Stillingstittel:
Leiar faggruppe trafikantinformasjon (ref.nr. 3096846848)

Stillingsbeskrivelse:

Samferdselsavdelinga i Hordaland fylkeskommune har ansvar for at fylket har eit funksjonelt transporttilbod med bil, bane, båt og buss. Vi driftar, planlegg og utviklar kollektivtilbodet og fylkesvegane for at folk skal reise trygt og miljøvennleg til jobb, skule og fritidsaktivitetar.

Leiar faggruppe trafikantinformasjon - Prosjektstilling 2 år - SKYSS

God informasjon til dei reisande er ein vesentleg del av den totale kundeopplevinga, og heilt sentralt for at kollektivtransport skal bli oppfatta som eit enkelt og smart val. Skyss har i fleire år arbeidd med å byggje opp eit fagmiljø med kompetanse til å overvake trafikkbiletet, samle informasjon om avvik, tolke og leggje til rette meldingar og publisere informasjon om trafikkbildet og avvik i eksisterande og nye kanalar for trafikantinformasjon. Fleire medarbeidarar arbeider med slike oppgåver i dag, og ein ønskjer nå å samle kompetansen i ei eiga faggruppe for trafikantinformasjon. Stillinga skal saman med resten av faggruppa bidra til å gje våre reisande best mogleg informasjon før og under reisa, og ikkje minst sørgje for rask og nøyaktig informasjon om avvik når desse oppstår. Faggruppa vert ein del av sals- og marknadsavdelinga i Skyss, og stillinga rapporterer til sals- og marknadssjef. Leiar vil få ansvaret for å sikre at faggruppa jobbar etter gode planar, utviklar gode verktøy, nyttar tilgjengelege informasjonskanalar på rett og god måte og har den rette kompetansen. Leiar vil få eit særskilt ansvar for å koordinere arbeidet i faggruppa, og å sørgje for tett og godt samarbeid med dei andre fagmiljøa i Skyss. Leveransar frå faggruppa skal gjere det enda enklare å reise kollektivt i Hordaland, og slik styrke omdømmet til Skyss og kollektivtrafikken i fylket.

Arbeidsoppgåver

• I samarbeid med avdelingsleiar, utarbeide strategi for vidare utvikling av trafikantinformasjon i Skyss
• Vidareutvikle system og rutinar for informasjon om avvik i ulike kanalar
• Etablere og dokumentere rutinar for informasjonsflyt internt i faggruppa og i grensesnitt mot andre faggrupper/avdelingar
• Koordinere arbeidet i faggruppa og etablere/dokumentere rutinar for å sikre kvalitet i leveransane internt og eksternt
• Legge planar for faggruppa i høve kollektivstrategi/handlingsprogram og førebu innspel til avdelingsleiar knytt til oppdateringar av handlingsprogram, utfordringsnotat og årsrapportering
• Ansvar som faggruppeleiar, personalansvar for andre medarbeidarar i faggruppa og ansvar for kompetanseutvikling i faggruppa

Kvalifikasjonar

• Mastergrad eller tilsvarande kompetanse innanfor relevante fagområde
• Gode formidlingsevner
• Godt norsk språk, skriftleg og munnleg
• God teknologiforståing og kunnskapar knytt til bruk av ulike informasjonskanalar
• Erfaring og tidlegare resultat som leiar og/eller prosjektleiar vil vere ei føremon
• Alle nytilsetjingar i Hordaland fylkeskommune blir gjort med ei prøvetid på 6 månader.

Utdanningsnivå

• Høgskule/universitet, Mastergrad

Personlege eigenskapar

• Strukturert
• Initiativrik
• Resultatorientert

Arbeidssted:Lars Hilles gate 20 B, 5020 BergenKontaktinfo:Hanne Alver Krum, leiar, 907 87 691, hanne.alver.krum (at) skyss.noNøkkelinformasjon:Annonsør: Hordaland fylkeskommuneRef. nr.: 3096846848Stillingsbrøk: 100%AnnaTal på stillingar: 1For elektronisk søknadsskjema:

GJELDER