id: MTkwMjE5MDQwMDAyNDEgMjYx

reference: 19021904000241

documentId: 19021904000241

connectionPointId: 261

Stillingstittel: Fysisk oseanograf, Polhavet

Stillingsbeskrivelse:

Jobbnorge ID: 169103

Norsk Polarinstitutt

har ledig 100% fast stilling som fysisk oseanograf med fokus på Polhavet. Stillinga er plassert i vår forskingsavdeling, seksjon for hav og havis.

Arbeidsoppgåver

Forskaren skal delta i instituttets oseanografiske forsking og overvaking i Polhavet med spesielt fokus på det eurasiske bassenget, det nordlege Barentshavet og områda rundt Svalbard. Arbeidsområdet for stillinga er mesoskala til regional dynamikk rundt den atlantiske innstrøyminga, frontar i havet og vekselverknadane mellom havet og havisen.

Vår nye forskar skal utføra studiar som bygger på hydrografiske data og data frå måleriggar i havet. Det forventast utvikling av ny teknologi for datainnsamling, til dømes i forma av glidarar, floats, system for innhenting av data over lengre avstandar, samt optimalisering av instrumentriggar. Den som blir tilsett vil delta i pågåande prosjekt som Arven etter Nansen (https://arvenetternansen.com/) og A-TWAIN, men det vil også være opent for utvikling av nye prosjektforslag.

Nært samarbeid med forskarar frå andre disiplinar (som havisfysikk, biologisk oseanografi og marin økologi) er sjølvsagt. Forskaren vil vidare delta på arktiske tokt, publisere i internasjonale fagfellevurderte tidsskrift, samt skaffe ekstern finansiering til å støtta vidare utvikling av instituttets oseanografiske forsking og overvaking. Forskaren skal bidra til instituttets miljøfaglege forvaltningsrågjeving, og vil representera instituttet i relevante internasjonal organ.

Kvalifikasjonar

For stillinga krevjast fullført doktorgrad i fysisk oseanografi eller nært tilgrensande fagfelt, og ein må kunna dokumentera vitskapeleg bakgrunn frå polare havprosessar. Erfaring frå tokt med tilhøyrande prosessering, analyse og publisering av data frå instrument på skip og i måleriggar (primært CTD og ADCP) er eit krav. Likeins er røynsle med prosessering og analyse av resultat frå numeriske havmodellar.

Erfaring med å sette opp og køyre numeriske modellar, som til dømes regionale hav- og havismodellar, klimamodellar eller nedskalerte simuleringar, er ein føremon. Det er også ønskeleg med erfaring frå analyse av oseanografiske fenomen som mesoskala kvervlar, filament og frontar, samt polar felterfaring, gjerne frå arbeid i havis.

Erfaring frå forsking på tvers av disiplinar (påverknad mellom hav, havis, atmosfære, biogeokjemi og økosystem) er ein fordel. Erfaring frå avansert tall/analysearbeid gjennom bruk av MATLAB eller tilsvarande verktøy er eit krav.

Nylege publiserte artiklar i fagfellevurderte tidsskrift må dokumenterast. Den som tilsettast må kunne søke ekstern finansiering til nye forskingsprosjekt, og dokumenterbart suksessrike prosjektsøknader vil telja positivt. Vi ser etter søkarar som også har vist evne til å delta i formidlingstiltak og popularisering av vitskapelege funn.

Vi søker ein motivert og lagorientert person, som trivast med samarbeid i tverrfaglege forskingsgrupper. Det krevst særs gode skriftlege og munnlege engelskkunnskapar. Språkkunnskapar i norsk eller anna skandinavisk språk kjem godt med. Dersom den som tilsetjast ikkje snakkar norsk, forventast det at vedkommande lærar dette i løpet av ein femårsperiode.

Ytterlegare informasjon

Arbeidsstad er Tromsø. Stillinga bli lønna etter statens regulativ i 1109 eller 1110 forskar. For spesielt godt kvalifiserte søkarar kan kode 1183 vurderast. Det trekkast 2% til Statens Pensjonskasse. Vi kan tilby ei interessant stilling i eit internasjonalt miljø, samt gode pensjons- og forsikringsordningar gjennom Statens Pensjonskasse.

Tokt- og forskingsekspedisjonar kan være langvarige og anstrengande. Det krevjast derfor god psykisk og fysisk helse. Bestått helsesjekk i samsvar med NPs retningslinjer er ei føresetning for deltaking i forskingsekspedisjonar.

Den statlege arbeidsstyrken skal så langt råd er spegle mangfaldet i befolkninga. Vi oppmodar såleis alle kvalifiserte kandidatar med ulik utdannings-, arbeids- og livserfaring til å søke stillinga. Norsk Polarinstitutt er ei IA-verksemd. I dette ligg det bl.a. at vi vil leggje til rette arbeidsplassen dersom det er behov for det.

Søknad

Spørsmål om stillinga kan rettast til seksjonsleiar for hav og havis Sebastian Gerland, gerland (at) npolar.no, tlf. 77 75 05 54, programleiar for Polhavet Arild Sundfjord, sundfjord (at) npolar.no, tlf. 473 04 197 eller forskingsdirektør Nalân Koç, koc (at) npolar.no, tlf. 77 75 05 30.

Søknadsfrist er 3. mai 2019.

Søknad med relevante kvalifikasjonar og erfaringar, CV, publikasjonsliste, kopi av attestar og vitnemål, samt namn på minst tre referansar vert å senda elektronisk via www.jobbnorge.no. Vedlegg registrerast saman med søknaden i Jobbnorge. Spesifiser dine forskingsinteresser i søknaden. Legg ikkje ved artiklar eller anna arbeid - dette vil vi eventuelt be om seinare i prosessen.

All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter den nye offentleglova kan opplysningar om søkaren gjerast offentlege sjølv om søkaren har bede om å ikkje bli ført opp på søkarlista, jf. offentleglova § 25, andre leddet.

Vi ønskjer ikkje kontakt med annonseseljarar.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2114

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Norsk Polarinstitutt

source: NAV