Stillingstittel:
Instruktørtannlege (30 % og 40 %) ved Institutt for klinisk odontologi, Seksjon for oral protetikk

Stillingsbeskrivelse:

 

Jobbnorge ID: 124685

Ved Universitetet i Bergen, Det medisinsk-odontologiske fakultet, Institutt for klinisk odontologi, er det ledig to faste stillingar som instruktørtannlege på 30 % og 40 % med arbeidsplass for tida ved Seksjon for oral protetikk. Ein ønskjer tilsetjing snarast mogleg.

 

Den som vert tilsett må rekne med og gjere teneste ved andre seksjonar ved behov.

 

Arbeidsoppgåver:

Arbeidet omfattar klinisk og teoretisk undervisning av kandidatar og studentar, behandling av institusjonen sine pasientar, og rettleiing og vurdering av kandidatane og studentane både praktisk og teoretisk. I tillegg kan det vere aktuelt å vere med på å utvikle instituttet ved deltaking i prosjekt og utval. Det kan vere mogeleg å ta del i faglege fora.

 

Krav til kvalifikasjonar og personlege eigenskapar:

Søkjarar må ha norsk autorisasjon som tannlege ved tilsetjingsdato. Det er ønskjeleg med god erfaring frå allmenn praksis og erfaring med undervising og rettleiing. For å få fast stilling må ein ha minst to års relevant arbeidserfaring som tannlege i eit skandinavisk land. Søkjarar bør ha anna stilling utanom Institutt for klinisk odontologi for å oppretthalde sine kliniske ferdigheitar.

 

Den som vert tilsett må ha gode kunnskapar i norsk, kunne arbeide sjølvstendig, vere ansvarsmedviten, fleksibel og ha gode kommunikasjons- og samarbeidsevner. Ved vurderinga av søkjarane vil dei personlege eigenskapane verte lagd vekt på.

 

For stillingane gjeld Særavtale om arbeidsvilkår m.v. for instruktørtannlegar ved universiteta i Oslo og Bergen. http://regler.app.uib.no/regler/Del-3-Personal-og-HMS/3.1-Personalforvaltning/3.1.3-Regler-og-retningslinjer-for-vitenskapelige-stillinger/Retningslinjer-for-stilling-som-instruktoertannlege-ved-UiB-og-UiO

 

Undervisningsspråket er til vanleg norsk.

 

Utfyllande opplysningar om stillinga kan ein få ved å vende seg til professor Morten Berge, tlf.: 55 58 66 36 e-post: Morten.Berge (at) uib.no eller overtannlege  Harald Nesse, tlf.:  55 58 66 87, e-post: Harald.Nesse (at) uib.no

 

Vi kan tilby:

• eit godt og fagleg utfordrande arbeidsmiljø
• stilling som instruktørtannlege (kode 1015) i lønssteg 58-66 etter kvalifikasjonar (for tida kr 491 400 - 569 700 i full stilling), alternativt kode 1353 for søkjarar som har spesial-/spesialistkompetanse.
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

 

Om rekruttering i statlege stillingar

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetjing.  Personar med innvandrarbakgrunn og personar med nedsett funksjonsevne vert oppmoda om å søkje stillinga.

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Årstadveien 19 5009 BERGEN

Job kort beskrivelse: Dentists

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år