Høgskulen i Sogn og Fjordane har ledig fast stilling som førsteamanuensis i historie ved Avdeling for samfunnsfag.

Avdeling for samfunnsfag består av tre institutt: Institutt for samfunnsvitskap, Institutt for administrasjon og økonomi, og Institutt for barnevern, sosialt arbeid og vernepleie. Avdelinga har omlag 1 200 studentar, over 70 fagtilsette og fem administrative stillingar.

Den utlyste stillinga er organisatorisk knytt til Institutt for samfunnsvitskap. Arbeidsstad er Sogndal

Arbeids- og ansvarsområde

Til stillinga ligg det undervisning, rettleiing av studentar og fagleg utviklingsarbeid/forsking hovudsakleg knytt til bachelorstudium i historie, årsstudium i samfunnsfag og til samfunnsfaglege emne i grunnskulelærarutdanninga. Den som blir tilsett i stillinga kan få oppgåver knytt til høgskulen sitt arbeid med utvikling av nye emne og utdanningstilbod.

Forsking og utviklingsarbeid på problemstillingar med relevans til faget ligg også til stillinga. Søkjaren bør skissera aktuelle forskingstema i søknaden.

Kvalifikasjonar

Søkjarar til stillinga må ha doktorgrad i historie eller vitskapleg kompetanse på tilsvarande nivå. For tilsetjing som førsteamanuensis er kravet norsk doktorgrad eller vitskapleg kompetanse på tilsvarande nivå. For tilsetjing som førstelektor er krava kvalifikasjonar som samla er på nivå med førsteamanuensis, men vurderinga byggjer på eit breiare grunnlag.

Det er også krav om relevant yrkeserfaring samt dokumentert relevant praktisk-pedagogisk kompetanse på grunnlag av utdanning eller undervisning og rettleiing.

Tilsette utan formell pedagogisk utdanning og som ikkje kan dokumentere tilsvarande kvalifikasjonar, vil bli pålagt å gjennomføre kurs i pedagogikk. Utdanning tatt utanfor Noreg, skal vere godkjent og stadfesta av NOKUT. Arbeidsspråket er norsk.

Ved rangering av kompetente søkjarar blir det lagt vekt på formell kompetanse, undervisningserfaring/utdanning og dokumentert forskingsinnsats og utgreiingsarbeid innan relevante fagområde. Vi ønskjer søkjarar som er utviklingsorienterte og som har gode kommunikasjons- og samarbeidsevner.

Tilsetjingsvilkår

Stillinga er løna etter Statens lønsregulativ for førsteamanuensis etter ansiennitet og kompetanse. Høgskulen har tenestepensjonsordning og det vert trekt lovfesta innskot til Statens pensjonskasse. Tilsetjing skjer på dei vilkår som følgjer av Lov om statens tenestemenn og dei reglement som til ei kvar tid gjeld i høgskulen.

Den statlege arbeidsstyrken skal spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og å rekruttere personar med ulik nasjonal- eller etnisk bakgrunn. Høgskulen i Sogn og Fjordane er ei IA bedrift.

Meir informasjon om stillinga får du hjå Instituttleiar Grete Netteland, e-post: grete.netteland (at) hisf.no.

Søknad med CV, attestar og vitnemål skal sendast elektronisk via «Søk denne stillinga» på denne sida. Søknaden skal gje eit fullstendig oversyn over utdanning og tidlegare praksis og ha ei liste over vitskaplege arbeid.

Elektronisk søknad med vedlagde attestar og vitnemål kan bli sendt vidare til ein sakkunnig kommisjon for vurdering. Det er difor viktig at all dokumentasjon kjem med i søk

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år