id: MTExMTE5MDQwMDAwMDMgMjYx

reference: 11111904000003

documentId: 11111904000003

connectionPointId: 261

Stillingstittel:
Programleiar barnehage- og skuleutvikling - Sogn regionråd

Stillingsbeskrivelse:

Sogn regionråd er samarbeidsorgan for kommunane Aurland, Balestrand, Høyanger, Leikanger, Luster, Lærdal, Sogndal, Vik og Årdal. Rådet arbeidar for å utvikle regionen med særleg vekt på nokre prioriterte satsingsområde.

Dei ni kommunane i Sogn regionråd satsar heilskapleg på barnehage- og skuleutvikling og samarbeidar om det regionale utviklingsprogrammet "System for styrka læring". Målet er auka læringsutbytte for alle, gjennom styrka tilpassa opplæring og redusert bruk av spesialundervisning. Vi har seks programområde: 1) lærande organisasjonar og fagnettverk, 2) entreprenørskap, 3) psykisk helse, 4) tidleg innsats, 5) vurdering for læring og 6) motivasjon og meistring.
Kommunestyra har vedteke overordna programplan og Sogn regionråd vedtek årleg handlingsplan.

Vi har ledig 100% stilling som programleiar for det regionale utviklingsprogrammet "System for styrka læring". Stillinga er ledig frå 1. august 2019. Sogndal kommune er arbeidsgjevar.

Arbeidsoppgåver

Programleiar har ansvar for å leie, koordinere og følgje opp det regionale barnehage- og utviklingsprogrammet.

Programleiar er sekretær for programstyret for "System for styrka læring" og programstyret rapporterer til Sogn regionråd. Utviklingsarbeid innan tilpassa opplæring, entreprenørskap og psykisk helse er viktige arbeidsfelt. Skule- og barnehageutvikling i Sogn er kjenneteikna av breitt samarbeid mellom kommunane og med eksterne aktørar.
Samhandlingsarenaene er mellom anna:

• Kommunane sine fora og nettverk i regionen (rådmennene, kommunalsjefane for oppvekst, rektor- og styrarnettverk).
• Undervisning og forskingsmiljø (Høgskulen på Vestlandet, Regionalt kunnskapssenter for barn og unge, HEMIL-senteret Universitetet i Bergen).
• Andre organisasjonar og etatar (Statped Vest, Ungt Entreprenørskap, Utdanningsforbundet, Fylkesmannen, fylkeskommunen).

Kvalifikasjonar

Søkjar må ha høgare utdanning og pedagogisk kompetanse. Det er ein fordel om du har erfaring frå offentleg sektor, gjerne oppvekstsektoren. Vi vil leggje vekt på at du kan vise til oppnådde resultat, har eit breitt fagleg engasjement og har evne til å drive utviklings- og fornyingsarbeid. Stillinga krev evne til å samarbeide, ta initiativ og motivere til utviklingsarbeid.

Andre opplysningar

Alle søkjarar må skrive mobilnummer i feltet for "Telefon/Mobil privat" i den elektroniske søknaden.

Tilsetjingsvilkår

Løn etter avtale og gode pensjons- og forsikringsordningar.

For søknad

Bruk søknadsskjema som ligg til stillingsannonsen på vår heimeside: www.sogndal.kommune.no - ledige stillingar.
For spørsmål kontakt Tenestetorget tlf. 57629600.

Dersom du skal søkje på fleire stillingar, må du sende ein søknad pr. stilling.
Det er ikkje naudsynt å sende kopi av vitnemål, attestar, kursbevis m.m. Desse skal takast med ved eventuelt intervju eller sendast ved førespurnad.

Alle søkjarar vil få kvittering på at søknaden er motteken dersom de har fylt ut rett e-postadresse i søknaden og det er merka av for at ein ønskjer å motta informasjon om søknaden på e-post.

I skjemaet er det mogeleg å krysse av for at søknaden ikkje skal bli offentleggjort, men gjer merksam på at CV vert brukt i utvida søkjarliste. Dersom du ynskjer at søknaden ikkje skal bli offentleggjort må du grunngje dette. Vi gjer merksam på at opplysningar om søkjarane likevel kan bli offentleggjorde, jamfør Offentleglova §25. Du vil då bli varsla om dette på førehand slik at du har høve til å trekkje søknaden din.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C3412

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Sokndal kommune

source: NAV