og vi oppfordrar derfor alle til å søkje jobb, uavhengig av alder, kjønn, funksjonsevne, nasjonal eller etnisk bakgrunn. Vi vil leggje forholda til rette for personar med nedsett funksjonsevne.

Meir informasjon om DFØ finn du på heimesida vår, www.dfo.no.

Har du spørsmål om stillinga? Ta kontakt med seksjonssjef Ingrid Spjelkavik på telefon 932 42 652.

Se annonsen og søk på stillingen www.jobbnorge.no

PAM

numberOfPosts: 2

jobCategoriesCodes_0: http://data.europa.eu/esco/isco/C2411

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Direktoratet for økonomistyring

source: NAV