id: MTIwOTE5MDIwMDA0NTMgMjYx

reference: 12091902000453

documentId: 12091902000453

connectionPointId: 261

Stillingstittel: Jurist - fast stilling helse, sosial og barnevern

Stillingsbeskrivelse:
Jobbnorge ID: 165424

Om stillinga:

 

Helse, sosial og barnevern har ledig fast stilling frå snarast.

Avdelinga har ulike rådgjevings- og forvaltningsoppgåver, og fører tilsyn med barnevern, helse-, omsorg- og sosialtenestene i Hordaland og Sogn og Fjordane. Fylkeslegen leier avdelinga som har tilsette med barnevern-, sosial-, helse-, juridisk, pedagogisk, samfunnsfagleg og administrativ kompetanse.

Avdelinga har brei kontakt med kommunar, spesialisthelsetenester og nasjonale styresmakter. Vi behandlar enkeltsaker og fører tilsyn med kommunar, helseføretak og institusjonar, gir råd og rettleiing og medverkar til gjennomføring av nasjonale mål. I arbeidet med folkehelse og tiltak for sosial utjamning samarbeider vi med dei andre avdelingane i embetet og eksterne instansar. 

Avdelinga har tre seksjonar og kontorstader på Leikanger og i Bergen. Stillinga er knytt til seksjon spesialisthelse med kontorstad Bergen. Oppgåvene er i hovudsak behandling av saker innan fagområdet spesialisthelsetenester, rettleiing og informasjon til brukarar, tilsette og leiarar i tenestene. Andre oppgåver kan bli tildelt etter avtale med seksjonsleiar. Arbeidet er variert og i stor grad tverrfagleg.

Kvalifikasjonar:

• juridisk embetseksamen/master i rettsvitskap
• erfaring frå og interesse  for offentleg sektor og forvaltning
• kunnskap om aktuelle lovverk

Personlege eigenskapar:

Personane vi søkjer, må ha interesse for helse- og sosialrett og kunne formidle kompliserte problemstillingar på ein god måte.

God munnleg og skriftleg formidlingsevne på nynorsk og bokmål er ein grunnleggjande føresetnad.

Dei som får stillinga, må kunne arbeide systematisk og sjølvstendig innan dei fristane som er sett og vere innstilte på å samarbeide nært med kollegaer. Dette gjeld tildelte saker og i avdelinga sitt samla arbeid. Gode samarbeidsevner, evne til systematisk arbeid, fleksibilitet og omstilling blir vektlagt.

Som tilsett hos Fylkesmannen får du:

• interessante arbeidsoppgåver
• ein arbeidsplass i utvikling
• eit kompetent og godt tverrfagleg arbeidsmiljø
• medlemskap i offentleg tenestepensjonsordning
• fleksibel arbeidstid

Vilkår:

Stillinga er lønna i stillingskode 1434 rådgjevar mellom kr 460 000 - 540 000, eller i stillingskode 1364 seniorrådgjevar mellom kr 550 000 - 600 000. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn.      

Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet er IA-verksemd, og vil leggje til rette for arbeidstakarar med nedsett funksjonsevne.

Dei første seks månadane er prøvetid.

Tenestemålet er nynorsk.

Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare opplysningar om stillinga får du hjå fylkeslege Helga Arianson, fmhohar (at) fylkesmannen.no, tlf. 970 33 108 og seksjonssjef Sjur Lehmann, fmhosle (at) fylkesmannen.no, tlf. 55 57 22 18.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2611

abstractJV_contact_0: See jobabstractJV_description

Arbeidsgiver Navn: Fylkesmannen i Vestland

source: NAV