Stillingstittel: Ledige stillingar i norsk frå 01.08.2016

Stillingsbeskrivelse:
Jobbnorge ID: 122349

Høgskulen i Sogn og Fjordane har ledige to faste stillingar og to mellombelse stillingar/årsvikariat som førsteamanuensis/førstelektor/høgskulelektor i norsk i lærarutdanningane. Stillingane er knytt til Avdeling for lærarutdanning og idrett i Sogndal.

Avdelinga har 900 studentar, 90 fagstillingar og 8 administrative stillingar. Vi tilbyr fireårige grunnskulelærarutdanningar, treårig barnehagelærarutdanning, tre bachelorstudium i idrett, praktisk-pedagogisk utdanning og vidareutdanningsstudium. Avdelinga tilbyr også masterutdanningar i idrett, spesialpedagogikk, og i undervisning og læring.

Satsingsområda våre på forsking og utviklingsarbeid er læringsforsking og idrettsforsking. Vi har klare ambisjonar om vidareutvikle oss og vekse innanfor oppdragsverksemd, og satsar mykje på fagleg oppbygging til doktorgrad og førstelektor.

 

Arbeids- og ansvarsområde

Arbeidet omfattar undervisning og rettleiing i grunnskulelærarutdanningane, barnehagelærarutdanninga, og vidareutdanningane ved høgskulen. Avdelinga har heile Sogn og Fjordane som praksisfelt. Til stillinga ligg og forskings- og utviklingsarbeid.

Den tilsette må kunne rettleie studentane i skriftlege arbeid, ta på seg studieadministrative oppgåver, og delta i samarbeidsprosjekt. Desentralisert undervisning og undervisning på nett høyrer òg med til arbeidsoppgåvene.

 

Forsking og utviklingsarbeid på problemstillingar med relevans til faget ligg også til stillinga. Søkjaren bør skissera aktuelle forskingstema i søknaden.

Kvalifikasjonar

Vi ønskjer søkjarar med brei norskfagleg bakgrunn. Du må ha relevant utdanning, men hovudfag eller mastergrad i norsk/nordisk. Det er ein fordel med doktorgrad eller tilsvarande kompetanse.

 

Det blir lagt vekt på pedagogisk kompetanse og erfaring frå undervisningsarbeid i grunnskule og/eller vidaregåande skule og/eller lærarutdanning. Vi legg vekt på personlege eigenskapar og eit breitt fagleg engasjement. Den som blir tilsett, må kunne undervise i dei sentrale emna i grunnskulelærarutdanninga og barnehagelærarutdanninga, både i språklege og litterære emne. Vi har særleg behov for undervisningskompetanse i fonologi/fonetikk, begynnaropplæring og litteratur. Avdelinga vår tek eit særleg ansvar for nynorsk skriftspråk.

 

Tilsetjingsvilkår

Løn etter kvalifikasjonar og avtale. Vi kan tilby gode forsikrings- og tenestepensjonsvilkår og fleksible arbeidsvilkår. Vi hjelper til med å skaffe bustad og barnehageplass og dekkjer flytteutgifter etter statens reglar.

Tilsetjing skjer på dei vilkåra som følgjer av lov om statens tenestemenn og dei reglementa som gjeld i Høgskulen. Høgskulen i Sogn og Fjordane er ei IA-bedrift

 

I samsvar med offentleglova § 25, kan opplysingar om søkjar bli unnateke i offentleg søkjarliste, dersom søkjaren sjølv ber om det. Søkjaren vert varsla dersom oppmodinga ikkje blir teken til følgje.

 

Meir informasjon får du hos dekan Wiggo Hustad, wiggo.hustad (at) hisf.no

tlf 971 98 787, eller faggruppeleiar i norsk Eli Bjørhusdal, eli.bjorhusdal (at) hisf.no , tlf 951 65 510.

 

Søknad med CV, attestar og vitnemål skal sendast elektronisk

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år