Stillingstittel: Prosjektleiar innafor rus og psykiatri (ref 721)

Stillingsbeskrivelse:
Samhandlingsreforma har som mål at ulike ledd i helsetenesta arbeidar betre saman og at tenester vert flytta nærare der folk bur. Det betyr at kommunane får fleire oppgåver. Frå 1. januar 2017 vil kommunane få større ansvar for pasientar med utfordringar knytt til rus og psykiske vanskar. For å førebu oss på denne oppgåva ynskjer vi å knytte til oss ein prosjektleiar som skal vere sentral i å utvikle eksisterande tenester og førebu kommunen på nye oppgåver. På denne bakgrunn har kommunen under vilkår av helsedirektoratet si godkjenning, ledig ei prosjektstilling innafor området rus og psykiatri.

Stillingsinformasjon

Det er ledig ei prosjektleiarstilling innafor rus og psykiatri i perioden 01.08.2016 - 31.07.2017, med høve til forlenging ut 2018 om kommunen får ytterlegare tilskot frå helsedirektoratet.

Arbeidsoppgåver

Prosjektleiar skal medverke til å kvalitetsutvikle eksisterande tenester samstundes som ein skal utvikle eitt øyeblikkeleg hjelpetilbod (ØH) for målgruppa og vere med å setje kommunen i stand til å ta imot utskrivingsklare pasientar frå 2017. Prosjektet skal og vurdere om det som Primærhelsemeldinga omtalar som Oppfølgingsteam er ein god måte å løyse delar av målgruppa sitt behov. Stikkord for slike team er fast kontaktperson, individuell plan og oppfølging i eigen heim, viss mogeleg.

Målgruppa for tenestene er personar med langvarige og alvorlege psykiske lidingar og/eller rusmiddelproblem og som har samansette behov for behandling, rehabilitering og oppfølging.

Frå 2018 vil Sogndal kommune ha samla helse- og omsorgstenestene i nye Sogndal helse- og omsorgssenter (SHOS). Slik ligg dei fysiske rammene til rette for at dei ulike tenestene skal samarbeide nærare. I SHOS har og kommunen sitt ØH tilbod innafor somatikk. Prosjektet skal leggje grunnlag for at tilboda kan sjåast i samanheng og greie ut korleis akutt butilbod for målgruppa kan løysast knytt til SHOS.

Som prosjektleiar vil du få rådmannsgruppa som styringsgruppe og kommunalsjef for helse-, omsorg og velferd som næraste overordna. I tillegg skal du ha dagleg og nært samarbeid med andre som har ansvar for tenester retta mot personar med rus og psykiatri, deriblant óg meistringssenter og fastlege. Andre samarbeidspartar er andre kommunar, Helse Førde og lokalt DPS.

Kvalifikasjonskrav

Det vert søkt etter kandidatar med relevant røynsle og helsefagleg eller sosialfagleg utdanning på bachelor- eller masternivå. Det vert lagt vekt på at du har røynsle frå praksisfeltet og har jobba tett med - eller i psykisk helsearbeid på kommunalt nivå.

Det er ynskjeleg at du har prosjektkompetanse og erfaring frå fagleg utviklingsarbeid. At du er sjølvgåande, handlekraftig og leverer resultat og kan kombinere dette med gode samarbeids- og kommunikasjonsevner, er eit føremonn.

Vi vil leggje stor vekt på søkjaren sine personlege eigenskapar.

Vi tilbyr

Ein spanande og god arbeidsplass med mange flinke og engasjerte medarbeidarar med arbeidsoppgåver der det dagleg vert jobba med systematisk kvalitetsutvikling og utvikling av tenesteproduksjon. Løn etter avtale, gode pensjons- og forsikringsordningar samt treningstilbod for tilsette.

For søknad

Bruk søknadsskjema som ligg til stillingsannonsen på vår heimeside: www.sogndal.kommune.no - ledige stillingar.

For spørsmål kontakt Tenestetorget tlf. 57629

Minstelønn: 0

Maksimal lønn: 0

Arbeidsgiver Navn: Sogndal kommune

Arbeidsgiver adresse: 6851 SOGNDAL

Job kort beskrivelse: Social work and counselling professionals

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år