id: MTIwOTE5MDQwMDA0MDYgMjYx

reference: 12091904000406

documentId: 12091904000406

connectionPointId: 261

Stillingstittel: Postdoktor i havvindenergi

Stillingsbeskrivelse:

Jobbnorge ID: 169246

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Postdoktorstilling

Som del av satsinga ved Universitet i Bergen Universitet på <> har universitetet etablert eit senter for forsking på havvind (Bergen Offshore Wind Center).

Havvind representerer store uutnytta energiressursar, og gjennom satsinga bidrar universitetet til forsking og utdanning som vil legge grunnlaget for bærekraftig industriell- og næringsutvikling innan eit område med stort framtidig potensiale.

Som ledd i denne satsinga er det ledig ei stilling som postdoktor ved Geofysisk institutt. Stillinga er for ein åremålsperiode på 4 år, og har som hovudoppgåve å drive forsking på vindanalyse, bølger og dynamisk respons av vindturbinar. Den som vert tilsett vil vere ein del forskingsgruppa Fornybar energi ved Geofysisk institutt og Bergen Offshore Wind Center, som er eit tverrfagleg senter for vindenergi ved UiB.

Arbeidsplassen vil vere Geofysisk institutt, Universitetet i Bergen.

Om prosjektet/arbeidsoppgåver:

Hovudfokuset i postdoktorprosjektet er forske på vindenergi, med hovudfokus på studiar av vindfeltet over hav, inklusiv turbulens og koherens og virkningen på den dynamiske respons av vindturbinar til havs.

Kandidaten vil ta i bruk metodar for analyse av observerte og simulerte vind og responsdata med målsetning å optimalisere energiutvinning frå vindturbinparkar til havs. Postdoktorstillinga vil også ha pliktarbeid knytta til undervisning og rettleiing i dei to studieprogramma i energi som instituttet koordinerer på vegne av fakultetet.

Kandidaten er venta å ta del i Bergen Offshore Wind Center i tråd med innretninga på stillinga og eigen forskingsplan. Kandidaten er vidare oppmoda om å involvere seg i senteret si deltaking i relevante forskingsprosjekt.

Kvalifikasjonar og eigenskapar:

• Søkjarar må ha oppnådd ph.d. - grad i havvindenergi, geofysikk eller fysikk eller andre relevante disiplinar, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
• Den som vert tilsett må ha erfaring frå og kompetanse innan modellering, målingar og analyse av havvinddata.
• Kunnskap om og erfraring frå formidling og kommunikasjonsarbeid er ein føremon.
• Søkarar må ha gode engelskkunnskapar, skriftleg og munnleg.
• Søkjarar må ha gode norskkunnskapar
• Søkjarar må kunne arbeide sjølvstendig, strukturert og ha gode samarbeidsevner.
• Personlege eigenskapar vil bli lagt vekt på. Kandidaten må vere sterkt motivert og vise interesse for forsking. Den som vert tilsett bør kunne legge fram ein idé til vidare forskingsplan.

Om postdoktorstillinga:

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskapelege toppstillingar. Åremålsperioden for denne stillinga er 4 år, kor av inntil eitt år kan vere pliktarbeid i form av undervisningsarbeid og tilsvarande arbeid.

Ingen kan tilsetjast i meir enn éin åremålsperiode som postdoktor ved same institusjon.

Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan.

Det er ein føresetnad at den som blir tilsett gjennomfører prosjektet i løpet av tilsetjingsperioden.

Vi tilbyr:

• eit godt og faglig utfordrande arbeidsmiljø
• løn etter lønssteg 59 (kode 1352/lønsramme 24, alternativ 3) i lønsregulativet til staten ved tilsetjing. Dette utgjer ei årsløn på kr 515 200,- brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansepersonar, ein av desse må vere hovudrettleiaren frå doktorgradsutdanninga
• CV
• Karakterutskrifter og vitnemål, samt stadfesting på at doktorgradsavhandlinga er levert
• Relevante attestar
• Liste over vitskaplege arbeid (publikasjonsliste)
• Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til professor Finn Gunnar Nielsen, Geofysisk institutt, e-post: finn.nielsen (at) uib.no, tlf: +47 5558 2644.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Etter søknadsfrist vil det bli oppnemnt ein komité som skal vurdere søkjarane. Søkjarar har innsynsrett i omtalen av deira faglege kompetanse. Søkjarar som ønsker innsyn kan kontakte saksbehandlar etter mottak av brev om oppnemning av komité.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2111

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet I Bergen

source: NAV