id: MTIwODE5MDQwMDAyNTcgMjYx

reference: 12081904000257

documentId: 12081904000257

connectionPointId: 261

lastModificationDate: 1556557201210

Stillingstittel:
Leiar for eining for utvikling av undervising og læring

Stillingsbeskrivelse:

Høgskulen på Vestlandet har ledig stilling som leiar for eining for utvikling av undervising og læring

Endringar i samfunn og arbeidsliv, og digitale trendar påverkar gjeldande syn på undervisning og læring. I lys av dette skal Høgskulen på Vestlandet opprette ei eining for utvikling av undervisning og læring, og søker no etter ein leiar for denne eininga.

Hovudoppgåvene til eininga er å:

• Arbeide systematisk med kunnskaps- og kompetanseutvikling for å vidareutvikle utdanningskvalitet ved HVL. Ein skal legge til rette for studentaktiv læring, bruk av teknologi i utdanningane og utvikling av fleksible utdanningstilbod.
• Leggje til rette for utdanningsfagleg kompetanseutvikling. Slik kompetanse omfattar UH-pedagogikk og didaktikk og inkluderer kompetanse til å utnytte digital teknologi i læringsarbeidet.
• Vere ein pådrivar for kontinuerleg forskings- og utviklingsarbeid i utdanningane.
• Vere eit rådgjevande organ for høgskuleleiinga i det strategiske arbeidet mot å utvikle eit tidsriktig og innovativt universitet.

Eininga er under utvikling i forhold til organisatorisk løysing, bemanningsbehov og kompetanseprofil, og stillinga vert utlyst med atterhald om at eininga vert formelt oppretta av HVL sitt styre. Det er gode mogelegheiter for leiaren å påverke utviklinga av eininga.

Ansvars- og arbeidsoppgåver:

Leiaren har det faglege ansvaret for kontinuerleg utvikling av eininga og dei oppgåvene den skal ha ansvar for. Leiaren skal følgje opp dei økonomiske og administrative sidene ved eininga og ha personalansvar for tilsette i eininga. Leiaren skal aktivt søke samarbeid med eksterne partnarar og ha oversikt over nasjonale føringar i sektoren og internasjonal utvikling av dette feltet. Leiaren av eininga skal og ha særskilt fokus på å skape gode samarbeidsrelasjonar internt i HVL, både med fagmiljøa og tilgrensande adminstrative einingar.

Kvalifikasjonskrav:

Formell utdanning og kompetansar:

• Førstekompetanse innanfor relevante fagområde
• Erfaring frå, og strategisk perspektiv på pedagogisk endringsarbeid
• Erfaring med digitalisering, fortrinnsvis frå universitets- og høgskulesektoren, og fokus på å utvikle eigen digital kompetanse
• Dokumentert leiarerfaring
• Erfaring med prosjektstyring og med kommunikasjons- og formidlingsarbeid.

Personlege eigenskapar:

• Evne til å utnytte ressursar på tvers i ein sterk kunnskapsorganisasjon
• Evne til å motivere andre og til å bygge bru mellom ulike miljø og fagområde
• Ein motiverande og inkluderande leiarstil med vekt på samarbeid og medverknad
• Engasjement for å nå høgskulen sine ambisjonar.

Korleis søke på stillinga?

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annen dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga overskrider 15 MB må dei komprimerast før opplasting eller leggast ved som lenke.

Søknader kan ikkje sendes på e-post til enkeltpersoner ved høgskulen.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som leiar for den nye eininga vil verta løna etter Statens lønsregulativ, i stillingskode 1060 Avdelingsdirektør.

Frå løna vil det bli trekt 2 % innskot til Statens pensjonskasse.

Generell informasjon:

Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA-verksemd.

Kontaktperson ved Høgskulen på Vestlandet er:

Prorektor for utdanning
Bjørg Kristin Selvik
Tlf 55 58 75 56 / 915 83 744

Samspel, berekraft og nyskaping

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil.

Les meir på våre heimesider.

Video: https://www.youtube.com/watch?v=z-Py_In-Eyg&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C1323

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HØGSKULEN PÅ VESTLANDET

source: NAV