Stillingstittel: Kommunikasjonsrådgivar

Stillingsbeskrivelse:
Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidd og internasjonalt anerkjende forskingsmiljø gjer UiO til ein viktig samfunnsaktør.

Rådgivar/seniorrådgivar

Det humanistiske fakultetet ved UiO (HF) er det største humanioramiljøet i Noreg. Fakultetet har om lag 6000 studentar på 38 studieprogram, 800 tilsette fordelt på 7 institutt og ein fakultetsadministrasjon, og 70 fag innanfor områda språk, kultur, historie, medium, litteratur og idéfag.

HF har fleire fagmiljø i det internasjonale tetsjiktet. Vi har bl.a. to senter for framifrå forsking, eit fagmiljø i medium og kommunikasjon som er rangert som nr. 40 i verda, og vi har nyleg etablert universitetet si tredje store tematiske forskingssatsing, UiO: Norden. Fakultetet er i gang med ein strategi for å løfte fleire forskingsmiljø til verdsklasse, vi styrker samarbeidet med aktørar i samfunnslivet og arbeider med å profesjonalisere forskingskommunikasjonen.

No treng vi ein kommunikasjonsrådgivar med høg fagkompetanse og god organisasjonsforståing med på laget i kommunikasjonsseksjonen vår. Vi styrker arbeidet med strategisk kommunikasjon med ein ny rolle som fagleg koordinator for arbeidet med ekstern kommunikasjon og støtte til forskingsformidling i seksjonen.

Arbeids- og ansvarsområde

Hos oss vil du jobbe operativt med å skrive artikkelstoff og ha kontakt med medium, med strategisk kommunikasjonsstøtte til leiarar og med å vidareutvikle dei eksterne kommunikasjonstenestene som seksjonen gir. Du vil ha omfattande kontakt med institutta og samarbeide nært med kollegaer i seksjonen.

Arbeidsoppgåver:

• planlegge og gjennomføre aktivitetar for å styrke kommunikasjonen og formidlinga av forskinga
• utforske korleis ein best oppnår effektiv kommunikasjon med interessentane og målgruppene våre
• vidareutvikle HFs posisjon i media gjennom aktivt mediearbeid
• skrive og publisere nyhendestoff for ulike kanalar
• gi råd og kommunikasjonsfagleg støtte til fakultetsleiinga og instituttleiarane
• evaluere og følge opp resultat av gjennomførte kommunikasjonsaktivitetar
• andre oppgåver kan bli lagt til stillinga

Kvalifikasjonskrav

Stillinga krev relevant utdanning frå universitet eller høgskole, gjerne kommunikasjonsfagleg og minimum på bachelornivå.

Dokumentert kompetanse

Oppgåvene inneber at du må ha dokumentert erfaring og kompetanse på desse områda:

• utvikle, gjennomføre og evaluere kommunikasjonsaktivitetar i ulike kanalar
• leie og delta i prosjektarbeid
• mediearbeid, presentasjon av stoff og skriving av debattinnlegg
• skrive nyhendestoff
• gode formuleringsevner skriftleg og munnleg, på norsk og engelsk

Personlege eigenskapar

Jobben hos oss krev at du:

• har interesse for universitetssektoren og tilhøvet mellom akademia og samfunn
• har initiativ og evne til å orientere deg og skape resultat i ein stor og mangfaldig organisasjon
• kan tenke strategisk og finne løysingar på komplekse utfordringar
• har evne til å motivere, bygge tillit og gode relasjonar rundt deg

For å bli tilsett som seniorrådgivar krevst det at du har tung erfaring med strategisk kommunikasjonsarbeid eller særleg relevant erfaring med mediekontakt og formidling av kunnskapsstoff.

Vi tilbyr

Minstelønn: 0

Maksimal lønn: 0

Arbeidsgiver Navn: Universitetet i Oslo, Det humanistiske f

Arbeidsgiver adresse: 0313 OSLO

Job kort beskrivelse: Public relations professionals

Land: Norge

Region: Oslo

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år