id: MTIwOTE5MDMwMDA2OTIgMjYx

reference: 12091903000692

documentId: 12091903000692

connectionPointId: 261

Stillingstittel: Professor i matematikkdidaktikk

Stillingsbeskrivelse:

Jobbnorge ID: 168099

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=JRdMR-PhbBQ&t=4s

Professor

Ved Matematisk institutt (http://www.uib.no/math) er det ledig ei stilling som professor i matematikkdidaktikk.

Arbeidsoppgåver/forskingsområde:

Lektorutdanning er eit strategisk satsingsområde for Universitetet i Bergen (http://ekstern.filer.uib.no/ledelse/strategi.pdf), og Matematisk institutt har gjennom fleire år strategisk bygd opp aktivitet innan lærarutdanning og skoleretta EVU. Denne stillinga skal styrke undervisninga og masterrettleiinga innan matematikkdidaktikk i dei ulike lærarutdanningane instituttet er engasjert i. Dette gjeld primært den praktisk-pedagogiske utdanninga (PPU), den 5-årige integrerte lektorutdanninga (IL) og vidareutdanninga <> (EMU) som er eit 50% deltidsstudium for matematikklærarar. I tillegg har instituttet fleire andre vidareutdanningsprogram for lærarar i ungdomsskolen og i den vidaregåande skolen, blant anna under satsinga <>.

Den som vert tilsett vil delta i instituttet sitt arbeid på linje med resten av den vitskaplege staben og ha sine undervisningsoppgåver innan lærarutdanninga på instituttet. Ei sentral målsetting med stillinga er å styrke rettleiingskapasiteten av fagdidaktiske masteroppgåver innan EMU og IL.

Kvalifikasjonar og eigenskapar:

• Søkjarar må ha doktorgrad innan matematikk/matematikkdidaktikk eller tilsvarande kompetanse.
• Det vert lagt vekt på vitskaplege kvalifikasjonar i matematikkdidaktikk og på formidlings- og utviklingsarbeid med relevans for skolen og/eller lærarutdanninga.
• Søkjarar må ha relevant erfaring frå og kjennskap til skoleverket og/eller lærarutdanninga.
• Søkjarar må ha ein solid matematikkfagleg bakgrunn.
• Søkjarar må kunne arbeide sjølvstendig, strukturert og ha gode samarbeidsevner.
• Søkjarar må kunne medverke til forskingslag både som leiar og deltakar.
• Dokumentert evne til å innhente ekstern forskingsfinansiering er ein føremon.
• Søkjarar må ha gode engelskkunnskapar, skriftleg og munnleg.

Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telje ved vurdering av kandidatane.

Undervisning - kvalifikasjonar og eigenskapar

Søkjarar må dokumentere sine pedagogiske kvalifikasjonar og erfaring i undervisning og rettleiing av studentar. Dette vil til dømes gjerast ved å sende inn

• Prov for gjennomført pedagogisk utdanning
• Evalueringsrapportar av søkjaren si undervisning
• Oversyn over undervisningsomfang og -nivå
• Oversyn over hovudfags- og doktorgradsrettleiing og resultat
• Mottekne undervisningsprisar
• Eigne pedagogiske publikasjonar
• Eigne undervisningskompendium og undervisningsmateriell
• Rapportar som syner deltaking i prosjekt knytt til utvikling av undervisning, så som alternative undervisningsformer, rettleiing eller læringsmiljø

Undervisningsspråket er i hovudsak norsk. Det er eit krav at den som blir tilsett, kan undervise på norsk eller eit anna skandinavisk språk innan to år etter tilsetjinga.

Den som vert tilsett må ha pedagogisk basisutdanning, men søkjarar som ikkje fyller dette kravet ved tilsetjinga får tilbod om opplæring og må dokumentere at utdanninga er fullført innan eit år etter dato for tilsetjing. Fristen er to år for den som ved tilsetjinga ikkje meistrar eit skandinavisk språk.

Ved Universitetet i Bergen blir det lagt reell vekt på pedagogiske kvalifikasjonar ved tilsetjing i vitskaplege mellom- og toppstillingar.

Vi tilbyr:

• Eit godt og fagleg utfordrande arbeidsmiljø
• Løn etter lønssteg 77-84 (kode 1013) tilsvarande NOK 731 400 - 893 900 i statens lønsregulativ. For særleg kvalifiserte søkjarar kan det bli aktuelt å vurdere høgare løn.
• Medlemskap i Statens pensjonskasse
• Gode velferdsordningar

Søknaden skal innehalde:

• CV
• Vitnemål og attestar
• Fullstendig publikasjonsliste
• Ei kort utgreiing om søkjaren si interesse og motivasjon for å søkje denne stillinga, samt over dei viktigaste resultata i søkjaren si forsking (2-3 sider)
• Ei fullstendig liste over undervisningserfaring, inkludert roller i underviste kurs
• Vedlegg som dokumenterer pedagogiske kvalifikasjonar
• Liste over vitskapelege arbeid søkjaren vil det skal takast omsyn til ved vurderinga, med opplysningar om kvar dei er publiserte
• Namn på tre referansar, kor minst ein må kjenne søkjaren frå undervisingsarbeid

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Søknadar sende på epost vil ikkje verte vurderte.

Generell informasjon:

Utfyllande opplysningar om stillinga kan ein få ved å vende seg til: førsteamanuensis Christoph Kirfel, Matematisk institutt, e-post: Christoph.Kirfel (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet I Bergen

source: NAV