id: MTIwOTE5MDIwMDA0MDYgMjYx

reference: 12091902000406

documentId: 12091902000406

connectionPointId: 261

Stillingstittel:
Professor/førsteamanuensis innan fagområdet musikkterapi

Stillingsbeskrivelse:
Jobbnorge ID: 164573

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=JRdMR-PhbBQ&t=4s

Professor/førsteamanuensis innan fagområdet musikkterapi

Ved Griegakademiet - Institutt for musikk, er det ledig ei 100% stilling som professor/førsteamanuensis med leiaroppgåver for GAMUT - Griegakademiets senter for musikkterapiforsking. Tilsetjing er ønskt frå 01.08.2019 eller så snart som råd etter dette.

UiB og forskingsinstituttet NORCE samarbeider om å utvikle tvillingsenteret GAMUT - Griegakademiets senter for musikkterapiforsking til eit internasjonalt leiande forskingsmiljø. Forskarar knytt til GAMUT er tilsett anten i UiB eller i NORCE (eller begge). Totalt er det i dag ca. 20 fagpersonar knytt til senteret, 4 med professorkompetanse. Senteret har også ansvar for utgjeving av to internasjonale vitskaplege tidskrift. Stipendiatar er knytt til senteret gjennom UiB sitt ph.d.-program. Doktorgradstilbod i musikkterapi er utvikla i samarbeid med Grieg Research School in Interdisciplinary Music Studies.

Ved UiB er GAMUT ein del av Griegakademiet - Institutt for musikk, ved Fakultet for kunst, musikk og design (KMD). Instituttet samlar sterke og internasjonalt akta fagmiljø innan eit breitt musikkfelt. Ved Griegakademiet er musikkterapi definert som studiet av musikk og helse. Musikkterapifaget er såleis ikkje avgrensa til utforsking av musikkterapi som profesjonell praksis, men omfattar også studiet av musikk som ressurs for helse og utvikling i ulike kvardagskontekstar.

I NORCE er GAMUT knytt til Helseavdelinga. NORCE er eit nytt og framtidsretta forskingsinstitutt med stor fagleg breidde og sterke kunnskapsmiljø. I Helseavdelinga finn ein fagfelt frå allmennmedisin og legevaktmedisin til mental helse hos barn og unge. Avdelinga forskar og på biverknader av odontologiska biomaterial og på stress, helse og rehabilitering. Helseavdelinga har omkring 70 forskarårsverk og legg vekt på tverrfagleg samarbeid mellom forskingseiningane.

Som forskingssenter søkjer GAMUT å utvikle tverrfaglege samarbeidsrelasjonar, med fagområde som musikkvitskap og humaniora, medisin, psykologi, pedagogikk, sosiologi og antropologi. Forskinga i senteret har stor bredde tematisk, og famnar eit breitt spekter av ulike forskingsmetodologiske tilnærmingar.

Arbeidsoppgåver/forskingsområde:

Stillinga vil være knytt til forskingsleiing og utvikling av tvillingsenteret. Ei 20% bistilling i NORCE er difor ein føresetnad. Stillinga gir rom for å kombinere fagleg leiarskap, eiga forskingsverksemd og undervisningsoppgåver. Leiaroppgåver knytt til stillinga omfattar m.a. fagleg leiing av senteret i samarbeid med ei fagleg leiargruppe, dagleg drift av senteret, koordinering av arbeidet i Scientific advisory board og koordinering av senteret si styringsgruppe. Den som vert tilsett er forventa å bidra til å styrke ekstern finansiert forskingsaktivitet både i UiB og NORCE, og å stimulere til vidare utvikling av fagleg kvalitet og breidde i senteret si forsking. Musikkterapi er eit mangefasettert felt, og det er i dag stor spennvidde i senteret sin aktivitet, både med omsyn til tematiske område og forskingsmetodologi.

