id: MTQxOTE5MDIwMDAwMTkgMjYx

reference: 14191902000019

documentId: 14191902000019

connectionPointId: 261

Stillingstittel:
Har du lyst på ein spanande jobb på Fylkesarkivet i Sogn og Fjordane?

Stillingsbeskrivelse:

Fylkesarkivet har i dag 16 tilsette i eit dynamisk miljø med utfordrande og interessante arbeidsoppgåver, og held til i moderne arkivlokale på Leikanger.

Fylkesarkivet yter tenester til Kommunearkivordninga i Sogn og Fjordane. Kommunearkivordninga har sidan 2017 bygd opp ei ny ordnings- og digitaliseringsteneste. Tenesta er ei framtidsretta satsing med stort potensiale for utviding, og er av stor verdi for bevaring av kulturarven.

Fylkesarkivet har ledig frå 1. mars 2019: Fem 100 % faste stillingar som arkivmedarbeidarar, konsulentar eller førstekonsulentar 

Fylkesarkivet har fått finansiering til å digitalisere og ordne arkiv for fleire kommunar i Sogn og Fjordane gjennom kommunearkivsamarbeidet. Arbeidet inneber i all hovudsak å ordne og digitalisere arkiv etter gjeldande rutinar og regelverk slik at dei kan tilgjengeleggjerast og deponerast hos fylkesarkivet. Arbeidet skal utførast i fylkesarkivet sine lokale på Leikanger.

Dei fem stillingane skal fordelast på ordningsarbeid og digitaliseringsarbeid. Dei tilsette må vere førebudd på å utføre arbeidsoppgåver knytt til dagleg drift på kommunearkivordninga.

Digitaliseringsarbeid inneber:

• Ordne og klargjere arkivmateriale for skanning
• Skanne, registrere og digitalisere arkiv
• Ekspedere førespurnader frå oppdragsgivar
• Deponere arkivet i tråd med fylkesarkivet sine rutinar

Ordningsarbeid inneber:

• Reinsking av arkivmateriale
• Arkivavgrensing
• Ordning, registrering og listeføring
• Ekspedere førespurnader frå oppdragsgivar
• Deponere arkivet i tråd med fylkesarkivet sine rutinar

Vi krev:

• For førstekonsulentar: Bachelorgrad, og 5 års relevant arbeidserfaring, innan fagkrins som t.d. historie, bibliotek, arkiv. Relevant og tilstrekkeleg realkompetanse kan kompensere for manglande formell utdanning.
• For konsulentar: Bachelorgrad innan fagkrins som t.d. historie, bibliotek, arkiv. Relevant og tilstrekkeleg realkompetanse kan kompensere for manglande formell utdanning.
• For arkivmedarbeidarar: Fullført vidaregåande skule med fagbrev (relevant og tilstrekkeleg realkompetanse kan kompensere for manglande formell utdanning)
• Må beherske flytande norsk, skriftleg og munnleg
• Evne til å arbeide sjølvstendig og strukturert

Vi vektlegg:

• Erfaring frå tilsvarande arbeid
• God og relevant it-kompetanse
• Er i stand til å gjere skjønnsmessige vurderingar i arbeidet Interesse for arbeid med arkiv, lokalhistorie og kulturhistorie
• Personlege eigenskapar

Vedkommande må kunne arbeide systematisk over tid og vere uthaldande. Arbeidet krev at ein er nøyaktig, har sans for detaljar og systematikk og at ein har generelt gode ikt-kunnskapar. Det er ein fordel med førarkort klasse B.

Fylkesarkivet nyttar fagsystemet ASTA og publiserer arkiv på arkivportalen.no. Det vert gitt opplæring i ordning av arkiv og datasystem som vert nytta i arbeidet.

Arbeidsstad er Leikanger. Løn etter avtale.

På heimesida vår: www.fylkesarkivet.no finn du meir informasjon om Fylkesarkivet.

Nærare opplysningar får du hos fylkesarkivar Arnt Ola Fidjestøl (tlf.: 57 63 80 00 / mobil: 971 88 903 / e­-post: arnt.ola.fidjestol (at) sfj.no)

Søknad sender du ved å bruke elektronisk søknadsskjema som du finn under ledige stillingar på sida www.sfj.no

Opplysningar om søkarane kan bli offentleggjorde sjølv om søkaren har bedt om å vere unnateke søkarlista. Søkar vil bli orientert om dette på førehand. Kopi av vitnemål og attestar tek du med deg til eit eventuelt intervju.

Søknadsfrist er 11. mars 2019.

Se annonse

PAM

numberOfPosts: 5

jobCategoriesCodes_0: http://data.europa.eu/esco/isco/C4415

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: FYLKESARKIVET I SOGN OG FJORDANE

source: NAV