Høgskulen i Sogn og Fjordane søkjer førsteamanuensis/førstelektor/høgskulelektor innan bygg og anlegg i fast stilling med tilsetting frå 1. august 2016.

Stillinga er knytt til Avdeling for ingeniør- og naturfag, Institutt for ingeniør- og teknologi, med arbeidsstad Førde. Instituttet har 12 tilsette, medan avdelinga totalt har ca 40 tilsette. Faggruppene innan fornybar energi, geologi og geofare og landskapsplanlegging har arbeidsstad Sogndal.

Ved tilsetjing vil det bli lagt vekt på erfaring og interesse for undervisning og forsking. Personen vi søkjer, skal jobbe i fagteam og må ha gode sosiale evner og evne til samarbeid.

Arbeids- og ansvarsområde

Ingeniørstudiet i bygg og anlegg er nytt og vert starta opp hausten 2016, i samarbeid med Høgskulen i Bergen. Arbeidsoppgåvene vil vere knytt til undervisning og rettleiing av bacheloroppgåver og andre prosjektoppgåver innafor konstruksjons- og infrastrukturfag. Den som blir tilsett i stillinga kan få undervisning i grunnleggjande realfag innafor ingeniørutdanning og i forkurs for ingeniør- og sivilingeniørutdanning.

Forskings- og utviklingsarbeid på problemstillingar med relevans til fagområdet ligg også til stillinga, i tett samarbeid med regionalt næringsliv, bransjeorganisasjonar og   Høgskulen i Bergen.

Kvalifikasjonar

Vi ønskjer søkjarar med bakrunn innan byggingeniørfaget, på mastergrad eller sivilingeniør-nivå. Det er ein fordel med doktorgrad eller tilsvarande kompetanse.

Det vil bli lagt vekt på pedagogisk kompetanse og erfaring frå undervisningsarbeid samt relevant næringslivserfaring. Evne til samarbeid og nettverksbygging i høve til næringsliv og andre aktuelle samarbeidspartnare vil vera viktig.

For tilsetjing som førsteamanuensis er kravet doktorgrad eller vitskapeleg kompetanse på tilsvarande nivå. For tilsetjing som førstelektor er krava kvalifikasjonar som samla er på nivå med førsteamanuensis, men vurderinga byggjer på eit breiare grunnlag. For tilsetjing som høgskulelektor er kravet hovudfag/mastergrad frå universitet/høgskule.

Den som vert tilsett, vil måtte kunne undervise i dei sentrale emna innan bygg- og anlegg etter gjeldane studieplan, og vere med i arbeidet med å utvikle fagområdet og undervisningsopplegget. Arbeids- og undervisningsspråket er norsk. For tilsette utan slik kompetanse, er det naudsynt med Bergenstest på nivå to.

Tilsetjingsvilkår

Stillinga er lønna etter Statens lønsregulativ som førsteamanuensis/førstelektor/høgskulelektor etter kompetanse og ansiennitet. Høgskulen har tenestepensjon og frå brutto løn vert trekt lovfesta innskot til Statens pensjonskasse.

Tilsetjing skjer på dei vilkår som følgjer av Lov om statens tenestemenn og dei reglement som til ei kvar tid gjeld i høgskulen.

Den statlege arbeidsstyrken skal spegle mangfaldet i folket. Det er eit personalpolitisk mål å oppnå ei balansert alders- og kjønnssamansetjing og rekruttere personar med ulik nasjonal- eller etnisk bakgrunn. Høgskulen i Sogn og Fjordane er ei IA-bedrift.

I samsvar med offentleglova § 25, kan opplysingar om søkjar bli unnateke i offentleg søkjarliste, dersom søkjaren sjø

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år