id: MTIwOTE5MDQwMDA0NzcgMjYx

reference: 12091904000477

documentId: 12091904000477

connectionPointId: 261

Stillingstittel: Juridisk rådgiver

Stillingsbeskrivelse:

Jobbnorge ID: 169359

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Jurist

Vil du vere med på å realisere UiBs strategiske mål innan forsking, innovasjon, utdanning og formidling?

Ved Forskingsadministrativ avdeling er det no ledig ei stilling som jurist.

Forskingsadministrativ avdeling er ein del av den sentrale administrasjonen ved UiB, og yter service, rådgjeving og støtte til universitetsleiinga, fakulteta, institutta og enkeltforskarar. Den juridiske kompetansen vert i stor grad etterspurt , og vi søkjer etter ein fagleg dyktig og positiv kollega som kan bli ein del av det juridiske teamet i avdelinga.

Ein stor del av verksemda til universitetet er finansiert av midlar henta frå nasjonale og internasjonale finansieringskjelder. UiB har eit omfattande samarbeid med andre universitet, forskingsinstitutt, private og offentlege verksemder. UiB har ei stor eksternt finansiert portefølje av prosjekt innan forsking og utdanning der du som jurist vil arbeide tett med forskarar, leiing og administrasjon på universitetet.

Som del av eit team på fem personar vil du få høve til å jobbe tverrfagleg og delta i eit breitt spekter av prosessar som er med på å bidra til at UiB når sine mål. Arbeidet vil vere sjølvstendig og prega av utfordrande oppgåver. Du vil mellom anna jobbe med avtalerett, forhandlingar, immateriell rett, EØS/konkurranserett og forvaltningsrett.

Arbeidsoppgåver:

• Utarbeide, forhandle og følgje opp kontrakter knytt til den eksternfinansiert verksemda til universitetet, både forsking og utdanning
• Gje juridiske råd i samband med selskap i randsona til universitetet
• Utarbeide retningslinjer og rutiner innan ansvarsområdet
• Gje juridiske råd i samband med kontrakter, immateriell rett, innovasjon og utvikling retta mot fakultet, institutt og forskarar
• Stillinga kan tilleggas andre oppgåver etter behov

Kvalifikasjonar og eigenskapar:

Du har:

• Mastergrad i rettsvitskap
• Kjennskap til universitets- og høgskulesektoren
• Erfaring frå arbeidsområdane som oppgåvene omfattar
• Interesse for forskings- og utdanningsspørsmål
• God munnleg og skriftleg framstillingsevne på norsk og engelsk

Du er:

• Ein dynamisk pådrivar med stor arbeidskapasitetein relasjonsbyggjar med gode samarbeids- og kommunikasjonseigenskaper
• Systematisk, analytisk og med evne til å arbeide sjølvstendig

Vi legg vekt på :

• Relevant erfaring
• Personlege eigenskapar naudsynt for stillinga

Vi kan tilby:

• Ei avdeling i spanande utvikling
• Utfordrande arbeidsoppgåver i eit kompetansemiljø med gode vilkår for fagleg og personleg utvikling
• Triveleg og internasjonalt samansett medarbeidargruppe med stor faglig tyngde
• Løn som rådgjevar (kode 1434) i lønssteg 62-70 (For tida kr.544 400 - 631 700) i det statlege lønsregulativet. For særskilt kvalifiserte søkjarar kan ein vurdere høgare løn
• Medlemsskap i Statens pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: Stedfortreder for avdelingsdirektør Birgit Falch, tlf. 55584901 eller 95171180, e-post: birgit.falch (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad og CV skal sendast elektronisk via link på denne sida: "Søk denne stilling" til Universitetet i Bergen. Kopi av vitnemål og attester skal berre sendast dersom du får melding om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2619

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet i Bergen

source: NAV