id: MTIwOTE4MTIwMDAyNDIgMjYx

reference: 12091812000242

documentId: 12091812000242

connectionPointId: 261

Stillingstittel: Førstekonsulent

Stillingsbeskrivelse:
Jobbnorge ID: 162010

Om avdelinga og stillinga

NHH har ledig ei fast stilling i 100 prosent som førstekonsulent. Stillinga er plassert i Seksjon for personaladministrasjon og organisasjonsutvikling, som er ein del av HR avdelinga. HR avdelinga har òg ein seksjon for arkiv. Samla er vi 13 tilsette i avdelinga.

Som vår nye medarbeidar vil du få ansvar for å delta i den administrative delen av rekrutteringa av vitskapeleg tilsette. I stillinga vil du ha kontakt både med fagstab og andre kollegaer i administrasjonen. Andre arbeidsoppgåver er knytt til rekruttering av studentassistentar og eksamensvaktar. I tillegg vi du få ansvar for nokre fellesoppgåver på HR, til dømes ansvarleg for bestilling av varer og tenester, kontaktperson for fellesarrangementa på NHH med meir.

Vi søkjer etter ein engasjert og dyktig medarbeidar som trivs med ein variert og travel kvardag, der oppgåvene er alt frå store til små. Du må ha god kjennskap til digitale verktøy.

Hovudansvar og oppgåver

• Sakshandsaming av rekrutteringsprosessen av vitskapeleg tilsette, studentassistentar og eksamensvakter
• Ansvarleg for å registrere lønns- og persondata
• Sakshandsaming av professoropprykk og forskingsfri
• Generelle personaladministrative oppgåver

Du må rekne med endringar i arbeidsoppgåvene over tid.

 Kvalifikasjonskrav

Vi ser etter deg som har:

• Relevant høgare utdanning, minimum tilsvarande bachelornivå. Relevant realkompetanse kan erstatte utdanningskravet
• Erfaring frå personaladministrativt arbeid
• Gode kommunikasjonsevner, både skriftleg og munnleg på norsk og engelsk
• Gode ferdigheiter med bruk av digitale verktøy
•  

Det er ein føremon at du har:

• Erfaring frå rekruttering og generell personaladministrasjon
• Kjennskap til digitale verktøy som blir nytta på NHH (f. eks. P360, Agresso og Jobbnorge)
• Sakshandsamarkompetanse frå det offentlege

 Personlege eigenskapar

Vi ser etter deg som har/er:

• Evne til å jobbe sjølvstendig så vel som i team
• Evne til å jobbe godt og systematisk under press
• Meistrar høgt tempo og knappe fristar
• Serviceinnstilt og imøtekomande
• Strukturert og nøyaktig
• Trivast med rutineoppgåver

NHH tilbyr:

• Varierte utfordringar
• Eit triveleg arbeidsmiljø med gode kollegaer
• Fleksibel arbeidstidsordning
• Gode forsikrings-, pensjons- og låneordningar i Statens pensjonskasse
• Inkluderande arbeidsliv
• Velferdsgode som subsidiert trening, bedriftshytte og gratis parkering

Stillinga har kode 1408- førstekonsulent og er løna etter lønsregulativet til staten med kr 435 100 - 480 200 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna.
 

Generell informasjon

Den statlege arbeidsstyrken skal i størst mogleg grad spegle mangfaldet i befolkninga. Difor er det eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Vi oppmodar personar med innvandrarbakgrunn om å søkje stillinga.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

Dersom du ønskjer meir informasjon om stillinga, kan du ta kontakt med HR-sjef Elise Kongsvik, Elise.Kongsvik (at) nhh.no, tlf. 55 95 94 76

Søknadsfrist: 6. januar 2019.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2422

abstractJV_contact_0: See jobabstractJV_description

Arbeidsgiver Navn: Norges Handelshøyskole (NHH)

source: NAV