Stillingstittel: Politiførstebetjent (ref.nr. 201600711)

Stillingsbeskrivelse:
Bergen Sør politistasjonsdistrikt er ei driftseining i Vest politidistrikt med omfattande og mangearta politioppgåver i eit distrikt nær bysentrum. Driftseininga har ansvar for polititenesta i bydelane Fana og Ytrebygda i Bergen kommune, der det bur ca. 68.000 menneske. Bergen Sør politistasjonsdistrikt er organisert i 5 seksjonar: Orden, etterforsking, førebygging, administrasjon/forvaltning og lufthavnseksjonen.Politiførstebetjent - Vest politidistrikt - Bergen Sør politistasjonsdistrikt

Ved Vest politidistrikt, for tida Bergen Sør politistasjonsdistrikt, er det ledig ei mellombels stilling som politiførstebetjent SKO 0285, ltr 59-64, med funksjon som fast vikar for leiar av etterforskingsseksjonen. Vest politidistrikt er for tida inne i ein omstillingsprosess. Det blir difor teke atterhald om organisatoriske endringar som kan involvere stillinga si plassering og innhald. For stillinga gjeld vanlege tilsetjingsvilkår i staten, mellom anna tilsetjing på prøve dei første 6 månadane. Søkjarane må kunne skrive både bokmål og nynorsk. Det er krav om plettfri vandel. Den statlege arbeidsstyrken skal i størst mogeleg grad spegla mangfaldet i folket. Det er difor eit personalpolitisk mål å ha ei balansert alders- og kjønnssamansetjing, og rekruttere personar med innvandrarbakgrunn. Kvinner og personar med innvandrarbakgrunn blir oppmoda til å søkje. Søkjarar må kunne oppgje om dei har god helse og eventuelt leggje fram helseattest på førespurnad. Aktuelle søkjarar vil bli kalla inn til intervju, og må ta med stadfesta attestar og vitnemål. Vi gjer merksam på at søkjarlista kan bli gjort offentleg sjølv om søkjar ber om å få vere anonym, jf. Offentleglova § 25. Vi ber om elektronisk søknad via.

Arbeidsoppgåver

• Delta i utarbeiding og gjennomføringen av seksjonen sin virksomhetsplan
• Utarbeide vaktliste
• Utøve teneste i samsvar med seksjonen sin funksjonsbeskriving med vekt på etterforskingsleiing etter gitte prioriteringar
• Leie etterforsking av ulike straffesaker og vere rådgivar/støttespelar for andre etterforskingsleiarar under etterforskinga
• Oppfordre til å tenke alternative scenarier/hypoteser under etterforskinga av alvorlege straffesaker
• Leie etterforskingsøvinger og bidra til å utvikle eit lærande etterforskingsmiljø
• Gje systematiske tilbakemeldingar til patruljemannskapa om deira etterforsking på staden
• Delta som puljeleiar i vaktsamarbeid for etterforsking, Bergen kommune
• Sluttføre straffesaker som krever få etterforskingsskritt
• Ha ansvaret for hospitantar og studentar ved etterforskingsseksjonen
• Bistå med kontroll av beslaget etter gjeldande instruks
• Andre oppgåver pålagt av overordna

Kvalifikasjonar

• Eksamen frå politiskule/politihøgskule
• Brei politifagleg bakgrunn og god kjennskap til fagområdet
• Utdanning/erfaring frå fagfeltet blir vektlagt
• Leiarutdanning og/eller leiarerfaring er ein fordel
• Lokalkunnskap er ein fordel
• Gode datakunnskaper
• God munnleg og skriftleg framføring
• Kunnskap om HMS arbeid blir vektlagt

Personlege eigenskapar

• Gode leiareigenskapar i tråd med etaten sin medarbeiderplattform
• Analytisk og systematisk
• Gode kommunikasjonsferdigheiter og evne til å motivere andre
• Initiativrik, handlekraftig og ha høg gjennomføringsevne
• Evne til å arbeide i eit hektisk milj&osl
  
  Minstelønn: 0
  
  Maksimal lønn: 0
  
  Arbeidsgiver Navn: Bergen Sør politistasjonsdistrikt
  
  Arbeidsgiver adresse: 5221 NESTTUN
  
  Job kort beskrivelse: Police inspectors and detectives
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER