id: MTQxOTE5MDgwMDAwMDggMjYx

reference: 14191908000008

documentId: 14191908000008

connectionPointId: 261

Stillingstittel: Prosjekt- og testleiar

Stillingsbeskrivelse:

Jobbnorge ID: 174372

Lyst å jobbe med viktige nasjonale fellesløysingar for offentleg sektor?

Er du brennande engasjert i prosjektstyring og testfaget? Har du erfaring frå prosjektleiing, testleiing, sikkerheitstesting, testautomatisering, ytelsestesting?

Prosjekt- og testleiar må ha evna til å ta ansvar for at hele teamet bidrar i testarbeid og at det som blir levert, held ønska kvalitet. Vi jobbar smidig og har hyppige leveransar. Det stiller krav til effektive prosessar og høg grad av automatisert testing. Du vil få ein sentral rolle i planlegging, gjennomføring og oppfølging av leveransar med spesielt fokus på kvalitet i leveransen.

Hos Difi vil du bli ein del av eit større fagmiljø på 25 utviklarar. Du vil møte eit stort spenn i arbeidsoppgåver og gode moglegheiter for personleg utvikling. Vi legg vekt på smidig arbeidsmetodikk og effektive leveransar. Du kjem til å arbeide med oppgåver saman med fagmiljø både i og utanfor Difi.

Difis utviklingsmiljø jobbar planmessig, med stor fagleg tyngde og høge ambisjonar. For å jobbe i Difi er det viktig at du er nysgjerrig og utforskande innan teknologi og metodikk, og evnar å sjå korleis dette kan nyttast i utviklinga av digitale løysingar.

Stillinga er fast med arbeidsstad på Leikanger. Arbeidsstad Oslo kan vurderast i særlege tilfelle.

I tillegg til interessante faglege utfordringar kan vi tilby kombinasjon av fleksibel arbeidstid og fantastiske mogelegheiter for kortreiste friluftseventyr i kvardagen. Her kan du møte nokre av dei som jobbar ved Difi i Leikanger.

Dine oppgåver er

• ansvar for planlegging, gjennomføring og oppfølging av leveransar i våre utviklingsteam inkludert testplanlegging og utarbeiding av dokumentasjon
• koordinering og forankring av leveransar og testplanar internt og mot eksterne samarbeidspartnarar
• delta i planlegging av prosjektplanar i vår verdikjede frå strategi og planverk til ferdig testa leveranse i produksjon
• delta i planlegging og gjennomføring av testaktivitetar med eksterne leverandørar og samarbeidspartar.
• planlegge, gjennomføre og rapportere på funksjonelle og tekniske testar
• å vere ein pådrivar for strukturert og sikker gjennomføring av leveransar i avdelinga
• bidra til å skape ei felles forståing og likt forventingsnivå for alle som er involvert i arbeidet med test

Kvalifikasjonar

Du må ha:

• høgare utdanning på universitets- eller høgskolenivå innan IT/teknologi. Lang og relevant erfaring kan kompensere for formell utdanning
• god teknisk forståing, gjerne bakgrunn som utviklar
• kunnskap og erfaring med smidig, lean og moderne utviklingsmetodikk
• kunnskap om testmetodikk, teknikkar og relevante testverktøy
• arbeidsspråket er norsk, og du må difor ha gode norskkunnskapar

Avhengig av erfaring og utdanning ønskjer vi at søkjarane har god kunnskap og erfaring frå eitt eller fleire av følgjande område:

• minimum eitt års dokumentert arbeidserfaring med software-utvikling som utviklar, sikkerheitstestar og/eller teknisk testar
• erfaring, ferdigheiter og kunnskap om metodar og standardar innan prosjektstyring og testing. Relevante sertifiseringar blir vektlagt
• kunnskap om etablering og forvalting av utvikling-, test- og produksjonsmiljø med tilhøyrande testdata
• evne til arbeid i grenseflata mellom teknologi- og brukarmiljø

Vi søkjer deg som

• kan jobbe sjølvstendig og i team
• tek initiativ når du ser nye mogelegheiter
• har gode samarbeids- og kommunikasjonsevner
• er engasjert, strukturert, analytisk og løysingsorientert

Vi tilbyr deg

• løn som seniorrådgjevar eller rådgjevar i lønsspennet kr 563 700 - kr 789 700 etter kvalifikasjonar. For spesielt kvalifiserte søkjarar kan vi vurdere høgare løn
• medlemskap i Statens pensjonskasse som er ei av landets beste pensjonsordningar med gunstig bustadlån og gode forsikringsordningar
• familievenleg og fleksibel personalpolitikk med gode arbeidstidsordningar
• rike mogelegheiter for friluftsliv sommar og vinter i vakre Sogn, treningsrom og høve til trening i arbeidstida

Vil du vite meir?

Synes du dette høyrest interessant ut og ønskjer nærare informasjon, kontakt:

Teamleiar Knut Kjærvik
Telefon: 907 87 394

Seksjonssjef Jørn Stenehjem
Telefon: 911 46 279

Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer stillinga. Har du utdanning frå utlandet, tilrår vi ei autorisert oversetjing av vitnemåla og godkjenning frå NOKUT.

Vi gjer merksam på at søkjarlister kan bli offentleggjort etter offentleglova § 25.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2511

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Direktoratet for forvaltning og IKT (Difi)

source: NAV