Undervisningsoppgåver vil verte knytt til rettleiing av stipendiatar og masteroppgåver. Andre undervisningsoppgåver på studieprogrammet Integrert master i musikkterapi og/eller aktuelle etterutdanningstilbod kan og verte aktuelt.

Ved eventuelle framtidige endringar i senteret si organisering, kan ansvarsområde og arbeidsoppgåver verte endra.

Kvalifikasjonar og eigenskapar:

Vi søkjer ein samarbeidsorientert senterleiar med gode leiareigenskapar som kan bidra til å vidareutvikle den faglege verksemda ved GAMUT, har gode evner til å kommunisere, motivere  og som kan byggje opp gode relasjonar til fagpersonar knytt til senteret og til andre fagmiljø.

Aktuelle søkjarar må kunne dokumentere:

• Professor/førsteamanuensiskompetanse og internasjonal forskingsprofil i musikkterapi, fagområdet musikk og helse, eller anna relevant fagområde.
• Erfaring med fagleg leiarskap
• Røynsle med å generere og leie eksternfinansierte prosjekt
• Pedagogisk basisutdanning. Den som blir tilsett vil få tilbod om opplæring dersom kravet ikkje er oppfylt før tilsetjing

Ved vurdering av søkjarar vil og følgjande kriterium verte vektlagde:

• Gode leiareigenskapar
• Kjennskap til og interesse for den faglege breidda i forskingssenteret
• God rolle- / organisasjonsforståing og gode samarbeidsevner
• God kjennskap til aktuelle finansieringskjelder i nasjonal og europeisk samanheng
• Gode kunnskapar i engelsk og eit skandinavisk språk
• God evne til entreprenørskap og strategisk arbeid

Den faglege kompetansen vil bli vurdert av ein sakkunnig komité. Dei best kvalifiserte søkjarane vil bli kalla inn til intervju av ei intervjugruppe frå UiB og NORCE, og vil også måtte halde ei prøveførelesing for stab og studentar ved instituttet.

Undervisningsspråket er til vanleg skandinavisk og engelsk. Det blir kravd at den som blir tilsett, kan undervise på norsk eller eit anna skandinavisk språk innan to år etter tilsetjinga.

Vi tilbyr:

• Spennande og utviklande arbeidsoppgåver i et sterkt fagmiljø
• Stilling som professor (kode 1013) i lønnssteg 77 - 84 (for tida kr. 731.400 - 893.900 brutto i fulltidsstilling) eller stilling som førsteamanuensis (kode 1011) i lønnssteg 64 - 72 (for tida kr. 565.500 - 658.300, lønsramme 24:8) i det statlege lønsregulativet. For særlig kvalifiserte søkjarar kan det bli aktuelt å vurdere høgare løn.
• Medlemskap i Statens pensjonskasse
• Gode velferdsordningar

Søknaden skal innehalde:

• CV
• Vitnemål og attestar
• Fullstendig publikasjonsliste
• Liste med vedlegg som dokumenterer dine pedagogiske kvalifikasjonar
• Liste over vitskapelege arbeid du vil det skal takast omsyn ved vurderinga, med opplysningar om kvar dei er offentleggjorde
• Materiale som dokumenterer kompetanse som professor/førsteamanuensis, dersom relevant 

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Søkjaren må gjere greie for kvalifikasjonane sine knytt til dei momenta som det er lagt vekt på i utlysinga, mellom anna ei utgreiing av intensjonar og mål. Det er viktig at søkjaren gjer tydeleg greie for sitt syn på fagfeltet sin posisjon og mogelegheiter.

Generell informasjon:

Utfyllande opplysningar om stillinga kan ein få ved å vende seg til: Instituttleiar Randi Rolvsjord på tlf. + 47 97514878 + 47 55 58 69 79. Dersom ein har spørsmål om tilsetjinga i NORCE, kan ein vende seg til konserndirektør NORCE Helse, Ingvild Eide Graff + 47 926 52 814.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV