Stillingstittel:
Professor/førsteamanuensis (50 %) i odontologi (oral kirurgi og oral medisin) ved Institutt for klinisk odontologi

Stillingsbeskrivelse:

 

Jobbnorge ID: 123793

Ved Universitetet i Bergen, Institutt for klinisk odontologi, er det ledig ei fast stilling som professor (50 %) i odontologi (oral kirurgi og oral medisin). Dersom det ikkje melder seg søkjarar med professorkompetanse, kan det verte tilsett førsteamanuensis. Arbeidsstad er Institutt for klinisk odontologi, Det medisinsk-odontologiske fakultet, Årstadveien 19, Bergen.

Ei omtale av stillinga med nærare presisering av fagkrins og ansvarsområde, særlege plikter og andre tilhøve som vil verte lagd vekt på ved tilsetjinga, kan ein finne lengre nede på denne sida.

 

Utfyllande opplysningar om stillinga kan ein få ved å vende seg til instituttleiar professor Anne N. Åstrøm, tlf.: +47 55 58 66 04, e-post: Anne.Astrom (at) uib.no, eller seksjonsleiar professor Trond Berge, tlf.: +47 55 58 65 92, e-post: Trond.Berge (at) uib.no

 

 

Kvalifikasjonar

Den som vert tilsett må ha norsk doktorgrad i relevant fagområde eller tilsvarande kompetanse, og vere godkjent spesialist i oral kirurgi og oral medisin etter 5-årig studieplan, eller tilsvarande klinisk kompetanse. Den som vert tilsett må kunne dokumentere brei og omfattande klinisk erfaring i oral kirurgi og oral medisin. Søkjarar må ha norsk autorisasjon som tannlege ved tilsetjingsdato.

Det vil verte lagt vekt på erfaring innan leiing av forskingsprosjekt, koordinering av forskingsaktivitet, samt frå forskingsstrategisk arbeid. Det vil vidare verte lagt vekt på dokumentert vilje og evne til samarbeid.

  

Undervisningsspråket er til vanleg norsk. Det vert kravd at den som blir tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.

 

Pedagogisk basisutdanning og erfaring frå undervisning er eit krav for stillinga. Den som vert tilsett vil få tilbod om opplæring dersom kravet om pedagogisk basisutdanning ikkje er oppfylt før tilsetjing.

 

Løn

Professor vert lønt etter lønssteg 72-75 (kode 1013), for tida kr 640 700 - 676 800 for full stilling, i lønsregulativet til staten. Førsteamanuensis vert lønt etter lønssteg 59-62 (kode 1011/lønsramme 24.3 - 24.6), for tida kr 501 300 - 529 800 for full stilling, i lønsregulativet til staten ved tilsetjing, og vidare opprykk skjer etter tenesteansiennitet i stillinga. Det vert trekt 2 % pensjonsinnskot til Statens pensjonskasse. For særleg kvalifiserte søkjarar kan det verte aktuelt å vurdere høgare løn.

 

Vi kan tilby

• eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
• faglege utfordringar med gode høve for personleg utvikling og kompetanseutvikling
• god pensjonsordning i Statens pensjonskasse
• stilling i ei inkluderande arbeidslivsverksemd (IA-verksemd)

 

Du kan lese meir om kva Universitetet i Bergen kan tilby som arbeidsgivar ved å gå inn på nettsida: http://www.uib.no/poa/74687/hva-kan-universitetet-tilby-sine-medarbeidere

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Årstadveien 19 5009 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år