id: MDMxNjE4MTEwMDA4MDkgMjYx

reference: 03161811000809

documentId: 03161811000809

connectionPointId: 261

Stillingstittel: Ledig prosjektstilling i seksjon for læreplan

Stillingsbeskrivelse:
Jobbnorge ID: 161034

Om stillinga

I Kompetanse Noreg er det ledig ei prosjektstilling frå 1.2.2019 til 1.2.2021 i seksjon for læreplan. I stillinga ligg oppgåver knytt til det oppdraget Kompetanse Noreg har med å utvikle moduliserte læreplanar for vaksne i grunnskulen, og gjennomføringa av forsøk med desse læreplanane.

I 2016 fekk Kompetanse Noreg i oppdrag frå Kunnskapsdepartementet å levere ei ny modulstrukturert grunnskuleopplæring for vaksne med nye læreplanar, i tillegg til ei digital kartleggingsprøve og e-læring i lesing som skal vere bygde på det same rammeverket. Det overordna føremålet er å bidra til at utsette grupper av vaksne får ei varig tilknyting til arbeidslivet eller raskare overgang til vidaregåande utdanning. Den nye modulstrukturerte grunnskuleopplæringa prøvast ut i forsøk frå hausten 2017.

Personen vi tilsett vil få ansvar for å delta i arbeidet med å følgje opp forsøk med nye moduliserte læreplanar, inkludert pedagogisk utviklingsarbeid. Ansvaret omfattar òg samarbeid med eksterne fagmiljø og leiing av eksterne grupper. Stillinga inneber eit medansvar for å bidra til at Kompetanse Noreg oppfyller dei overordna måla og leveransane til oppdraget.

Det er 13 medarbeidarar i seksjon for læreplan. Les her for meir informasjon om kva vi arbeider med.

Arbeidsoppgåver:

• organisere og følgje opp forsøk med nye læreplanar
• arbeid med dokumentasjon av oppnådd kompetanse og vurdering
• samarbeide med interne og eksterne ressurspersonar

Kvalifikasjonar:

Vi krev:

• mastergrad innan pedagogikk og/eller utdanningsleiing. Realkompetanse kan kompensere noko for kravet til formell utdanning.
• brei erfaring med utarbeiding og implementering av læreplanar
• erfaring med leiing, utvikling og oppfølging av pedagogisk utviklingsarbeid
• gode skriftlege og munnlege formidlingsevner

Det er ein fordel om du har:

• nettverk  innanfor det offentlege forvaltningssystemet
• erfaring med, og kunnskap om, grunnleggjande ferdigheiter, leseopplæring og norsk som andrespråk
• kjennskap til offentleg forvaltning, utlendingsforvaltning og skuleadministrasjon og -forvaltning

Vi ønskjer at du:

• er nysgjerrig og lærevillig
• arbeider sjølvstendig og resultatorientert
• er god til å samarbeide og dele kunnskap
• er analytisk og strukturert ser både heilskapsbiletet og detaljar

Vi legg vekt på at personen eignar seg for stillinga og har leiareigenskapar.

Vi tilbyr:

• lønsplassering etter kompetanse: seniorrådgivar med ei årslønn på kr 646 700 - 778 700. For særskilt godt kvalifiserte søkjarar kan høgare lønn vurderast
• fleksibel arbeidstid
• godt tilrettelagde lokale i Oslo sentrum
• medlemskap i  Statens pensjonskasse, som gir gunstig pensjonsordning og moglegheit for bustadlån, til dette vert det trekt 2% av lønna til lovfesta innskot

 

Vi legg vekt på mangfald, og oppfordrar derfor alle kvalifiserte kandidatar til å søke utan omsyn til alder, kjønn, funksjonshemming, nasjonal eller etnisk bakgrunn. Vi er ei IA-verksemd. Vi gjer oppmerksam på at opplysningar om søkaren kan verte offentleggjort sjølv om søkaren har bedt om å ikkje verte ført opp på søkarlista, jf. offentleglova § 25. Søkarane vil i tilfelle verte informerte om dette på førehand.

Kontaktperson

Fungerande seksjonsleiar Yngvild Ziener Nilsen
mobil: 90 29 00 80
e-post: yngvild.ziener.nilsen (at) kompetansenorge.no

Eller fungerande avdelingsleiar Espen Brynsrud
mobil: 90 60 64 06
e-post: espen.brynsrud (at) kompetansenorge.no

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C1349

abstractJV_contact_0: See jobabstractJV_description

Arbeidsgiver Navn: Kompetanse Norge

source: NAV